باركولي يا جماعة اخيرااااااا جبت النترا زيرو

[dr_abooody]

الحمد لله جيبت امبارح النترا مانيوال زيرو من ابوغالي موتورز مدينة نصر

العربية ما شاء الله جميلة جدااا

بس فيها شوية حاجات كدا عايز اسأل عليها

1-السنترا لوك لما اقفل العربية الازاز مش بيقفل معاها
يعني الازاز بتاع العربية لازم اقفلة كلة بنفسي قبل ما انزل من العربية
يعني الازاز مالوش علاقة بالسنتر و دة حاجة غريبة مع ان خالي عندة الازاز بيقفل مع اللوك بتاع الريموت

2- كل ما افتح الباب او اعمل اي حاجة و المفتاح بيكون في الكونتاكت تفضل تشغلي انتظار كدا مش بيرضى يبطل غير لما اقفل الباب عايز اعرف دة بيتقفل منين دة

[EslaM_NagY]

الف مبررررررررررررررررررروك

بالنسبة للسنتر فهو فعلا مش بيقفل الازاز اكيد عربية خالك هو مركب فيها وحدة رفع



الانتظار دا عشان لو مثلا حتنزل حد وفى عربية وراك يعرف انك واقف - هو مبيتقفلش على ما اعتقد.

[alihussien2]

مبرووووووووووووووووك ماقلتش موديل كام؟ وسعرها اد ايه؟

[alihussien2]

انا اسمع ان موديل 2010 هاتش؟

[Karim_Mohy]

الف مبرووك
وربنا يديك خيرها ويكفيك شرها

[dr_abooody]

الله يبارك فيكم يا جماعة

العربية جبتها من ابو غالي موتورز هي موديل 2009 مانيوال و كيل مش خليجي جبتها على 91 و اخدت خصم 500 ج يبقى 90 الف 500

[Hosam_Optrawy]

الف مبروك

[dr_abooody]

معلش هتقل عليكم بس انا كنت عايز اجيب فرش جلد و غطا للعربية و دواسات اية احسن مكان اجيب منة الحاجات دة

[Ahmed Sharaf]

الف مبروك على العربية وربنا يديك خيرها ويبعد عنك شرها.
حضرتك ممكن تروح سبير كار فى باب اللوق , هتلاقى عندهم خامات كويسة واشكال كتير واسعار متنوعة وبيركبوا الفرش الجلد كويس جداً.

[tarekabosdera]

معلش هتقل عليكم بس انا كنت عايز اجيب فرش جلد و غطا للعربية و دواسات اية احسن مكان اجيب منة الحاجات دة

الف الف مبروك . اختيار موفق ان شاء الله والالنترا عربية رائعة.

انا فرشت الالنترا بتاعتي جلد بيج من سبير كار. ده من احسن محلات مستلزمات السيارات والناس كلها بتشكر فيه.

له 3 فروع : 20 شارع نوبار - باب اللوق - امام وزارة الداخلية.
وفي فرع في امتداد شارع رمسيس.
وفي فرع في السيدة زينب.

والف مبرووووووووووك تاني

[amrnader]

مبروك يا باشا،

انت بتسأل عن وحدات الرفع بتاعة الازاز. انا عندى موجودة فى موديل 2008 بس سمعت ان غبور شالها بعد كدة، فلازم انت اللى تركبهم لو عايز.

[Samah AbdAllah]

الف مبروك وان شاء الله ربنا يباركلك فيها

[tefeamer]

الف مبروك وربنا يكفيك شرها

انا معيا النترا 2008 فيها وحدات رفع ، بص يا استاذى غبور لما رخص العربية يعنى انا جبتها ب 96500 فلما رخصها شال منها الروافع اللى هيه مئوله عن رفع الزجاج لما تقفل العربية يعنى حب الا ايه يوفر شوية لكن انت ممكن تركبها عند السجان بشارع دمشق بمصر الجديدة ده لان الوافع والانذار بيتركبوا فى مصر يعنى العربية بتنزل من كوريا من غير انذار وروافع فغبور ركب الانذار لكن وفر الروافع ، ثانى حاجة حكايت النور بتاع العربية هو بيفضل شغال لغاية لما تقفل العربية وده وسيلة من وسائل الامان انه يعرفك بخلاف لمبة الباب اللى بتنور فى التبلوه وعاها النور فتعرف ان فيه باب مفتوح او اللى وراك يعرف انك واقف بتنزل حد مثلا وده مش عيب ده ميزة واسف على الاطاله

[dr_abooody]

الف مبروك وربنا يكفيك شرها

انا معيا النترا 2008 فيها وحدات رفع ، بص يا استاذى غبور لما رخص العربية يعنى انا جبتها ب 96500 فلما رخصها شال منها الروافع اللى هيه مئوله عن رفع الزجاج لما تقفل العربية يعنى حب الا ايه يوفر شوية لكن انت ممكن تركبها عند السجان بشارع دمشق بمصر الجديدة ده لان الوافع والانذار بيتركبوا فى مصر يعنى العربية بتنزل من كوريا من غير انذار وروافع فغبور ركب الانذار لكن وفر الروافع ، ثانى حاجة حكايت النور بتاع العربية هو بيفضل شغال لغاية لما تقفل العربية وده وسيلة من وسائل الامان انه يعرفك بخلاف لمبة الباب اللى بتنور فى التبلوه وعاها النور فتعرف ان فيه باب مفتوح او اللى وراك يعرف انك واقف بتنزل حد مثلا وده مش عيب ده ميزة واسف على الاطاله

الله يبارك فيك

يا باشا مفيش اطالة و لا حاجة دة انت نورتنا

انا كان عندي سؤال بس في الانذار بتاع العربية

هو دلوقتي صوتة منخفض شوية دة غير انة حساس اوي لاي لمسة

اعمل اية عشان اعلية و اقلل الحساسية بتاعتة كمان


كمان في حاجة غريبة اني لما افتح العربية بالمفتاح عادي بتفضل تشغل انذار كأني حرامي بحاول افتحها يعني لازم افتح بالريموت عشان ما تعملش دوشة ؟

[M.Osman]

ألف مبروووووك يا باشا... ربنا يديك خيرها و يبعد عنك شرها