وبعد طوول أنتظار...خلاص نيو ألنترا 2010 بكرة أن شاء الله

[Na7nology]

السلام عليكم...
وبعد طوول أنتظار وتدقيق و فحص وبحث مستمر ...حجزت النهارده والحمد لله النيو ألنترا 2010
وطبعا هى نفس الشكل القديم بالظبط ومفيش أى جديد غير الورق بس اللى بيقول أنها 2010...أنا بقالى أكتر من أسبوع بلف وبلف و بلف وشفت فئات الخليجى كمان (التحفة)ززبس عشان الواحد مش قلبه جامد بس قررت أشترى عربية غبورباشا (الفاضية تماما طبعا)..أيه رأيكم فى ميعاد الشراء بتاعى يا ترى كنت أصبر شوية زى مالناس بتقولى عشان الأسعار هتنزل أول السنة ولا أجيب كيا سيراتو زى ما كل مصر قالتلى؟؟؟؟

[Na7nology]

فيييييييييييييين الناس؟؟؟

[Hosam_Optrawy]

الف مبروك مقدما

وحضرتك بتقول انك لفيت كتير واستقريت على الالنترا

متحيرش نفسك تانى وتوكل على الله

الالنترا عربيه كويسه

والسيراتو برضه ممتازه

[Na7nology]

حسام باشا..
ألف شكر على الرد الجميل وأنا فعلا توكلت على الله وربنا يكرم أن شاء الله...

[amr.elsayed]

الف الف مبروك يا باشا على الاختيار الموفق ان شاء الله
وربنا يعطيك خيرها ويكفيك شرها وان شاء الله تستلم على خير
والالنترا عربية جميلة ومتجربة واثبتت اعتمادية وقطع غيارها موجودة

[A.Saad]

مبروك

[GMakram]

افتكر كنت تجيب السيراتو احسن اهو على الاقل شكل اجدد

[أبو_يوسف]

انا معايا سيراتو 2006 واكيد السيراتو الشكل الجديد موضوع مختلف تماما..
بس عايز اقولك اني ركبت النترا 2010 أتوماتيك لمدة يومين ..
وبصراحة حاجة تحفة وانبهرت من نعومة العربية في المطبات ونعومة الدركسيون وكمان الفرامل القوية.. وانا اللي كنت فاكر اني هاتخنق لما اسوق اتوماتيك .. بعد ماسوقتها اتعقدت من المانيوال :)
غير ان قعدتها مريحة جدا..
عربية ممتازة..
توكل على الله..

[Na7nology]

شكراااااااااااا جزيلا على الردود الجميلة ده يا أخواننا وأنا أتوكلت على ربنا فعلا وأن شاء الله الأستلام الليلة...وبأذن الله هكتبلكم تقريرى عن العربية قريب وشكرا مرة تانية على الردود المشجعة

[waelwael]

سعر الخليجى كام لو سمحت وإيه الفرق ينها وبين بتاعه غبور

[MEMES]

الف الف مبروك وربنا يباركلك فيها ان شاء الله
وسعداء جدا بأنضمامك للهيونداويه(نورتنا)

[Samah AbdAllah]

الف مبروك واليرة فيما اختاره الله
مادمت اختارتها وعجبتك ماتفكرش فى اى حاجة تانية

[o.boshra]

الف مبروك

[Na7nology]

أصدقائى الهينداوية....
أنا اللى مبسوط جدا أنى أنضميت ليكم خلاص....أنا أستلمت العربية أمبارح الحمد لله (ورايح على الترخيص النهارده وربنا يستر)
وملاحظاتى على العربية لغاية دلوقتى أنها ما شاء الله ناعمه جدا جدا وسحبها بيتم فى هدوء ومن غير ما لفات الموتور تعلى عن 2500 rpm وواسعة جدا فى المقصورة الداخلية بتاعتها والشنطة كمان بس بصراحة اللى مزعلنى انها مفيهاش مؤشر حرارة بس يلا الحمد الله
وتابعونى بقى بعد الترخيص

[momen]

بس على فكره انا معايا موديل 2010 ضمان غبور باشا وفيها مؤشر حراره !!!!! ازاي عربيتك مافيهاش ؟