سؤال الي الاستاذ حماده المصرى

[semihuman]

بما ان حضرتك خبره في النيو اكسنت و ياريت يكون عندك اي خبره مع البرليانس frv
حضرتك ترشحلي اي سياره و ياريت تقولنا ليه اخترت اي واحده منهم و شكرا

[حماده المصري]

بصراحه البريليانس مقدرش اتكلم عليها نهائي

في الاول والاخر هي صيني والصيني كله شاسيهاته تعبانه جدا واكيد مواتير وفتيسات برضو تعبانه وعمر افتراضي مش كبير وكراش تيست بتاعته كلها في الضياع

النيو اكسنت يعيبها العفشه الناشفه ولما ناس تركب ورا العربيه بتقعد تنط نطه سخيفه شويه

وعموما العربيات في المستوى ده زي ياريس ريو رينو لوجان

النيو اكسنت بفضلها

[حماده المصري]

]بصراحه البريليانس مقدرش اتكلم عليها نهائي عشان مجربتهاش

في الاول والاخر هي صيني والصيني كله شاسيهاته تعبانه جدا واكيد مواتير وفتيسات برضو تعبانه وعمر افتراضي مش كبير وكراش تيست بتاعته كلها في الضياع

عموما انا مش من المقتنعي بالصيني تماما ومهما حصل

ده لو اخدت ضمان مدى العمر على العربيه وصيني هفضل خايف وانا راكب من انها صيني وممكن تععمل اي حاجه في اي حته والحوادث تشهد انها عربيات تعبانه


النيو اكسنت يعيبها العفشه الناشفه ولما ناس تركب ورا العربيه بتقعد تنط نطه سخيفه شويه

وعموما العربيات في المستوى ده زي ياريس ريو رينو لوجان

النيو اكسنت بفضلها

[حماده المصري]

نالت السيارة الصينية بريليانس "بي اس 4" مثل شقيقتها الكبرى "بي اس 6" ، على تقدير ضعيف من حيث مستوى السلامة والأمان وذلك في اختبار تصادم أجراه نادي السيارات الالماني "أداك"، وقال "أداك" إن السيارة بريليانس "بي اس 4" ، وهي سيارة سيدان متوسطة، الحجم أدخلت عليها تحسينات كبيرة مقارنة بالسيارة "بي اس 6 " بيد أنها "لا تزال بعيدة عن تحقيق نتيجة طيبة (على مستوى الأمان)"، وكانت السيارة "بي اس 6 " تعرضت لانتقادات بسبب النتائج السيئة التي حققتها في اختبار التصادم الذي أجري في وقت سابق، وذكر المسؤولون عن اختبار التصادم في "أداك" أن خلية الأمان في السيارة "بي اس 4" وصلت لأعلى تأثير في تصادم عند القيادة بسرعة 64 كلم/ساعة مع اندفاع عمود القيادة ولوحة أجهزة القياس في السيارة إلى منطقة الكابينة، وأضاف "أداك" أن الدواسات يمكن أيضا أن تصبح "سهاما حادة" تسبب إصابات خطيرة حال وقوع حادث مروري. وبرغم ذلك ، حققت "بي اس 4" نتيجة أفضل في اختبار التصادم الجانبي نظرا لوجود وسادة هوائية جانبية كبيرة لمنع إصابة رأس أو ضلوع الركاب.


ال بي اس 4 هي سبلندور ف اذا كانت الجالينا والسبلندور كده الصغيره بقى تعمل ايه وليا صديق اشتري ال اف ار في والله العظيم ملحقتش اركبها مقعدتش اسبوع عومت منه ودخل في صور الدائري على 70 الحادثه وصلت للموتور وعدت والعربيه انتهت للابد ولما سالتو عليها قالي هي مش اد كده

[semihuman]

متشكر علي الافاده
اصل في ناس طلعه بال frvالسما
واضح ده نتيجه شكلها الحلو
ولما لاقو ان ماتورها مش وحش و كمان صجها تحس انه قوي فرحوا قوي و قالوا عربيه خطيره و نزل ناس كتير جابتها
بس الي عايز اقوله ان عربيه في سعرها ده لازم تبقي احسن من كده اصلا
انا شايف ان جودتها اقل شويه من سعرها ده بعد تفكير في كلامك و كلام ناس كتير
هيونداي بردو هتفضل هيونداي في مصر!