سؤال للالنتراويه

[profimh]

سلامو عليكو
انا حجزت النترا 2010 و هستلم منتصف اغسطس
انا كنت عاوز استعين بخبرتكم فى استلا م العربيه ايه اللى اخد بالى منه عند الاستلام و المفروض عدادها يبقى عامل كام مثلا

[kh_talaat]

بصراحه رجاله الألنترا مقصرين جامد في المنتدى


يعني مشوفتش ولا تقييم للألنترا في قسم الهيونداي مع ان من خلال مشاركات الأعضاء فيه كتير معاهم ألنترا !!!

يا ألنتراويه متبخلوش علينا بخبراتكم ، دة الراجل كانت الموضوع من امبارح


ولا يعني نفتح قسم للإحتراف في المنتدى ونجيب ألنتراويه أجانب

[ahmedfd]

بصراحه رجاله الألنترا مقصرين جامد في المنتدى


يعني مشوفتش ولا تقييم للألنترا في قسم الهيونداي مع ان من خلال مشاركات الأعضاء فيه كتير معاهم ألنترا !!!

يا ألنتراويه متبخلوش علينا بخبراتكم ، دة الراجل كانت الموضوع من امبارح


ولا يعني نفتح قسم للإحتراف في المنتدى ونجيب ألنتراويه أجانب

أبداً و الله .. مواضيع الإلنترا كتير و على كل عذراً لو في تقصير ...
بالنسبة للأخ الفاضل صاحب الموضوع بخصوص الإستلام مفيش حاجة معينة .. لو العربية من غبور فأنا مثلاُ كنت مستلمها من غبور فرع عمارات العبور عاملة حوالي 40 أو 50 كيلو مش فاكر بالضبط يعني يدوبك المشي من أبو رواش للمعرض.
بالنسبة للإستلام حاول تبص على العربية كويس علشان لو فيه تجريح أو خرابيش في الدهان و الحاجات دي.
طبعاً أول ما تخرج بيها من المعرض على خير و بالسلامة دائماً إن شاء الله تطلع على أول محطة و تحط بنزين و يكون 92 بحد أدنى , و تظبط ضغط الهواء في الكاوتش على 32 زي الكتالوج ما بيقول و ما تسمعش كلام عامل المحطة اللي غالباً هيحاول يقنعك إنك تقلل الضغط على إعتبار إن الجو في مصر حر و الطرق مكسرة.
في نصيحة تانية الحقيقة أنا عرفتها بالصدفة و دي مش خاصة بالإلنترا بس و ممكن تكون محتاجة موضوع وحدها علشان إفادة الإعضاء بخصوص التكييف إنك لما تغسل العربية في المحطة دايماً تخلي زرار توزيع الهواء على Recycle علشان المياه متدخلش من بوابات الهواء على الفلتر و تعمل ريحة عطانة تضايقك بعد كدة.
بالنسبة للسواقة أهم حاجة لازم تعرفها إن العربية عريضة و أبعادها صعبة و أنا ركبت حساسات ركن خلفية أول ما جبتها و شايف في رأيي إنهم مهمين جداً في الإلنترا بصورة خاصة..
و أخيراً إختيار موفق و ربنا يباركلك فيها و يعطيك خيرها و يكفيك شرها.

[profimh]

الله يبارك فيك
الف شكر على النصايح الحلوه دى. بس انا كنت قريت ان ضغط الهوا فى الاول نخليه على 30 فتره التلين و بعد كده نخليه 32 مش عارف مدى صحه المعلومه.
شكرا

[tarekabosdera]

الف مبروك للاختيار الممتاز والموفق .

احب بس اوضحلك حاجة عشان متتصدمش اول ما تيجي تسوق العربية.

حتحس في الاول ان آداء العربية مش 100 % فمتزعلش ده بيكون اول الف كيلو بس والعربية بتتحسن تدريجيا من كل النواحي ( العزم - التكييف - الفرامل ) .

وانصحك تحط بنزين 92 افضل من 90 لاني جربت الاتنين وفي فرق كبير بين الاتنين وبنزين 90 بيتحرق بسرعة جدا.

وبرضه احتمال يكون في الاول استهلاك البنزين عالي شوية بس بالتدريج هيقل.

حاول متزودش سرعة كتير في فترة التليين عن 100 بالكتير اوي.

والف مبروك تاني واي استفسار انا في الخدمة...............

[profimh]

الله يبارك فيك و متشكر جداا على النصايح الحلوه دى
بالنسبه للتكيف فى التلين اشغله و لا لأ لأن بصراحه سمعت كلام كتير متضارب فى تشغيله فى الفتره دى.
شكرا

[tarekabosdera]

الله يبارك فيك و متشكر جداا على النصايح الحلوه دى
بالنسبه للتكيف فى التلين اشغله و لا لأ لأن بصراحه سمعت كلام كتير متضارب فى تشغيله فى الفتره دى.
شكرا

بالنسبة للتكييف .: انا قريت دليل العربية كله ومكنش مكتوب عدم تشغيل التكييف اثناء التليين.

وانا كنت بشغله في التليين عادي جدا ومفيش حاجة بس بيبقى ضعيف في الاول.وبعد كده هيتحسن تدريجيا.

وبعدين انت لو خرجت الظهر مش هتقدر تمسك نفسك ومتشغلش التكييف لان الجو بيكون حر جدا . وممكن بالليل تستغني عن التكييف...............

[islamkhidr]

موضوع جميل جدا بس اللإلنترا 2010 هية نفس الشكل القديم ولا إتغير ؟؟

[profimh]

نفس الشكل مفيش حاجه اتغيرت

[tefeamer]

استاذى الفاضل انا رأى واللى انا مشيت علية بعد اذن الاخوة الافاضل الزملاء :
1- ال ارى بى ام لا يعلو على 3 خلال الف كيلو الاولى .
2- لا يتم تجاوز سرعة ال 100 كيلو فى الساعة وده برضه خلال الالف كيلو الاولى .
3- لا يتم تشغيل التكييف ابدا فى الفترة الاولى لان عمل التكييف معتمد كليا على الماتور وبيزود الحمل عليه وانا قرأت فى كتالوج 2008 انه من الافضل عدم تشغيل التكييف فى الفترة الاولى من استخدام العربة .
4- طبعا لا تحاول قطر عربة باى حال من الاحوال لانه برده حمل على الماتور وده برضة عن الاف كيلو الاولى .
الموضوع الثانى والخاص باستلام العربة :
1- لو من التوكيل تاكد من عدم وجود خدش او تجريح فى العربة ، تاكد من عمل الانذار ، تاكد من روافع الزجاج ان وجدت ، استلام المفاتيح من نسختين مرفق معهم ورقة برقم المفاتيح لاستخراج مفتايح اخرى من التوكيل فى حالة فقدها تأكد من وجود وصلة ال يو اس بى المرفقة مع الكاسيت حتى يتم توصيل الفلاشة على الكاسيت ، الكتالوج ، العده وهى عبارة عن مفك ومفتاح ومفك العجل والكوريك وكذا كتالوج الكاسيت .
2- لو من معرض تأكد من كل ماسبق بس بحرص زيادة شوية .
مع الشكر وفقك الله وكفاك الله شرها (عاطف عامر)