جنوط 16 فى النيو اكسنت

[eljokar8]

يا شباب انانازل اركب جنوط وعايز اعرف الجنوط 16 ايه رايكوا فيها لما تركب هتبهدل الفشه والعربيه هتحك وكده يعنى ولا انتوا شايفين ايه يريت الرد

[sss2000]

الفرق من 14 الي 16 كبير لا ينصح بية خليك في 15 احسن وعرض الكاوتش

[Marwanelbendary]

يا شباب انانازل اركب جنوط وعايز اعرف الجنوط 16 ايه رايكوا فيها لما تركب هتبهدل الفشه والعربيه هتحك وكده يعنى ولا انتوا شايفين ايه يريت الرد

الجنوط والكاوتش شئ مهم جدا و خطوة أولى لتظبيط عفشة العربية

1-أول حاجة تدور عليها PCD Pitch Circle Diameter =114 mm اللي هي المسافة مابين المسامير ودي كل بتوع الجنوط عارفينها.
2- تاني حاجة ال Offset ودي هاتلاقيها مكتوبة (مدقوقة ,أو بارزة) على أي دراع من دراعات الجنط بالشكل الاتي
ET 42
بالنسبة لمعناها ايه مش مهم دلوقتي بس المهم انك يستحيل تقلل عن 38 mm وتزود عن 53 mm ..
لأن ال offset بتاع العربية 46 mmو نت ليك + أو - بحد أقصى 7 mm
3- تالت حاجة عرض الجنط:
العرض المثالي 6.5 بوصة بس لو مالئيتش غير 7 بوصة ما فيش مشكلة.
4- حاول تجيب جنط ما يكنش تقيل على قد ما تقدر

أما بالنسبة للكاوتش فأنسب مقاس 205/45 R 16 ولازم يبقى مكتوب عليها Load Index و Speed Index
وأقل Load Index تجيبه هو 86

ومبروك مقدما
أنا عن نفسي مركب جنط 16 عرض 7 بوصة ET 40 تايواني اسمه High Join و موديله HRS من ارابكوم.
و الكاوتش مركب
,وعلى ضمانتي وبناء عن تجربة وماتنساش اني حاطط عفشة سبور مواطية العربية 4 سم و المفروض انها منشفاها شوية بس الحقيقة العربية بس أحسن بكتير لدرجة اني حاسس ان أنا سايق حاجة مش كوري 205/45R 16 86 WZ

[ahmed_hefnawy]

طاب لو جنوط 15 مش 16 عرضها 6.5j و ال offset ـ 38
يبقى إيه النظام
مع العلم إن عرض الجنط اللي بينزل مع العربية 5.5j
يعني تقريبا الكوتش ال 205 هيبقى داخل لجوه 16 مليمتر زيادة
فهل ممكن مع حركة العجل لأقصى اليمين أو الشمال يحك في الكرتيرة؟

و مشكلة الكوتش 195/55R15 أنه -085W
و عشان أعلى بال load factor لازم أزود العرض
يعني 205/55R15-088W
إيه النظام بردوا

و ياريت لو تعرف وزن الجنط العادي ال 14 اللي بييجي مع العربية كام عشان أوزن الجنوط الجديدة و أشوف حاجة خيفة يبقى كتر خيرك

[ahmed_hefnawy]

و ليه يستحيل إن أنا أقلل عن ال 38 مع إن أنا لو جبت 35 مثلا هابعد عن الكرتيرة 3 ملليمتر و دا كويس
و هقرب من السنترلاين بتاع الجنط و دا ممكن يبقى كويس مادام الجنط متين
؟؟؟

[memo823000]

طب لو افيو 5 وهيا فيها جنط 15 يعنى مقاس الكوتش 185/55r 15 حديد بطاسه

ينفع احط جنط 17 ولو ينفع ياريت المقاس والنوع والسعرواجيبه منين بما انى من 6 اكتوبر

[zaza_lanos]

متابع باهتمام

[nayerhelmy]

