اخيراً أستلمت النيو أكسنت :)

[buzzy]

السلام عليكم يا جماعة و كل سنة وأنتوا كلكوا طيبين..

اخيراً أستلمت عربيتي النيو أكسنت يوم 8\9 بعد تأخير في معاد الأستلام أكتر من شهر

بس الحمد الله اهي جت و نورت البيت

هي 2010 طبعاً ..فيراني .. من غبور فرع المهندسين

أستلمت 8\9 و طلعت على التأميت عدل و خلصت كل حاجة الحمد الله

أمنت مع كونتكت كار ناس محترمين أوي و ربنا ما يحوجني ليهم ان شاء الله

و رخصت بردو الحمد الله يوم 9\9\2009.. و فرحانة أوي بتاريخ الرخصة دا

انا لسة مخرجتش بيها كتير .. بس مش حاسة ان العفشة ناشفه

جايز الى بيحس الأحساس دا بيبقى أصلاً قبلها راكب حاجة ناعمة

العربية سحبها حلو أوي مع اني لسة مخدتش عليها

الدبرياج حساس أوي بردو ..

بس واحد في بنزينة شار عليا بمعطر غريب (هو ريحته حلوة أوي)

بس سيبته بليل نزلت الصبح لقيته واكل حتة من التابلوه

هي صغيرة مش باينة أوي بس زعلتني أوي

يا ريت لو حد يعرف حل يقولي :(

و شكراً لكل حد نصحني بيها أو اداني معلومة عنها..بجد الناس هنا خدومة جداً

و أي حد عنده أي استفسار يا ريت يسأل .. يا رب بس اقدر ارد للناس هنا خدماتها معايا

[شريف شعبان السيد]

10000 مبروك ربنا يديك خيرها ويكفيك شرها

[omarmakeen]

1000000 مبروك يا فندم على العربية ربنا يديك خيرها ويكفيك شرها

[dr_abooody]

الف مبروووووووووووك
ربنا يديك خيرها و يكفيك شرها

[Diaby]

[marq="6;right;2;scroll"]
الف مليون مبروك وربنا يحفظهالك
[/marq]الجمعة 22 رمضان 1430

[megaman]

اخيرا استلمت مبروك مبروك لاتنسى دعاء الركوب واية الكرسى وربنا يبارك

[rov]

الف مبروك وربنا يحفظها
وياريت اعرف اخبار العربيه منك؟
لاني اول ما انزل من سفريتي ححجزها
بس سؤال مهم جدا؟ انتي لما روحتي حجزتيها ؟ هيه اتاخرت ليه كده؟
استودعكي الله

[ezzatfox]

الف مبروك .. ربنا يباركلك فيها

[buzzy]

10000 مبروك ربنا يديك خيرها ويكفيك شرها

1000000 مبروك يا فندم على العربية ربنا يديك خيرها ويكفيك شرها

الف مبروووووووووووك

ربنا يديك خيرها و يكفيك شرها

[marq="6;right;2;scroll"]
الف مليون مبروك وربنا يحفظهالك
[/marq]الجمعة 22 رمضان 1430

الله يبارك فيكوا يا جماعة ويكفينا جميعاً شر عربياتنا ..

اخيرا استلمت مبروك مبروك لاتنسى دعاء الركوب واية الكرسى وربنا يبارك

الله يبارك فيك.. دي أول حاجة والله ربنا يخلهالي و يكفيني شرها ..

الف مبروك وربنا يحفظها

وياريت اعرف اخبار العربيه منك؟
لاني اول ما انزل من سفريتي ححجزها
بس سؤال مهم جدا؟ انتي لما روحتي حجزتيها ؟ هيه اتاخرت ليه كده؟
استودعكي الله

الله يبارك فيك و أنا رديت على حضرتك و هقول هنا كمان ..

انا دفعت إجمالي ثمنها يوم 24/7 و دا التاريخ الى بيحسب منه تاريخ الإستلام الى المفروض كان يوم 15/8 كحد أقصى

بس للأسف هم اتأخروا عليا لحد 7/9 و رحت خدتها 8/9 .. يلا كل تأخيره

الف مبروك .. ربنا يباركلك فيها

الله يبارك فيك.. حضرتك عملت معايا مجهود كبير والله ..
-----------------

يا جماعة جزاكم الله خير .. محدش يعرف حل لموضوع التابلوه دا :(

[dr_walid]

السلام عليكم
الف مبروك و ربنا يديلك خيرها و يبعدك عن شرها
العربية مانيوال ولا اتوماتيك
اصل عرفت ان التاخير بيكون فى الاتوماتيك
اية اللى استلمتة مع العربية زى الاستين و اية كمان
و العربية كانت عاملة كام كيلو لما استلمتها
بالنسبة للترخيص اية الاوراق اللي اخذتها معاك
و الترخيص كلف كام بالضبط
و بالنسبة اللتامين
اية نظامة و المبلغ اللى ادفع كان كام بالضبط و اية الاوراق اللى مطلوبة للتامين
معلش سالت كتير
اصلي ان شاء اللة حاجز واحدة و ناوى استلمها يوم29\9
فعاوز اعرف كل حاجة و لو ممكن رقم تليفونك علشان اسال
و جزاك اللة خيرا
و الف مبروك مرة اخري
و كل عا و انت بخير

[buzzy]

