اشتريت الجيتز وعندي سؤال

[katakatakito2]

السلام عليكم ورحمه الله وبركاته
كل سنه وانتو طيبين
انا كنت عملت موضوع قبل كده عشان كنت عايز اشتري عربيه والناس ناصاحوني بالجيتز كنت مقلق شويه
بس استخرت ربنا وجبتها وبصراحه ما ندمتش ع القرار
عربيه smooth قوي وسهله جدا في القياده اقتصاديه جدا ف البنزين .. عربيه مالهاش صوت لدرجه اني ساعات مش بكون عارف اذا كنت مشغل العربيه ولا لأ عشان الموتور تقريبا مالوش صوت .. الكراسي مريحه وشكلها من جوه تحفه والتكييف تلاجه بس انا فتحته مره واحده بس عشان الجو ابتدي يبقي برد
لسه مستلمها من يومين تقريبا اشتريتها مانيوال فول اوبشن
السؤال هو علل :POINTI~2[2]:
هو سؤال صغير
هو بس الحاجه الوحيده اللي مش عاجباني وبجد ندمت بعديها اني اشتريتها مانيوال بس ساعتها الميزانيه مكانشي تسمح لان لو كانت اوتوماتيك كنت هزود حوالي 8000 جنيه وده مبلغ طبعا ..هي بتتعبني شويه في الاماكن الزحمه يعني كنت ماشي بيها في مكرم عبيد ومصطفي النحاس وطبعا زحمه علي ودنه كل شويه فرامل ودبرياش واجيب الاول والتاني وادوس بنزين يعني شغله مقرفه قوي الصراحه ..
فكنت عايز اعرف هو ممكن اخليها اوتوماتيك ؟؟
ياتري انا بفكر صح اني اخليها اوتوماتيك ولا بلاش العب في العربيه واستحمل يعني عواقب قراري اني جبتها مانيوال
وياتري لو حبيت اخليها اوتوماتيك هتتكلف كام وتتعمل فين عشان برده مش عايز الضمان يضيع عليا ؟؟
ايه الرغي ده كله
معلشي طولت عليكم بس تنصحوني بايه ؟؟
وشكرا مقدما

[ابو فرح]

لا حضرتك ماتحولش تلعب فى العربيه انت ممكن تروح اى معرض وتعمل عمليه استبدال والخساره هتبقى قريبه بدل ماتلعب فى العربيه والخساره تبقى بعيده

[waleedrahmy]

ارضي بقرارك

[EslaM_NagY]

متحاولش

هى كدة فى احسن حالاتها

[alihussien2]

لف مبروك على الجيتز ولو رجعت لمشاركتي معاك انا اقلتلك افضل الاوتوماتيك؟ ماعلينا .... المهم ياباشا انتا لو سواق قديم ما تقلقش من المانوال ولو جديد حاول تتعود عليه وان ماقدرتش خش على الوكالة وغبر لاوتوماتيك وربنا يوفقك
المهم

[nab!l]

اتحمل نتيجة قرارك

[caftazeen]

ايه يا شباب النكد دا ،، ياعن قضيها ،، مصر اكتر من 70 % من العربيات مانويل وحتى لو ،،

الاوتامتيك مشاكلو اكتر بكتير من المانويل ،، و الزحمة استحملها ب الكاسيت ،، وانت سايق خليك رايق و خلاص ^^ وشغل اي حاجة تسلي الطريق ،،

ولا تحول ولا تغير ولا قلبة دماغ الاوتوماتيك دي خالص ،،

ودي وجهة نظري ^^

وادعي لي بقة عشان احصلك لاني حاجز اختك اللي معاك بس لسا مستلمتش

[ADELHASANALSHAAIRYN6]

+++1000000000

[MEMES]

الف مبروك على العربيه
و عايزك تجرب المانوال شويه فى الشد (بس فى مكان هادى و بشويش)
وساعتها هتحب المانوال

[KSA2011]

لا يا باشا خساره اتعود على المانيوال الناس كلها بتسوق مانيوال من زمان
حاول تتعود عليه بس

[jow]

alf mabrouk
7awl tbdlha bwa7da automatic a7sn bkter awy

[ma7oo]

لا انا ارايى ان البلد دى معدتش ينفع معاها مانيوال مهما كانت العربية كويسه والايام الجاية اصعب واصعب حاول تزبط نفسك وتبدل باوتو

[placebo]

طب عاوز اسأل الجيتزاوية عن نظام التعليق فى الجيتز .. علشان كتير قالولى ان العربية عفشتها رياضية وناشفة وده يخليك تحس بكل زلطة او مطب تاخده فى ضهرك علطول .. الكلام ده صحيح ؟؟
وايه اخبار عزل الصوت وانت قافل الزجاج ؟؟ سامع صوت الموتور عالى برضه ولا عزله كويس ؟؟
لان الصراحة العربية عاجبانى رغم انى مليش فى الشد والسحب انا سواقتى هادية بس باحب العربيات الهاتشباك واكره السيدان

[meshmeshahanem]

طب عاوز اسأل الجيتزاوية عن نظام التعليق فى الجيتز .. علشان كتير قالولى ان العربية عفشتها رياضية وناشفة وده يخليك تحس بكل زلطة او مطب تاخده فى ضهرك علطول .. الكلام ده صحيح ؟؟
وايه اخبار عزل الصوت وانت قافل الزجاج ؟؟ سامع صوت الموتور عالى برضه ولا عزله كويس ؟؟
لان الصراحة العربية عاجبانى رغم انى مليش فى الشد والسحب انا سواقتى هادية بس باحب العربيات الهاتشباك واكره السيدان

العربيه فعلا عفشتها رياضيه ونشفه شويه بس مش لدرجه انك تحس بكل زلطة او مطب تاخده فى ضهرك علطول ....... حط فالعجل نيتروجين والموضوع ده مش حتحس بيه الا فالمطبات الجامده
وعزل الصوت فيها ممتاز وانت قافل الزجاج تحس انك مفصول عن العالم الخارجي....... واصلا المتور متسمعلهوش صوت وانت فاتح الزجاج انا ساعات مبخدش بالي اني مدوره العربيه من كتر من مش سمعالها صوت.......ماشاء الله عليها عربيه ممتازه في كل حاجه