النترا 2009 وصوت فى الشنطة

[top_10group]

اولا كل سنة واعضاء المنتدى طيبين

عندى مشكلة غريبة فى المطبات بسمع صوت خبط ورا غالبا من الشنطة والصوت دة زى ما يكون خبط فى الصاج بس انا مش قادر احدده بالظبط المهم انا فضيت الشنطة خالص وراجعت على الاستبن والعدة و باب الشنطة وهو مقفول مفيش اى حاجة وكله تمام بس لما بمشى بالعربية بسمع الصوت دة فى المطبات الصغيرة او ساعة النزول من على مطب صناعى بسرعة شوية المشكلة دى هتجننى مع العلم العربية عاملة 7500 ك

ارجو الافادة وشكرا

[Samir Elshahawy]

يمكن لما بتنزل من علي المطب بسرعة عالية العربية بتخبط في المطب من تحت , كمان ممكن تشوف كاوتش تعليق الشكمان يمكن واقع و الشكمان من ورا سايب و بيخبط في الجسم من تحت

[som3aa]

على فكرة انا كان عندى الصوت دا ظهر كدا يومين فجاة و اختفى فجاة , انا مش عارف هى كانت حاجة فى شنطة العربية و لا لأ مع انى معتقدش لان حاسس الصوت فى الصاج من تحت من ورا , بس الشنطة كان فيها printer و حاجات كتير فالله اعلم و بعدين انا وديت العربية الصيانة بس مقولتلهمش عليها فمش عارف الصوت راح فى الصيانة و لا راح لما شلت الحاجات , هو فعلا كنت بسمعه بعد ما كنت باخد مطب

[Marwanelbendary]

عندي حل مشكلتك أكيد ان شاء الله لأن الصوت ده كان عندي و عند ناس كتير و حليتهالهم

[Marwanelbendary]

اولا كل سنة واعضاء المنتدى طيبين

عندى مشكلة غريبة فى المطبات بسمع صوت خبط ورا غالبا من الشنطة والصوت دة زى ما يكون خبط فى الصاج بس انا مش قادر احدده بالظبط المهم انا فضيت الشنطة خالص وراجعت على الاستبن والعدة و باب الشنطة وهو مقفول مفيش اى حاجة وكله تمام بس لما بمشى بالعربية بسمع الصوت دة فى المطبات الصغيرة او ساعة النزول من على مطب صناعى بسرعة شوية المشكلة دى هتجننى مع العلم العربية عاملة 7500 ك

ارجو الافادة وشكرا

واحب أقولك ان الصوت دة بيجي مثلا لما يكون في حفرة ماسورة أو كابل بعرض الطريق و تسمع صوت حلل
أو لما يكون في كلكعة بسيطة أو زيادة شوية حتى في الأسفلت....صح؟؟

[top_10group]

شكرا يا جماعة على الردود والاهتمام
وكلام كمظبوط يا استاذ مروان بس الصوت مش صوت حلل يعنى مش معدن هو الصوت ناعم يعنى كأن كابل كهرباء مثلا بيخبط فى الصاج من تحت صوت مكتوم ( زى لما تكون قافل الزجاج وماشى وتدوس على رمل وزلط وتسمعه او تحسه فى العربية من تحت )

[Marwanelbendary]

عارفه
هو بغباوته ولو سؤتهالك هاطلع منها صوت الحلل ده أنا عارف بيجي ازاي, وممكن تكون العملية عندك في أولها و لسه ماوصلتش للحلل

عموما سهل جدا وارهنك ان أي حد بص عليها ياما يقولك كله تمام ومافيش حاجة أو يقولك ده عيب مساعد...صح؟؟

[top_10group]

طب ممكن اكلمك على مروان على التليفون ؟

[Marwanelbendary]

طب ممكن اكلمك على مروان على التليفون ؟

0105454342 يا أهلا بيك تنور و تشرف و في انتظار تليفونك

[som3aa]

ايوه هو صوت حلل فعلا

لو مشكلة يبقى اكيد عملوها فى الصيانة فى التوكيل يبقى اكيد مش علشان كنت حاطط حجات فى الشنطة , بس غريبة لانى مقولتلهمش على الصوت اساسا

انا كان عندى بيجى بعد ما باخد مطب علطول (عمرى ما سمعته غير بعد مطب) بس ملحقش قعد اسبوعين تقريبا و فضيت الشنطة علشان اودى العربية الصيانة و وديتها الصوت راح علشان كدا مكنتش عارف الصوت من الحاجات اللى كانت فى الشنطة و لا حاجة مثلا ربطوها فى الصيانة)

[beshoyemad]

الصوت دة كان عندي و عملتة الصوت دة بيجي لما العربية بتتحمل جامد الي بيحصل ان التعليقة بتاعت المقص الخلفي بتتني لازم تتفك و تتعدل تاني والصوت دة بيتسمع في المطبات بس لما المقص بيفتح و يقفل مش بيبقي مستريح

[top_10group]

دة فعلا اللى حصل معايا لان الموضوع ده حصل لما رجعت من السفر وطبعا كنت كابس شنطة العربية غير الافراد بس هو الصوت دلوقتى ابتدى يقل على الاخر هل ممكن يتظبط لوحده ولا لازم افك المقص واعدله دة لو السبب طلع منه ؟

[islamkhidr]

هوة الموضوع دة بيحصل إذاى ؟؟

يارت أى حد يشرحهولنا للإفادة

[Marwanelbendary]

مبروك عليك حل المشكلة
ولو احتجت أي حاجة أنا موجود في القاهرة

يوم السبت 15-9-2009 مصطفى النحاس عند التوحيد والنور الأخير (مش اللي عند مكرم لأ اللي بعده وانت رايح الثامن)
الزمان:
الساعة 7:30 بعد الافطار

[gendi_52]

انتا تجيب شيوخ تقرا قران علشان العربيه دى شكلها مسكونه زى عربيتى تمام انا عندى بردوه نفس الصوت حاجه غريبه اوى