علبة الدريكسيون نيو أكسنت!

[mohabelnegm]

أنا معايا نيو أكسنت موديل 2006(أعتقد أن أنا من أوائل الناس فى مصر اللى أشتروا الموديل دة) حصلت حاجة غريبة لما كنت بعمل صيانة 40ألف, أن التوكيل فى شرم طلبوا منى أنهم لازم يغيروا علبة الدريكسيون!!!أنا ما أقتنعتش بالكلام سألت بالتليفون فى غبور الفرع الرئيسى و كانت اجابتهم أن وصلهم فاكس من كوريا أن فى عيب صناعة بسيط فى علبة الدريكسيون و لابد من تغيير علبة الدريكسيون فى الضمان(رغم ان ماكنش عندى أى مشاكل فى الدريكسيون الا أنى وافقتهم و بالفعل غيروا العلبة) الشىء الغريب أن حاليا أنا ساعات-نادرا- لما بمشى فى حتة مكسرة أو لما بحرك الدريكسيون و العربية واقفة بحس أن فى رجرجة خفيفة و صوت خشونة فى الدريكسيون -انا حاليا عامل 110ألف كم. المشكلة أنى مش لاقى ألأيصال بتاع الصيانة علشان أقدر اروح أتكلم معاهم صح..

[حماده المصري]

انا معايا نفس الموديل ومن اوائل الناس برضو ومحدش قالي حاجه والعلبه بايزه برضو

لو الصوت ده صوت خشونه وانت بتحرك العربيه وهي واقفه او زي تزييقه تبقى من غالبا عمود الدركسيون مش العلبه

المشكله كلها بتبقى في عمود الدركسيون بس هما بيغيروا كل حاجه العمود والعلبه

والله اعلم

[EslaM_NagY]

علبة الدريكسيون القديمة كانت كهربا صح ؟؟؟

كانت للأسف فيها عيب صناعة وكانت ممكن لا قدر الله الباور يقطع وانت ماشى وبالتالى تفقد التوجيه تمام - ودا حصل للاسف فى الخليج

فغبور بقى بيفك العلبة الكهرباء ويركب بدلها علبة زيت عادية جدا والمشكلة اختفت.

يعنى حضرتك لاحظ ان موديل النيو اكسنت الجديدة باور زيت مش كهربا.

[mohabelnegm]

فعلا..العلبة القديمة كانت كهرباء والجديدة الميكانيكى(كان بيشتغل فى غبور سابقا) قالى أن العلبة الجديدة زيت+كهرباء ...بس فعلا أنا خايف من الموضوع دة على الرغم من أن الخشونة دى نادرا لما بتحصل...أنا سألت على علبة الدريكسيون فى غبور شرم (فضول مش أكتر) لقيتها ب 7ألاف جنية!!!