verna automatic

[darkomed]

يا ريت يا جماعه حد يقوللي رايه او تجربته ف الفرنا الاوتوماتيك و الموديلات الجديده منها تفيل مصري ولا كوري, وعايز رايكو ف حاجه كمان انا عايز اجيب عربيه اوتوماتيك ف حدود 75 80 الف اجيب ايه افيو ولا نيو اكسنت زيرو ولا سني او لانسر كسر زيرو ولا طبعا الفيرنا زيرو , يا ريت لوحد عنده راي تاني يفيدني.
معلش طولت عليكو.

[som3aa]

انا فى رايى نيو اكسنت
طبعا ابعد عن الافيو نهائيا عربية شكلها مش حلو + مبعجرة + فيها مشاكل كتير!!!
لو لانسر مستعملة كويس بس انا الصراحة مبفضلش حد يشترى عربية مستعملة الا لو كان معاه 40 الف مثلا فمضطر بدل ما يشترى صينى انما ب 80 الف عندك اختيارات كتير و خصوصا انه مش عارف ايه اللى ممكن يكون حصل فى العربية و بعدين ليه الواحد يشترى عربية ربع عمر بس؟ يعنى اكيد اللانسر اللى ب 80 دى عاملة مش اقل مثلا من 40000 كيلو (انا معرفش سعرها بس بخمن) لو كانت 1600cc فبالتالى بلاش احسن.
فرنا بلاش لان سعرها مقارب جدااا للاكسنت فليه تشترى الفرنا لما ممكن تزود حاجة بسيطة و تاخد شكل احدث + تكنولوجيا احدث + تقفيل كورى 100% بدل تقفيل غبور اللى مش مضمون اوى + ثبات احسن و حاجات كتير يعنى لو كانت ب 65 كنت قولتلك الفرنا انما دى ب 75 يعنى زود حاجة بسيطة و خد الاكسنت و خصوصا ان الاكسنت بتتباع ارخص من التوكيل عند الموزعين فالفرق مش كبير.
الاكسنت فى رايى احسن اختيار

[creative]

انا من رايى الاكسنت برده هايكون احسن اختيار ليك فى الفئة السعرية دى

[Nile_Storm]

توكل علي الله و هات الاكسنت

[darkomed]

شكراا يا جماعه علي اهتمامكو .يا ريت لو في حد تاني عنده راي يفيدني.