استفسار عن صالون نيو اكسنت

[kliken]

بعد اذن الشباب مالكى نيو اكسنت كنت عاوز استفسر عن صالون النيو اكسنت لانى بقارن بينها و بين الفيرنا الكامله فبصراحه انا مايل اكتر للنيو اكسنت بس حاسس انها كنزه من بره فكنت عاوز اعرف الصلون بتاعها من جوه اوسع من الفيرنا و لا لا لان العامل ده هيفرق معايا فى الاختيار
و شكرا

[freeman207]

طبعا الصالون اوسع وافخم ياباشا

[rov]

انا مش مالك نيو اكسنت
بس شوفت العربيتين
النيو اكسنت اوسع
لكن مش بمراحل كبيره يعني

[حماده المصري]

الفرق بين الاتنين مش كبير اوي بس النيو اكسنت الناس الي قدام عندهم وسع حلو

وانا شايف من ملفك ان حضرتك معاك النترا ف الانترا افضل من النيو اكسنت في كل حاجه

شايف انك تفتضل بالنترا افضل وبكتير كمان

[kliken]

الفرق بين الاتنين مش كبير اوي بس النيو اكسنت الناس الي قدام عندهم وسع حلو

وانا شايف من ملفك ان حضرتك معاك النترا ف الانترا افضل من النيو اكسنت في كل حاجه

شايف انك تفتضل بالنترا افضل وبكتير كمان

الالنترا فعلا الموديل ده ممتاز بس انا ناوى ان شاء الله اجيب نيو اكسنت مكان الكولت اللى معايا لانى ببيعها انا نزلت اتفرجت عليها فى التوكيل و ركبتها هى عجبتنى بصراحه هى اوسه بس بسيط اوى من الفيرنا بس اشيك و انضف كتير جدا
ربنا يكرم ان شاء الله و هخلص فيها على بعد العيد
بس هلى حد لسه جايبها قريب يكون جابها بسعر اقل من الوكيل اللى هو 77900 جنيه و لا هو ده السعر و مفهوش كلام
و هل فى عيب جوهرى حد اشتكى منه فى العربيه و يا ريت يا شباب لو اى حد غير حاجه فى العربيه او يعرف سعر قطع غيار ليها يا ريت يعرفنى علشان سمعت ان قطع غيارها غاليه شويه
و شكرا

[ezzatfox]

هى فعلا اوسع من الفيرنا
مفيهاش مشاكل او عيوب جامدة ممكن تضايقك
قطع غيارها غالية فعلا - بس فى اية من الجديد قطع غيارة رخيصة ؟؟!!
العربية ممتازة و تستاهل اكتر من تمنها فعلا

[حماده المصري]

والله ياباشا العيب الجوهري في النيو اكسنت العفشه عموما الخلفيه وليها تعديلاتها برضو لو متابع هيونداي قسم هيونداي

[kliken]

هى فعلا اوسع من الفيرنا
مفيهاش مشاكل او عيوب جامدة ممكن تضايقك
قطع غيارها غالية فعلا - بس فى اية من الجديد قطع غيارة رخيصة ؟؟!!
العربية ممتازة و تستاهل اكتر من تمنها فعلا

متشكر يا باشا على ردك بس غاليه زى ايه مثلا فى الجديد
نتكلم على سيور و تيل مثلا
انا واحد صاحبى معاه العربيه كان قالى ان جابلها فانوسين خلفى ما كملوش 300 جنيه بس العربيه لسه جديده و ما جبش لها حاجه تانيه فمفادنيش فى اسعار قطع الغيار اوى

[kliken]

والله ياباشا العيب الجوهري في النيو اكسنت العفشه عموما الخلفيه وليها تعديلاتها برضو لو متابع هيونداي قسم هيونداي

العفشه للدرجه دى فيها مشكله و ظاهره كمان بس انا اللى مع صاحبى ما اشتكاش منها فى الموضوع ده و بعدين فى المعرض بتاع هيونداى كان قالى العفشه غاز و عمرها طويل و قعد يحكى كتير عن العفشه

