ممكن مساعده هيوانداى اتوس 95-2000

[mandochan]

اولا: كل سنة وانتو طيبين والحمدلله الذى بغلنا رمضان...

انا ناوي ان شاء الله اجيب عربية مستعملة في حدود 25 -28

فا وانا بدور في الاسعار لقيت اتوس... فا عايز اعرف ايه مميزاتها وعيوبها وبالنسبة لو فيها تكيف بيأثر علي سحبها عشان انا عرفت انها 1000 سي سي

فا ممكن تساعدوني



شكرا.......

[mandochan]

ايه يا شباب محدش ناوى يساعدني

[mandochan]

eah ya gama3a m7dsh m3ah l 3rbya de walla eaah

[A.Saad]

اعمل بحث عنها فى المنتدى هتلاقى حاجات كتير

[mandochan]

شكرا علي الافاده

[mandochan]

al salamo 3alikom
w kol sana w ento taybeen be monsabet l 3eeeed :)

ya gama3a ana dwrt fl montada 3la 7aga 3an atos(99-2000)lel asaf msh la2e 7aga fa yareet 7ad rakeb l 3rbya de yfdnee 3ashan hya 3gbane shklaha w 3ayz a3rf 7agat 3anah
qeta3 3'yraaha
feh mechanykya byfhmo feha wala l2?
low feha takyeeeeef by2sr 3aleha wala l2 w momyzat w l 3yoob bt3t el 3rbya de!

yareeeeet bgd 7ad yrod 3aalaya w yfdne w bgd l montada da afdne keteeer gdan w shokran lekom kolkom


[marq="3;right;3;scroll"]happpppy feast 2 you[/marq]

[Amrrr]

انا معايا بس 2008
1100 سي سي
عربية حلوة اوي
تكييفها جامد - بيأثر شوية على سحب العربية وتحس بيه اول تاني بعد كدة تأثيره بسيط اوي وممكن متحسش بيه لو رجلك مش حساسة
ينزينها حلو - اقتصادية بس محسبتش والله من ساعة ماجبتها بنسى دايما وبتلخبط كل ماجي احط بنزين
معرفشي الموديل القديم بس حاول ماتكونشي العربية شقيانة وتكون استعمال بيتي ونظيف عشان هي اصلا مش عربية قوية اوي ومحتاجة معاملة هادية ويكون صاحبها محافظ عليها
انا عربيتي معايا من سنتين وشهرين بالظبط - وعامل بيها 86,000 كم وباعمل صيانات كل عشرة آلاف في غبور ابو رواش - مبسوط من التوكيل ومن العربية الحمد لله - مفيش عيوب صناعة ومش بأغير غير الحاجات اللي المفروض تتغير في ميعادها زي مثلا طقم الكهرباء كل تلاتين ألف كم والسيور في الستين ألف وكدة
الصالون من جوة حلو وممكن يركب اربعة في العربية ومستريحين وقعدتها من ورا عالية ودا بيسهل ركوب حد طويل ورا
عيب العربية دي الوحيد : بعد الستين سبعين كم/ساعة بتتنطط لو حد راكب ورا والطريق وحش ولو الأسفلت ناعم ومافيهوش طالع ونازل كتير العربية تجيب معاك لحد 140 150 كم/ساعة ومفيش هزة واحدة
ناعمة اوي في مشيها وانعم من حاجات كتير في نفس الفئة وممكن أعلى كمان

لو ينفع تقسط انت معاك 30,000 جم والعربية زيرو كلها على بعضها تمنها 50,000 تكييف وباور وكاسيت - والعشرين ألف قسطهم مش هيبقى جامد اوي ونصيحة لو هتعمل كدة اشتريها من التوكيل وانا مع الرأي دا بشدة - الكاوتش بتاع العربية قعد معايا لسة اول فردة جابت سلك من يومين يعني عامل 85,000 كم بالكاوتش طبعا هو غلط بس انا مشاويري في الفترة الأخيرة مش طويلة ومش باسافر بيها وطبعا السرعة مش بتتعدى 90 كم بالكاوتش عشان متوقع منه اي حاجة لحد ماأغيره ان شاء الله


اكيد الموديلات القديمة كويسة برضة طالما الجديد كويس - بس عيبه الوحيد - من وجهة نظر كل الناس - الشكل بس وانا عن نفسي شايفه ظريف

[mandochan]

انا معايا بس 2008
1100 سي سي
عربية حلوة اوي
تكييفها جامد - بيأثر شوية على سحب العربية وتحس بيه اول تاني بعد كدة تأثيره بسيط اوي وممكن متحسش بيه لو رجلك مش حساسة
ينزينها حلو - اقتصادية بس محسبتش والله من ساعة ماجبتها بنسى دايما وبتلخبط كل ماجي احط بنزين
معرفشي الموديل القديم بس حاول ماتكونشي العربية شقيانة وتكون استعمال بيتي ونظيف عشان هي اصلا مش عربية قوية اوي ومحتاجة معاملة هادية ويكون صاحبها محافظ عليها
انا عربيتي معايا من سنتين وشهرين بالظبط - وعامل بيها 86,000 كم وباعمل صيانات كل عشرة آلاف في غبور ابو رواش - مبسوط من التوكيل ومن العربية الحمد لله - مفيش عيوب صناعة ومش بأغير غير الحاجات اللي المفروض تتغير في ميعادها زي مثلا طقم الكهرباء كل تلاتين ألف كم والسيور في الستين ألف وكدة
الصالون من جوة حلو وممكن يركب اربعة في العربية ومستريحين وقعدتها من ورا عالية ودا بيسهل ركوب حد طويل ورا
عيب العربية دي الوحيد : بعد الستين سبعين كم/ساعة بتتنطط لو حد راكب ورا والطريق وحش ولو الأسفلت ناعم ومافيهوش طالع ونازل كتير العربية تجيب معاك لحد 140 150 كم/ساعة ومفيش هزة واحدة
ناعمة اوي في مشيها وانعم من حاجات كتير في نفس الفئة وممكن أعلى كمان

