عيوب الانترا الجديدة

[Micho31]

السلام عليكم

ممكن إذا فيه حد يساعدنى ويقولى ايه هى عيوب الانترا الجديدة اللى هى 2007

[hazem_khidr]

عليك السلام و رحمه الله و بركاته.
العربيه نا ظهرش فيها عيوب معينه او عيوب قاتله.
مشكلتها ان قطع غيارها غاليه شويه و دا علشان جديده و توكيلها سئ جد لو قدرت تتحمل مساوئ التوكيل اتوكل علي الله .

[Micho31]

طب بالنسبة اذا كانت الانترا اتوماتيك كويسه برضه ولا مش اوى زى اليابانى

[hazem_khidr]

دي ما اقدرش افيدك فيها الصراحه.
لكن الاتوماتيك في الياباني حلو مش وحش المشكله ان معظم الياباني في السوق 1300 زي اللانسر و الكورولا ف دا لازم يبقي تجميعه مش قوي اوي لكن برضه فعال بالنسبه لحجم الموتور.

[Salah_sr]

تجميع الألنترا 2007 أتوماتيك أقوي من تجميع اللانسر 1600 أتوماتيك عن تجربة و لم أجد حتي الآن أي مشكلة في الألنترا يجعلني أندم أو أحس بأن قراري خطأ في شراء عربيتين ألنترا أتوماتيك في نفس العام ولم أحس إني نزلت لمستوي أقل لشراء الألنترا بعد اللانسر

[Nader]

تكنولوجيا الالنترا الجديدة احدث من اللانسر الـ 1600 الشكل القديم، وادائها افضل قليلاً من الـ1600.

[Erozak]

بصراحه العربيه دي تحفه, صالون واسع , تكيف تلاجه , تابلوه شيك جدا , ماتورها و لاتسمعله حس حتى و انت واقف بره جنب العربيه ,
سحبها و تجميعهاا حلو جدا, " انا كمان راكب اوتوماتيك". عفشتها ناعمه , نظام الصوت فيها كويس بس مش هيعجب اللي متعود على الخبط و الرزع .
بجد بس مشكلتها الوحيده هي الركنه في الاماكن الضيقه ابعادها صعبه شويه بس يمكن محتاجه منى شوية تعود

[Salah_sr]

أعتقد سنسور خلفي يحل مشكلة الركن مع العلم المشكلة في كل العربيات الحديثة و أنا ركبت هوندا سيفيك 2007 ولاتستطيع أن تري شنطة العربية أو الكبوت

[MOHAMED ABD EL SHAFY]

الانترا افظل 100 ====10000 مرة من اليارس والكرولا واللانسر

[zezozkaria]

أشترى ألنترا وتوكل على الله

أنها سيارة محترمه

وهذا يتوقف على الصيانه وأستخدامك الشخصى

وهى قاعده تنطبق على جميع العربيات

[alivara]

الانترا فازت على كورولا فى كذا اختبار فى امريكا على الاقل مافيهاش مشاكل يعنى مافيهاش فتيس وحش و لا خامات داخلية زبالة و لا و لا و لا الموجود فى عربيات تويوتا الجديدة مش عارف ايه اللى حصل لتويوتا

[Hacker5]

واللهى انا شايف ان اول و اكبر عيب و محدش اتكلم و ولا هايتكلم عليه هو السعر

من 92 الى 98 الى 104000

ولازالت تباع مثل العيش الساخن (ما شاء الله)

بجد العربية مبالغ فى سعرها و غاليه على الفاضى انا افضل السيراتو عليها

[hofo]

ولاهى الالنترا الجديدة الاحساس والراحة بداخلها احسن من الاوكتافيا ال A5

[gassarian]

ثباتها مش أوي على السرعة العالية
أنا ركبتها مانيوال أقل حاجة في الإلانترا
يمكن عشان الدركسيون الباور بتاعها خفيف بغباء؟!! يمكن
لكن أنا على السرعة العالية فوق ال140 اتبسطت أكتر كتير في النوبيرا
لكن موتورها جبار بالنسبة للفئة دي و ناعم و نعومته قريبة من الياباني

[alivara]

كذا واحد جرب ياريس و الانترا و قال ان الانترا انعم و اريح , و كمان سيراتو ايه ديه اللى تتقارن بالانترا ؟ سيراتو ديه شكلها زبالة و تقليدى و عاملة شكل الفيرنا الفيفا و من جوة تقليدية جدا و بقيت مواصفاتها موجودة هى هى فى الانترا و الانترا تزيد عنها كمان فى الكماليات , فعلا الانترا اثبتت نجاحها الرهيب بدليل انتشار الشكل الجديد بطريقة جامدة اوى فى سنتين بس و كمان الشكل القديم محدش اشتكى منه فى اى حاجة