السلام عليكم

الف مبروك و ربنا يديلك خيرها و يبعدك عن شرها

الله يبارك فيك و عقبالك ان شاء الله و ربنا يكفينا شرها

العربية مانيوال ولا اتوماتيك

مانيوال

اصل عرفت ان التاخير بيكون فى الاتوماتيك

قلولي مشكلة في السيستم و العربيات كلها متأخره

اية اللى استلمتة مع العربية زى الاستين و اية كمان

الكتالوج والضمان طبعاً,, العدة ,, والبتاعة بتاعت جر العربيات دي ,, الولاعة ,, طفاية السجاير

وصلة الكاسيت usb ,, اريال خارجي ,, مسامير لوحة الأرقام,, و طبعاً نسختين مفتاح و الأوراق

الإفراج و المبايعة و خليهم يعملوا لحضرتك شهادة البيانات (بتدفع 50 جنيه)

و العربية كانت عاملة كام كيلو لما استلمتها

36 أو 37

بالنسبة للترخيص اية الاوراق اللي اخذتها معاك
و الترخيص كلف كام بالضبط

ال 3 ورقات الى فوق دول + الورق الى بتشتريه من المرور (ملف على بعضه اسمه ترخيص جديد)

الترخيص 3 سنين كلفني 815 بالضبط + 90 تقريباً طفاية حريق + 210 تأمين إجباري 3 سنين برده= 1115ج

و متنساش الى فيه النصيب وكل سنه و انت طيب و الكلام دا ( خد فكة خمسات و عشرات )

و بالنسبة اللتامين
اية نظامة و المبلغ اللى ادفع كان كام بالضبط و اية الاوراق اللى مطلوبة للتامين

انا أمنت مع كونتكت كار .. و قسط السنة ب260 ج في الشهر

بص المفروض النسبة بتاعتهم 3.75% لو هتدفع المبلغ كاش.. لو هتقسط بيبقى 4%

دفعت شهر مقدم 260 ج + شهر (260) برده بس المفروض بيرجعلك اخر السنة

بيشوفوا ورق العربية برده و اهم حاجة شاهدة البيانات

فياريت تأمن قبل مترخص( معرفش في حالة الترخيص الأول بيخدو ورق ايه..
بس اعتقد انهم مبيحتجوش غير رخصة العربية)


معلش سالت كتير

مش كتير ولا حاجة.. ومعلش لو كنت اتأخرت على حضرتك

اصلي ان شاء اللة حاجز واحدة و ناوى استلمها يوم29\9

تستلم على خير ان شاء الله و مبروك مقدماً وربنا يديك خيرها و يكفيك شرها

فعاوز اعرف كل حاجة و لو ممكن رقم تليفونك علشان اسال

انا أسفه جداً .. بس انا بنت و موضوع الرقم دا صعب شوية

بس لو حضرتك احتجت اي حاجة .. انا متابعة هنا ان شاء الله

و جزاك اللة خيرا
و الف مبروك مرة اخري
و كل عا و انت بخير

الله يبارك فيك و انت طيب

[sss2000]

مبروك وربنا يبارك لك فيها وعقبال صيانة الالف

[buzzy]

مبروك وربنا يبارك لك فيها وعقبال صيانة الالف

الله يبارك فيك و عقبال ما ابركلك على أستلام عربيتك ان شاء الله

[R A N A]

الف الف مبروك يا buzzy
اخيراً يابنتي استلمتي

الحمد لله انك استلمتي على خير وخلصتي كل الإجراءات بسرعة وبسهولة بسم الله ماشاء الله
ربنا يباركلك فيها ويديكي خيرها ويكفيكي شرها يارب

متنسيش تطلعي صدقة عليها وكمان شغلي فيها قرآن وحطى فيها اية قرأنية علقيها في المراية كمان
وقولي كل الادعية اللي انتي حافظاها ومبطلات الحسد كل مرة تركبيها

ومتنسيش تجيبلها غطاء برده اهو يحافظ عليها اطول فترة ممكنة وكمان يحميها من عيون الناس وانتي راكناها .
خدي بالك دواساتها حساسة جدا يعني براحة عليها عشان يدوب اول ماتلمسي بنزين هاتلاقيها بتنط وبتجري وكمان خدي بالك في اول 1000كيلو متشغليش التكييف خصوصا لو بتجري عشان ميبقاش تحميل زايد على الموتور وكمان متجريش بيها اوي حاولي تخلي ال RPM ميعلاش عن 2.5 او 3 وكمان بلاش طلوع مفاجئ ولا وقوف مفاجئ .
طبعا النصايح دي كل الناس قالتهالي وعملت جزء كبير منها بس بصراحة يعني كنت بستعبط احيانا ومش بعملها في بعض المواقف يعني ساعات كنت بشغل التكييف وبجري بيها وساعات كنت الاقي موقف فأضطر اقف فجأة وكدة يعني بس انتي خليكي شطورة واسمعي الكلام ومتعمليش زيي وحافظي عليها .
والف مبروك مرة تانية
كدة يبقي بنتين في المنتدي معاهم نيو اكسنت هل من مزيد؟

[dr_walid]

السلام عليكم

كنت عاوز اعرف استهلاك البنزين اية اخبارة
يعنى 10 لتر بيعملو ا كام كيلو
وكل عام و انتم بخير