هل عمل صيانة الألف في مركز خدمة معتمد يخرجني من الضمان

[adelkamal]

كل سنة وإنتم جميعا بخير

أنا معايا نيو أكسنت 2010 ولما جه موعد صيانة الألف الأولى فضلت إني أعمل صيانة الألف في مركز خدمة معتمد وليس في التوكيل (سواء قليوب أو غيره) وذلك لأتحاشى الزحام اللي الكل بيحكي عنه في قليوب وأبورواش وغيرهم، ولكني بعد كده سمعت إن عمل صيانة الألف في مركز خدمة معتمد وليس في التوكيل بيخرج العربية من الضمان.

ياترى الكلام ده صح ولا غلط؟ ولو صح إيه الحل؟

[A.Saad]

http://www.nilemotors.net/Nile/89842-1000.html

وعلى فكرة
لو سالت مركز خدمة هيقولك لا عادى
لو سالت الصيانة فى التوكيل هيقولك لازم عندنا

الافضل
تسال مدير الضمان فى التوكيل
ولو عملتها برة
اختم الضمان وخاللى الفواتير معاك

[Samir Elshahawy]

ولو عملتها برة
اختم الضمان وخاللى الفواتير معاك

يعني أيه مركز خدمة معتمد ؟؟
يعني واخد موافقة من التوكيل و تخفيض علي قطع الغيار الاصلية علشان يؤدي نفس اعمال الصيانة و الاصلاح اللي بيقوم بها التوكيل

يبقي أزاي هاتخرج من الضمان ؟؟ أهم حاجة تختم الضمان و تأخد الفواتير

[casperinoo]

لا مش هيخرجك
انا عملت صيانة ال 1000 في كارتك العبور
لازم يبقي معاك كتيب الضمان عشان صيانة ال1000 ببلاش

مستوي الخدمه في كارتك كان تعبان جدا وحطلي لتر زيت زياده..وعايزيين يقلبو منك اي حاجه ..المسوجر كلن معلق عمله ب 40 جنيه ..

الافضل انك تروح التوكيل ..انا بروح علي طول قليوب بصراحة زي الفل اطول وقت قعدته هناك كان ساعتين ونص.ولو عندك اي مشاكل هتتعمل ببلاش.انما ابو رواش رحنه مره واحده دخلت في الست سعات انتظار

[sss2000]

اوي تعمل الصيانة للالف الاولي الا في ابو رواش او قليوب والا هتخرج من الضمان دا التحذير الي اتقالي من الوكيل لان لازم صيانة الالف تتعمل عندهم والعربية تتسجل عندهم الاول وبعدين اي صيانة بعد كدة في اي مركز معتمد عادي ولو عملت غير كدة هما غير مساولين عن اي عيب في السيارة بعد كدة

[adelkamal]

ألف شكر على كل الردود ولو إنها متباينة و مختلفة

أنا إنشاء الله حتصل على التوكيل وأعرف منهم وإنشاء الله أعرفكم ردهم علي إيه