مشكلتين في الفيرنا..

[ahmedsamir5edr]

السلام عليكم..
انا كنت غيرت الكاوتشات النسر و جبت كومهو 13 نفس المقاس
بس لسه حاسس ان فيه رجه في الدركسيون بعد 120 .. مع اني رصصت

و كمان فيه حدفه يمين
أعمل ايه انا لسه جديد و السياره عمله 1700 كم

[mohamed_mohsen]

اظبط زوايا و رصص تاني بس يكون ترصيص بجهاز الموتوسيكل(اسمه كده مش عارف ليه)
و قوللنا عملت ايه

[ahmedsamir5edr]

ان شاء الله أعمل كده و أقولك النتيجه بس بعد زحمه العيد

[ahmedsamir5edr]

طب و لو انا مش رصصت و برضه مش وصلت بالسرعه ل 120 الي عندها الرجه
هل ده غلط ؟

[Mustang69]

مفيش مشكلة و لا حاجة مادام فترة قليلة بس حاول في اقرب فرصة تغير الجنوط كمان

[ahmedsamir5edr]

بعد العيد و الترصيص و الزوايا
العيد .. كل سنه ونتو طيبين
الترصيص.. الرجه موجوده من 120-140 و بتختفي بعد كده
الزوايا .. عربيتك زي الفل يا باشا
اعمل ايه تاني عشان الحدفه اليمين دي خصوصاااااا

[Neurovit]

الحدفة يمين

دايما بالاقي حدفة يمين او شمال مع تغير ضغط الكاتوتش
راجع مقاس الضغط وان شاء الله تتحل

[lol1986]

راجع على ضغط الكاويتش وهات اليمين مكان الشمال وجرب ولو انت مركب جنط اسبور راجع على ال offside بتاع الجنط ببتاع الجنط الاصلى لو جنط عادى يبقى شوف حد كويس يراجع على الترصيص والكاويتش كمان

[ahmedsamir5edr]

ضغط الكاوتش مظبووووط و هي هي الحدفه في كل الأحواال
و انا مش مركب جنوط اسبوور و بدلت الكاوتشات برضه
هو في حد قللي الزيرو بوينت بتاع الدركسيون zero point

[lol1986]

بقولك ايه ياباشا لو تعرف بنزينه ال fpi اللى فى الاوتواستوراد روح هناك فى جهاز زوايا زى اللى فى التوكيل والواد اللى عليه فاهم خليه يشيكلك على الدنيا دى

[ahmedsamir5edr]

الف شكر يا باشا

[khorshed4u]

بص من الاخر انا و قعت فى المشكلة ديه و العيب ده فى كل سيارات الفيرنا و السبب ان الطنابير مصرى و ده مش كلامى ده من التوكيل ( ناس معرفه) و نصحونى انى مغيرش الطنابير هو فى حل بس لو حابب تغيرهم هتهم كورى مش مصرى . وفى حل انا عمله مع العلم انى عامل بالعربية 130 الف سفر الحل من اتنين
1- ركب جنوط نفس المقاس 13 لو مش حابب تغير المقاس
2- روح مركز ( بريدجستون ) هو فى عمارات العبور و اعمل عندهم زوايا و ترصيص
و جرب العربية و انشاء الله موضوع الرعشة هيبقى خفيف اوى ممكن متحسش بيه اساسا

[ahmedsamir5edr]

شكرااااااااااااااااااااااااااا يا خورشيد باشا بس ممكن عنوان بريدجستون بالظبط و تكلفه الموضوع ؟؟

و هل الجنوط 13 هتكون أحسن للثبات بدرجه كويسه لأني لسه جايب كوتش جديد 13
و الفيرنا علي الحاله دي .. رأي المتواضع ما يتمشيش بيها فوق 80-100 بالكتير
هل الجنوط بقي تخليني أقدر أمشي مثلن علي 120 - 140 علي أقصي تقدير من غير ما أحس انها ورقه

[zakiali]

المشكله في الجنوط التعبانه الحديد اللي بتيجي مع الفرنا ... ناس غيرت الجنوط بجنوط سبور نظيفة والمشكله اختفت .

[kamalrefaat]

غير الجنوط الحديد علشان بتنزل نوعها وحش جداا المشكلة دى اتخلصت منها بعد ماغيرت الجنوط الحديد وجبت جنوط اسبور كورى المنيوم طرى