فتيس فيرنا أتوماتيك

[aymansami]

عندى فيرنا 2005 هيدروماتيك(أسف للخطأ)
حصل مشكلة فى الفتيس
انتهت بأن المارشدير لايعمل
مع عدم تجاوز السيارة 90 ك وتكتيف أثناء السير
كأن فى حاجة كلبشت وبعدين فكت
أنا عايز حد بيصلح أو يكشف لى على الفتيس
ميكانيكى شاطر أو مركز صيانة محترم بيفهم فى الهيدروماتيك
أنا سألت واتفرجت على أنواع الأشتغالات
اللى يقولى مجموعة أصلاح كاملة وغيرة
وأضرب أى سعر وخلآص
أرجو المساعدة من الأخوة الأعضاء
شكرا لكم

[alimaher_255]

انا اعرف ميكانيكي ممتاز تخصص فتيس اتوماتيك
بعد ماتنزل من كوبري السيدة عائشة وانت متجه لعين الصيرة هتلاقي علي اليمين مركز شياب عين الصيرة بعد منه في شارع صغير ادخل فيه اول ورشة في الشارع اسال علي عصام فتيس

[aymansami]

الفتيس باظ تانى
ياريت لوحد يعرف ميكنيكى متخصص وفاهم
ويارب ما يكون مهمل !

[Ahmed Anwer]

جرب الراجل ده في مدينة نصر

م / محمد بيومي

0101492429

هيحلاهالك بابسط تكلفة و فاهم شغله مش بيفتي

كان شغال في غبور و مهندس

و إن شاء الله حاجة بسيطة

[د.محمود صلاح]

ايه الحصل معاك ؟؟ أرجو انك تعرفنا

[د.محمود صلاح]

حد يعرف سعر الفتيس الاوتوماتيك بتاع الفيرنا كام ؟ وهو جديد طبعاً ؟ حتى لا قدر الله لو في حالة تعطله يبقى السعر معروف كما هو معروف في الميتسوبيشي والميجان والاوبترا ( 30 الف ج )

[maraaawan]

فتيس الفيرنا ال1600 سي سي فى التوكيل ثمنة 18 الف جنية وهذا السعر من التوكيل نفسة يوم 1 سبتمبر 2010 يعنى من ايام واللى فى التوكيل اللى قالولى السعر والىل المفروض انهم بيخدوا نسبة من المبيعات قالولى اشترية استيراد افضل وسعرة استيراد بيتراوح مابين 1500 جنية الى 2200 جنية حسب حالتة ونضافة استخدامة وبدون الكنترول ودة مش مشكلة لان الفتيس نفسة هو اللى باظ لكن الكنترول بيكون سليم مافيش داعى لشرائة وافضل واحد بيكون عندة فتايس نضيفة قوى هو الحاج اسماعيل سوسو فى المريوطية ويفضل انة يكون معاك ميكانيكى

[pharonicking]

هو الفتيس الكورى كدة ولا دى حالة خاصة ؟ ارجو اللى عندهم اوتوماتيك كورى يفيدونا فى الموضوع دة؟

[maraaawan]

فتيس الفيرنا هو نفسة فيتيس الماتركيس الاوتوماتيك ونفس الموتور للاثنين ايضا ونفس المشاكل فى الاتنين تقريبا لان معانا ماتركيس 2006 كورى و فيرنا 2004 كورى المصايب اللى حصلت فى فتيس الفيرنا هى نفسها اللى ظهرت فى الماتركيس واللى يقولك فى توكيل او ميكانيكى بيفهم بيضحك عليك كلة بيفتى بس الحظ انها تجيى مع العمى طابات وتصادف ويلاقى حل وتمشى المسائل وربك بيستر والحل يا استيراد على التجربة يا حد جرب ميكانيكى بيفهم او مركز صيانة محترم يصلح المشاكل اللى مطلعة عييونا

[handasawy2]

مشكله فتيس اوتوماتك فيرنا

مشكله فتيس اوتوماتك فيرنا 2013 عامله 70 الف كيلو ومغير زيت فتيس موبيل وانا عندي مشكلتين الحقيقه ويريت حد يفيدني للي ظهر عنده نفس المشكله قبل كده
1- اول مشكله ان الصبح لما ادور العربيه واسخن اجي امشي احرك عصايا الفتيس علي r وبعدين N بدون مشكله او ماجي احطها علي D تحس ان فيه خبطه جامده تخض اللي قاعد جمبي و تحس ان العربيه عاوز تنط قدام والمشكله تدي بتختفي تمام خلال اليوم يعني لو دورت بعدها واديت d تاخد الغيار ناعم جدا بدون مشاكل والدنيا سلسه تماما المشكله دي في بدايه اليوم فقط لا غير
2- المشكله الثانيه اول مامشي تدي غيار اول وتاني وثالث عادي جدا بدون مشاكل اول ماتدي الرابع متكملش ثانيه وترجع تاني علي الغيارر التالث وتكلبش فيه متطلعش تاني علي الرابع ومهما تدوس بنزين السرعه تزيد وال rpm تزيد عادي وانت علي التالث بعد ماتمشي مسافه طويله كده 20 او 30 كيلو تلاقي العربيه فكت ونقلت علي الرابع عادي والمشكله دي كانت بتحصل علي فترات متفاوته في الشهر بس دلوقت بقت تتكرر بشكل يومي.

[roland_yamaha]

مشكله فتيس اوتوماتك فيرنا 2013 عامله 70 الف كيلو ومغير زيت فتيس موبيل وانا عندي مشكلتين الحقيقه ويريت حد يفيدني للي ظهر عنده نفس المشكله قبل كده
1- اول مشكله ان الصبح لما ادور العربيه واسخن اجي امشي احرك عصايا الفتيس علي r وبعدين n بدون مشكله او ماجي احطها علي d تحس ان فيه خبطه جامده تخض اللي قاعد جمبي و تحس ان العربيه عاوز تنط قدام والمشكله تدي بتختفي تمام خلال اليوم يعني لو دورت بعدها واديت d تاخد الغيار ناعم جدا بدون مشاكل والدنيا سلسه تماما المشكله دي في بدايه اليوم فقط لا غير
2- المشكله الثانيه اول مامشي تدي غيار اول وتاني وثالث عادي جدا بدون مشاكل اول ماتدي الرابع متكملش ثانيه وترجع تاني علي الغيارر التالث وتكلبش فيه متطلعش تاني علي الرابع ومهما تدوس بنزين السرعه تزيد وال rpm تزيد عادي وانت علي التالث بعد ماتمشي مسافه طويله كده 20 او 30 كيلو تلاقي العربيه فكت ونقلت علي الرابع عادي والمشكله دي كانت بتحصل علي فترات متفاوته في الشهر بس دلوقت بقت تتكرر بشكل يومي.

حضرتك الاول لازم تحط العربية علي جهاز كشف اعطال عشان نشوفها مسجلة عطل ايه ونتكلم علي هذا الاساس
لو مش مسجلة حاجة عاي الجهاز هيبقي غالبا بودي فالف بس برضو لازم نغير زيت وفلتر الاول ونجرب لو مظيططش هيبق بودي فالف
لو مسجلة عطل علي الحهاز هتكتب العطل ونتناقش فيه

[mohamedsayed81]

لاقيت حل ل مشكلتك ؟؟