الالنترا عريضة اوي

[dr_abooody]

انا ان شاء الله مقبل على شراء هيونداي النترا 2010
المشكلة اني عايز عربية عملية عشان انا مشاويري بتكون كلها و سط المدينة في الزحمة و المناطق الضيقة

فأنا شايف ان الالنترا عريضة جداا و ممكن تحك من الواحد طول ما هو ماشي في الزنقة

انا معظم الناس اللي شوفتهم معاهم النترا بلاقيهم بيستعملوها في السفر فقط عشان مريحة انما ينزل و سط الزحمة و في المناطق الزنقة مش بشوف ؟


اية رايكم في الكلام دة

انا قولت كدا لصحابي قالولي انها مش عريضة اوي زي ما انت فاكر و اني هتعود عليها

انا عايز راي ملاك العربية في الموضوع دة

[mosaelaswad]

مش عريضة اوى

[M.ABDEEN]

يا سيدي مش هتفرق حتى العربيات الصغيرة ممكن تتحك ولو واحد غشيم وبيتعافى وراكن وراك او قدامك ممكن يحكلك الاكصدام وهو طالع .........وبعدين ايه البديل اللي ممكن تجيبه بدلها ويديك نفس اللي انت عايزه كده ممكن تستغني عن حاجات انت عايزها او هتجيب ما يماثلها وهيكون حجمها كبير شوية .......توكل على الله

[rawdat]

هي فعلا عريضة حتى ال i30عريضة
بس ده ما يمنعش شراها ما دامت الفدرة على الحفاظ عليها
يعني مش عيب

[rawdat]

بس ده ما يمنعش شراها ما دامت الفدرة على الحفاظ عليها

آسفة !
القدرة :)
شكرا يا نايل موتورز كتبتونا عربي :)

[AshrafMetwally]

والله أنا سوقت العربية دي في أول لحظة ركبت فيها حاسيت أنها مبهوئة شوية و مش عارف ألم أبعادها كويس مع أني بسوق بقالي 12 سنة و ركبت عربيات ياما بس بمجرد أني مشيت بيها مشوار واحد أتعودت عليها و بقيت أسوق كأني راكب بسكلتة

أنا قصدي أن العملية كلها مسألة تعود علي العربية و أبعادها و مسيرك تتعود عليها و متعرفس تسوق غيرها

و آسف علي الأطالة

[akram2010]

السلام عليكم ورحمة الله وبركاته
اخى مبروك وتوكل على الله اختيار موفق والعربيه مش عريضه زى ما انت متخيل . عاديه . وحاسب من الخليجى الفرق لصالحك وخليك فى عربيات بلدك

[fahd_628]

الصراحة انا اول ما جبت العربية (هيونداى i30) كان عندى مشكلة انها بجد عريضة اوى اوى بالنسبة لأنى كنت راكب عربية صغيرة جدا ( تويوتا ستارليت ) فا الأول كنت بخاف جدا جدا منها و بخاف امشى بيها و لكن دلوقتى الحمد لله بقيت 100 100 و مفيش مشاكل خالص المسألة تعود مش اكتر

[Osama.shihata]

حضرتك متقلقش خالص من عرض العربية
هى مسالة تعود مش اكثر ومش هتاخد منك اكثر من اسبوع تعود ان شاء الله وماشاء الله انا قعدت جنب زميل معاه الانترا نعمة وعفشتها ناعمة تشبه التويوتا وعزلها من ناحية الصوت جيد وهو كان ماشى 110 ومكنتش حاسس ده اكيد لان فى ثبات كويس و طبعا انا مقدرش احكم على الثبات على السرعة دى لازم اسرع من كدة بس ده تقيمى ليها على السريع كدة وتصميمها الداخلى ايضا جيد اعمل الاستخارة وتوكل على الله وربنا يهديك الى ما فيه الخير

[Ahmed Sharaf]

زى ما جميع الاعضاء قالوا انك مع الوقت هتتعود عليها ودى طبيعة التغيير من عربية الى اكبر , انا اول ما جبتها كنت حاسس انى سايق لنش وحاسس ان العربية واسعة قوى وكبيرة مع انى طولى 185 يعنى المفروض ماحسش الاحساس دة لكن مع التعود حسيت ان بقى فية الفة بينى وبين العربية.
توكل على الله وربنا يباركلك فيها ويكفيك شر الطرق.

[Hacker5]

السلام عليكم ورحمة الله وبركاته
اخى مبروك وتوكل على الله اختيار موفق والعربيه مش عريضه زى ما انت متخيل . عاديه . وحاسب من الخليجى الفرق لصالحك وخليك فى عربيات بلدك

يا رب ارحمنا

[memo_p910]

الخليجي احسن

[Fadi Ezzat]

مش عريضة خالص
وعلى فكرة العرض بيدى ثبات اكتر
ومهما كانت الانلترا عمرها ما هتكون مثلا زى
السوناتا او الباسات او السيفيك
او او او او او او