لو ينفع تقسط انت معاك 30,000 جم والعربية زيرو كلها على بعضها تمنها 50,000 تكييف وباور وكاسيت - والعشرين ألف قسطهم مش هيبقى جامد اوي ونصيحة لو هتعمل كدة اشتريها من التوكيل وانا مع الرأي دا بشدة - الكاوتش بتاع العربية قعد معايا لسة اول فردة جابت سلك من يومين يعني عامل 85,000 كم بالكاوتش طبعا هو غلط بس انا مشاويري في الفترة الأخيرة مش طويلة ومش باسافر بيها وطبعا السرعة مش بتتعدى 90 كم بالكاوتش عشان متوقع منه اي حاجة لحد ماأغيره ان شاء الله


اكيد الموديلات القديمة كويسة برضة طالما الجديد كويس - بس عيبه الوحيد - من وجهة نظر كل الناس - الشكل بس وانا عن نفسي شايفه ظريف

بجد شكرا جدا جدا يا استاذ عمرو والله مش عارف اقولك اية

ربنا يكرمك

بس انا مش عايز اجيب حاجة بالتقسيط عشان لسة في بداية حياتي فا مش عايز اتشغل باي تقسيط
وبالنسبة لشكل الاتوس القديمة فهوا بيعجبني بس يارب الاقي حاجة كويسة و حالتها نظيفة عشان متتعبنيش......... انا عارف ان الهيونداي قطع غيرها مش غالية وربنا يسهل و ربنا يكرمني بعربية كويسة يارب

ويارب حد معاه العربية دي موديل قديم شوية يدخل يقولي عاملة ايه معاه

وكل سنة وانتو طيبيين وعيد سعييييد ان شاء الله

[Amrrr]

اي خدمةربنا يوفقك يا باشا

[Na7nology]

شكلك طيب وأبن حلال

السلام عليكم..
أنا معايا أتوس 2008 رمادى
عاملة 30000 ألف كبلو للبيع...وبالمناسبة العربية شغالة نص المدة بس عشان أنا بسافر لعملى شهر وبرجع بشهر....وعلى فكرة والله فعلا العربية ده هايلة ومن رأيي أنها أفضل عربية 1100 سى سى فى فئتها (مع أعتبار فرق السعر فى البكانتو)
على العموم هى طبعا هتبقى أغلى من الرينج اللى أنت حاطه ده شوية
بس فكر وربنا يقدرك على اللى فيه الخير...

لو تحب تتفرج علييها بس هى أ

[mandochan]

السلام عليكم..
أنا معايا أتوس 2008 رمادى
عاملة 30000 ألف كبلو للبيع...وبالمناسبة العربية شغالة نص المدة بس عشان أنا بسافر لعملى شهر وبرجع بشهر....وعلى فكرة والله فعلا العربية ده هايلة ومن رأيي أنها أفضل عربية 1100 سى سى فى فئتها (مع أعتبار فرق السعر فى البكانتو)
على العموم هى طبعا هتبقى أغلى من الرينج اللى أنت حاطه ده شوية
بس فكر وربنا يقدرك على اللى فيه الخير...

لو تحب تتفرج علييها بس هى أ

شكرا جدا جدا علي ردك ده

و عايز اسأل علي حاجة هيا 1100 ولا 1000

وكمان هيا تعمل كام؟

والعربية عاملة اية و هيا شغالة بالتكيف؟

و بجد شكرا اوي علي اهتمامك وكل سنة وانت طيب

[Amrrr]

الجديدة نازلة 1100 سي سي
القديم كانت 1000 سي سي بس

[mandochan]

ممممممم

شكرا يا استاذ عمرو

طب هيا قطع غيارها في غالية ولا متوسط ولا رخيصة؟؟

[mandochan]

للتفعيييل

[Amrrr]

ممممممم

شكرا يا استاذ عمرو

طب هيا قطع غيارها في غالية ولا متوسط ولا رخيصة؟؟

موديل 2008
كفة المراية = 100 جم الازاز بس لكن جسم المراية كله كان سليم
فانوس خلفي = 550 جم
برابريز امامي + كاوتش داير = 1800 جم
تيل امامي = 300 جم
دي الحاجات اللي انا غيرتها واسعار التوكيل واكيد برة بتبقى ارخص بس التوكيل معاملة وخدمة انظف وقطع غيار مضمونة
انا غيرت كمان سير الكاتينة والبلية بس مش فاكر اسعارهم لو عايز سعرهم ضروري قول لي وهادور لك في الفواتير
بس انا متعقد من الميكانيكية وباروح التوكيل !!! لحد دلوقتي