الكتالوج

ما ورد بالكاتالوج بتاع السيارة r15 195/55

[Youssef.Awad]

طب لو افيو 5 وهيا فيها جنط 15 يعنى مقاس الكوتش 185/55r 15 حديد بطاسه

ينفع احط جنط 17 ولو ينفع ياريت المقاس والنوع والسعرواجيبه منين بما انى من 6 اكتوبر

اكيد ينفع بس بحسابات ومعادلات مش اى حاجة
بص يا باشا
انسب مقاس للكاوتشات هو
185/40 R17
او 195/40 R17
شغال معاك برضه كويس
مهمتك بقى يابطل تدور على ماركة كويسة فيها المقاسات دى وتسأل على اسعارها مع الجنوط وماتسمعش كلام اى حد يفتى فى مقاسات تانية

وده رابط موقع تحفة هايساعدك فى تحديد اى مقاس وتقارن بينه قبل وبعد التعديل وابرز المتغيرات اللى هاتحصل خاصة بالنسبة لعداد السرعة

http://www.kouki.co.uk/utilities/visual-tyre-size-calculator

[Hosam_Optrawy]

طب لو افيو 5 وهيا فيها جنط 15 يعنى مقاس الكوتش 185/55r 15 حديد بطاسه

ينفع احط جنط 17 ولو ينفع ياريت المقاس والنوع والسعرواجيبه منين بما انى من 6 اكتوبر

ينفع

بس ياريت حضرتك تتأكد من المقاس الأصلى

لانى بصراحه أول مره اسمع ان فى مقاس 185/55-15

ولو فعلا هو دا المقاس اللى راكب

يبقى تجيب كاوتش مقاس 205/40-17

المقاس دا هيعلى العربيه 1 سم

لكن للاسف هو دا المتاح

عشان مستحيل تلاقى كاوتش 17 وعرضه 185

وممكن برضه تجيب جنوط 16 وكاوتش مقاس 195/45-16

بس دا برضه نادر اما تلاقيه

اكيد ينفع بس بحسابات ومعادلات مش اى حاجة
بص يا باشا
انسب مقاس للكاوتشات هو
185/40 r17
او 195/40 r17
شغال معاك برضه كويس
مهمتك بقى يابطل تدور على ماركة كويسة فيها المقاسات دى وتسأل على اسعارها مع الجنوط وماتسمعش كلام اى حد يفتى فى مقاسات تانية

وده رابط موقع تحفة هايساعدك فى تحديد اى مقاس وتقارن بينه قبل وبعد التعديل وابرز المتغيرات اللى هاتحصل خاصة بالنسبة لعداد السرعة
http://www.kouki.co.uk/utilities/vis...ize-calculator

المقاسين اللى حضرتك قلتهم دول فعلا أقرب حاجه للأصلى

لكن بيتهيألى مفيش كاوتش 17 هايبقى عرضه 185

مستحيل تلاقى

أقل حاجه بيتهيألى 205

[memo823000]

بص الافيو السيدان سواء مصرى اتوماتيك او مانيوال او كورى مانيوال والافيو 5 المانيوال بتنزل بجنط 14 لاكن الافيو5 الاتوماتيك الوحيده اللى بتنزل بجنط 15 بس تقول ايه الطمع

اصلى بصراحه بشوف الجولف بجنوط 17 بتغاظ قوى وببقى نفسى اركب جنط 17 زيها مع ان الجنط 15 مريحنى جدا وعامل توازن رهيب فى الجرى والملفات وكمان عاندى المساعدين اللى ورا مشعارف هوا ولا غاز انا عايو اعرف امكانيات العربيه دى مع الاسف محدش راكبها كتير وسمعتها باظت بسبب الافيو السيدان الله يخرب بيتها

والمشكله ان دى حاجه ودى حاجه ودى ركوبه ودى ركوبه

وطبعا معقد بتوع السيدان على الطريق

ياريت لو حد يعمل عنها تقرير بس ياريت يكون عندو واحده وركبها وعاش معاها - افيو اتوماتيك هاتشباك 2009

