رفع السيارة وتخزينها

[koli_bali]

أنا مضطر للسفر خلال 3 أسابيع إنشاء الله و أعتقد حغيب مدة لن تقل عن 6 شهور ويمكن سنة. عربيتي نيو أكسنت 2010 وبقالها معايا حوالي شهرين بس. دلوقتي أنا محتاج أرفعها علشان أحافظ عليها خلال فترة السفر. ياريت أعرف منكم أفضل الطرق لرفع السيارة و الخطوات المطلوبة مع العلم إن عندي جراج خاص يعني السيارة حتكون في أمان بإذن الله.

[Sameh]

1- ترفع السيارة فوق 4 حوامل أو قوالب طوب
2- زود زيت الموتور على الآخر فوق ال max وطبعاً لما ترجع لازم تنقصه تانى للطبيعى
3- شيل كابل البطارية
4- تشحيم الأجزاء المعدنية الغير مطلية من العفشة وخلافه عشان الصدا
5- طبعاً غطا قماش فوق العربية يحميها وتربطه كويس
6- ممكن تحط كيس بلاستيك على الطنابر الأمامية والخلفيه وتربطه كويس ده لو هتفك ال 4 فرد
7- لو فكيت ال 4 فرد كاوتش خزنهم بصورة أفقية ، يعنى نايمين على جنبهم مش واقفين
8- نزل فرامل اليد ماترفعهاش
9- تأكد إن الرادياتير والقربة فيهم ميا خضرا مش ميا عادية عشان الصدا
10- لما ترجع بالسلامة ماتنساش تظبط مستوى الزيوت والسوائل وضغط الهوا وتعيد شحن البطارية عشان هتلاقيها نايمة

[koli_bali]

ألف شكر يا أستاذ سامح

[Marwanelbendary]

الله ينور يا أستاذ سامح هو ده الكلام الصح بس هانزود شوية حاجات بسيطة ممكن تكون تاهت بس عن بالك:

• الكاوتش لازم يتفك علشان مايبقاش فيه وزن على العفشة وهي مرفوعة.
• فضي الهواء من الكاوتش وخزنه أفقيا كما ذكر الأستاذ سامح.
• كيس الطنابير زي برضه ماالأستاذ سامح قالك بس ماتنساش تحط زيت أوشحم خفيف على الطنابير وأجهزة الفرامل قبل ما تكيسهم.
• يستحسن تفك تيل الفرامل الأمامي وتشيله في الشنطة علشان مايجيش عليه زيت أو شحم.
• شحم كويس أرضية العربية و العفشة و الجلب كلها و البطاحات بتاعت المساعدين و قواعد الماكينة و كل حاجة كاوتش في العربية وكل ده لازم يكون على نظافة (يعني غسلة حلوة الأول).
• تروح وتيجي بالسلامة.

[Sameh]

شكراً على الإضافة يا أستاذ مروان

[koli_bali]

الله ينور يا أستاذ سامح هو ده الكلام الصح بس هانزود شوية حاجات بسيطة ممكن تكون تاهت بس عن بالك:

• الكاوتش لازم يتفك علشان مايبقاش فيه وزن على العفشة وهي مرفوعة.
• فضي الهواء من الكاوتش وخزنه أفقيا كما ذكر الأستاذ سامح.
• كيس الطنابير زي برضه ماالأستاذ سامح قالك بس ماتنساش تحط زيت أوشحم خفيف على الطنابير وأجهزة الفرامل قبل ما تكيسهم.
• يستحسن تفك تيل الفرامل الأمامي وتشيله في الشنطة علشان مايجيش عليه زيت أو شحم.
• شحم كويس أرضية العربية و العفشة و الجلب كلها و البطاحات بتاعت المساعدين و قواعد الماكينة و كل حاجة كاوتش في العربية وكل ده لازم يكون على نظافة (يعني غسلة حلوة الأول).
• تروح وتيجي بالسلامة.

ألف شكر يا أستاذ مروان

[alhourriah]

ألف شكر على المعلومات الرائعة

[A.Saad]

مفيش كلام بعد كلام الاساتذة بس دى مواضيع تانية لو حبيت تفاصيل اكتر

http://www.nilemotors.net/Nile/94793-a.html (رفع السيارة وتخزينها)

http://www.nilemotors.net/Nile/4013-a.html (طريقة رفع السيارة)

http://www.nilemotors.net/Nile/98266-a.html (لاهل الخبرة مساعدة بخصوص رفع السيارة)


وممكن تحط على الكاوتش بودرة تلك علشان ما يشققش