[ezzatfox]

متشكر يا باشا على ردك بس غاليه زى ايه مثلا فى الجديد
نتكلم على سيور و تيل مثلا
انا واحد صاحبى معاه العربيه كان قالى ان جابلها فانوسين خلفى ما كملوش 300 جنيه بس العربيه لسه جديده و ما جبش لها حاجه تانيه فمفادنيش فى اسعار قطع الغيار اوى

هى الميزة ان العربية ابتدت تنتشر فبقى موجود بدايل لقطع الغيار يعنى الفانوس الامامى فى التوكيل ب 1100 جنية و بيتباع زية ( مش اصلى - بس محترم جدا ) فى التوفيقية ب 250 جنية و هكذا .
انما قطع الغيار العادية زى التيل و السيور و البوجيهات و الفلاتر اسعارها عادية مش غالية قوى و متوفرة خارج التوكيل.
و بعدين يا باشا انت هتجيب زيرو يعنى هتنسى قطع الغيار لفترة كبيرة يعنى اول حاجة هتعملها التيل بعد 20000 الف كيلو يعنى تقريبا بعد سنة و نص لو استخدامك للعربية عادى .

[ezzatfox]

العفشه للدرجه دى فيها مشكله و ظاهره كمان بس انا اللى مع صاحبى ما اشتكاش منها فى الموضوع ده و بعدين فى المعرض بتاع هيونداى كان قالى العفشه غاز و عمرها طويل و قعد يحكى كتير عن العفشه

هى فعلا العفشة غاز و خدمة شاقة كمان يعنى عمرها طويل و بتزود ثبات العربية لكن فى المقابل بتخلى العربية ناشفة فى المطبات يعن بتحس بيها مش عربية ناعمة تاخد المطب من غير ما تحسسك بية .
بس النشوفية اللى بنتكلم عليها مبتوصلش لدرجة الازعاج او انها تضايقك من العربية و تكرهك فيها بالعكس المساعدين الغاز بيدوا ثبات للعربية على السرعات العالية و فى الملفات و طبيعى ان كل حاجة يبقالها ميزة و عيب .

[kliken]

هى فعلا العفشة غاز و خدمة شاقة كمان يعنى عمرها طويل و بتزود ثبات العربية لكن فى المقابل بتخلى العربية ناشفة فى المطبات يعن بتحس بيها مش عربية ناعمة تاخد المطب من غير ما تحسسك بية .
بس النشوفية اللى بنتكلم عليها مبتوصلش لدرجة الازعاج او انها تضايقك من العربية و تكرهك فيها بالعكس المساعدين الغاز بيدوا ثبات للعربية على السرعات العالية و فى الملفات و طبيعى ان كل حاجة يبقالها ميزة و عيب .

متشكر ليك اهتمامك و ردك على استفساراتى
انا فعلا شايف النيو اكسنت ممتازه جدا بالنسبه لسعرها و مفيش منافس ليها فى رينج السبعينات انا ان شاء الله هخلص فيها على طول بعد ما ابيع عربيتى لانى عاضها خلاص للبيع و ربنا يكرم ابيع بسرعه و اشترى نيو اكسنت
شكرا ليك مره تانيه و كل سنه و حضرتك طيب

[ezzatfox]

متشكر ليك اهتمامك و ردك على استفساراتى
انا فعلا شايف النيو اكسنت ممتازه جدا بالنسبه لسعرها و مفيش منافس ليها فى رينج السبعينات انا ان شاء الله هخلص فيها على طول بعد ما ابيع عربيتى لانى عاضها خلاص للبيع و ربنا يكرم ابيع بسرعه و اشترى نيو اكسنت
شكرا ليك مره تانيه و كل سنه و حضرتك طيب

العفو يا باشا
هى فعلا ممتازة و تنافس عربيات اغلى منها كمان .. و ربنا يكرمك و تبيع عربيتك بسهولة و يسر انشاءالله .. و اختيار موفق انشاءالله

[Ahmed.TV]

خاليك فى النيو اكسنت احسن من الفيرنا بمراحل