[Youssef.Awad]

المقاسين اللى حضرتك قلتهم دول فعلا أقرب حاجه للأصلى

لكن بيتهيألى مفيش كاوتش 17 هايبقى عرضه 185

مستحيل تلاقى

أقل حاجه بيتهيألى 205

طبعا حضرتك ادرى منى بموضوع المقاسات المتوفرة فى السوق
بس انا باتكلم على المقاسات الصح اللى هايركبها فى العربية من غير تأثير سلبى خاصة على العفشة فياريت يلتزم بالمقاسات اللى ذكرتها
الفكرة اننا يانعمل حاجة صح يابلاش
مش نعلى او نوطى العربية ونزود الستابيلتى وخلاص

[Marwanelbendary]

ما ورد بالكاتالوج بتاع السيارة r15 195/55

هناخد أي مقاس على سبيل المثال



13 قطر الجنط
Radial Rطريقة تصنعه
H بيان السرعة القصوى
65 ارتفاع الكاوتش وهي نسبة مئوية من العرض و تحسب بالطريقة التالية:
100 / (185 * 65) = (ارتفاع الفردة) Aspect Ratio
عرض الكاوتش





هانبتدي نحسب القطر الكلي للفردة كما هو موضح بالرسم:



وهاناخد المثال بتاعنا نطبق عليه المعادلة
(قطر الجنط بالميلليميتر +(ارتفاع الكاوتش * 2))= القطر الكلي

وما ننساش نحول البوصة (مقاس الجنط دائما بالبوصة) لميلليميتر
بضرب الرقم (اللي بالبوصة) * 2.54 = المقاس بالميلليميتر

13*25.4 + [( 100/ (185 * 65) )* 2] =570.7 ميلليميتر(القطر الكلي الأصلي)

لازم أي كاوتش تجيبه حساباته تديلك قطر كلي مساوي للقطر الكلي الأصلي علشان سرعة السيارة الحقيقة ما تختلفش عن سرعتها على العداد

لمن يسعى الى الراحة في القيادة ولا يهتم بثبات السيارة أنصح بتركيب ارتفاع كاوتش كبير
لمن يسعى الى الأداء العالي أنصح بيركيب ارتفاع كاوتش صغير مما يساعد على تقليل استهلاك البنزين و زيادة أداء الفرامل وزيادة أداء الثبات مع الأخذ في الاعتبار الاحساس أكثر بتفاصيل الطريق مما يؤدي للبعض الازعاج..



[IMG]file:///C:/DOCUME%7E1/Marwan/LOCALS%7E1/Temp/moz-screenshot-1.png[/IMG][IMG]file:///C:/DOCUME%7E1/Marwan/LOCALS%7E1/Temp/moz-screenshot-2.png[/IMG]

[Marwanelbendary]

تحديد مقاس الكاوتش هايخليك تعرف تحدد مقاس الجنط اللي انت محتاجه

بس أهم حاجة ال offset بتاع الجنط يكون بالظبط زي اللي موجود في العربية أو أكبر منه بحد أقصى 7 mm أو أقل منه بحد أقصى 7 mm برضه علشان تحافظ على عفشة عربيتك

والأوفسيت ده بيبقى مكتوب على الجنوط الحديد بتاعة العربية مكان ما الكليبسات بتاعة الطاسة بتركب أو داخل الجنط بالاضافة الى بيانات الجنط الأخرى زي عرضه و تصميم الشفة بتاعته

وبيبقى موجود جوة الجنط الاسبور مدقوق أو بارز على دراعات أو صرة الجنط من جوه

الأوفسيت ده كما هو موضح بالرسم :

[IMG]file:///C:/DOCUME%7E1/Marwan/LOCALS%7E1/Temp/moz-screenshot-3.png[/IMG]

[Marwanelbendary]

و دي صورة توضيحية لجميع أبعاد الجنوط والكاوتش