ماتريكس ولا جين 2 ولا جيتز

[zezo13178]

يا جماعه حد يساعدني اختي عاوزه عربيه اوتوماتيك تجيب ماتريكس ولا جيتز ولا جين 2 ؟؟
عاوز اعرف رايكو خصوصا في الجيتز من ناحيه قوه الموتور والفتيس والثبات كمان مساحه الصالون وشكرا مقدما

[zezo13178]

يا جماعه عاوز اعرف رايكو عاوز عربيه 1600 اتوماتيك في حدود 85000 بالكتير ايه رايكو ( جيتز , نيو اكسنت , ماتريكس , جين 2 , سيريون )
عاوز رايكو بالتحديد في اتزان وثبات الجيتز و النيو اكسنت والعفشه وشكرا مقدما

[محمدايهاب]

سيريون أو جين تو أو ماتريكس سيبك من الجيتز أو النيو اكسنت
و انا رأي جين تو أو سيريون
و اقضل السيريون
دي لينكات ممكن تساعدك
http://www.nilemotors.net/Forum/viewtopic.php?t=9652 دي بين الجين تو و السيريون


http://www.nilemotors.net/Forum/viewtopic.php?t=7345 دي بين الاوبترا و الماتريكس

[zezo13178]

شكرا يابوحميد بس ايه اللي مش عاجبك في الجيتز او النيو اكسنت

[tutankhamoun]

أختيار صعب Red_Colorz_PDT_20
و لكن المقارانات ليست في محلها
و لكن بما أنها لبنت ........... يكون جيتز أفضل لرخص سعرها و مناسبة شكلها لفتاة :lol:
و لكن لو لولد يبقى على طول الجين 2 :-) :-) :-)

[Zekairy]

الجيتز نازلة السوق يوم الأحد 4/11/2007 يعني غدا إن شاء الله
وأنا هاشتري واحدة إن شاء الله للأسباب الآتية :
1- موتور قوي
2- الموتور لا يتأثر في السحب إذا حملت العربية 5 أفراد مثلا
3- تكييف قوي
4- أهم حاجة إنها تقفيل كوري
5- حجم العربية من الخارج يتناسب مع شوارع مصر المحروسة حيث أن السيارات الكبيرة مش هاتعرف تركنها في أي حتة
6- العربية من الداخل واسعة جدا وفيها إمكانية طي الكنبة (الظهر والقاعدة كمان)
7- سعرها ممكن نقول عليه مناسب شوية
8- إقتصادية في البنزين (وده مهم جدا بالنسبة لواحد زيي لسة باقول يا شغل ، يعني بابا مش هايديني مصروف أملى بيه بنزين)
9- شكلها كويس أو بمعنى أصح شكلها عادي غير ملفت للنظر (لأن في بعض الشركات دلوقتي بقت تستظرف في شكل العربيات يخليك وانت ماشي بيها الناس علىطول بتبصلك أكنك جاي انت والعربية من الفضاء !)
10- إنذار بـ 2 ريموت
11- العربية كوري يعني قطع غيارها عند البقال
12- العربية عاليه على الأرض (يعني إنسى المطبات)
13- شكل التابلوه تحفة وخصوصا فتحات التكييف عاملينها بطريقة جديدة عملية جدا وشكلها حلو جدا
14- وأخيرا العربية كلها على بعضها مريحة نفسياً

عيوبها :
1- التوكيل سيئ جدا (ده كلام الناس اللي اشتروا فيرنا بس الله أعلم لو حد راحلهم بجيتز هايعملوا معاه ايه ، يمكن المعاملة تبقى أحسن والله أعلم)
2- مافيهاش ABS
3- الكاسيت RoadStar متركب في مصر
4- جهاز إنذار متركب في مصر (بس نضيف جدا) أنا حاطيته في العيوب لمجرد إنه متركب في مصر يعني تقفيل مش كويس
5- خفيفة على الأرض - لازم تكون حريص في الملفات على سرعات عاليه

وعلى العموم شوف اللينكات دي كلها بتتكلم عن الجتز وألف مبروك مقدما وأتمنى إنك تكون جيتزاوي انت كمان :-)

http://www.nilemotors.net/Forum/viewtopic.php?t=6922&highlight=%CC%ED%CA%D2

http://www.nilemotors.net/Forum/viewtopic.php?t=8191&highlight=%CC%ED%CA%D2

http://www.nilemotors.net/Forum/viewtopic.php?t=9381&highlight=%CC%ED%CA%D2

وأنا رأيي إنها أحسن من الماتركس اللي شكلها عامل زي الجوافة ... وبعدين الماتريكس كلها تركي دلوقتي وفيها عيب خطير إن عجلها 13 وماينفعش تزود 14 حتى عشان تزود اتزان للعربية !!! عشان قطر الرفرف مايساعش أكتر من 13 !!!!!

[Hesham A.Megid]

أستاذ أبو حمزه، انا كنت في التوكيل امبارح و كان عندهم موديلات 2008 معروضه. مافيش اي فروقات غير ان الكاسيت غيروه ب CD player JVC شكله انضف بكتير من الكاسيت ال Roadstar

[Zekairy]

غيروا الكاسيت فعلا ؟!!!
والله انت فرحتني يا عم هشام

بس أنا كنت في التوكيل بتاع غبور من كام يوم فرع صلاح سالم وقالولي كمان شهر !!!

يعني انت شفتها معروضة للبيع ؟؟ وبـ 79 ألف برضه ؟؟؟

انت رحت أي واحد فيهم ؟ إوصفلي العنوان الله يكرمك أنا هاروح دلوقتي

[Hesham A.Megid]

انا روحت توكيل السلطان حسين في الاسكندريه. كان عندهم اتنين automatic واحده سوداء و التانيه شامبين. الاتنين من غير sunroof و سعرهم 79000

[amrtalaat]

أنا معايا ماتريكس 2008 تركى والجنوط 14 مش 13 :-)

[bassam nagy]

رأيي إنها أحسن من الماتركس اللي شكلها عامل زي الجوافة ... وبعدين الماتريكس كلها تركي دلوقتي وفيها عيب خطير إن عجلها 13 وماينفعش تزود 14 حتى عشان تزود اتزان للعربية !!! عشان قطر الرفرف مايساعش أكتر من 13 !!!!!

العجل الية فى الماتريكس 14 ومش 13 وممكن تركب 15 ودة على كلام الكاتاوج وورقة المقاسات الموجودة على الباب الخلفى من ناحية الرفرف والحمد اللة اتزان العربية ممتاز على السرعات

[fahd_628]

لو لبنت يبقى جيتز عربية صغيرة سهلة القيادة و شكلها حلو و واسعة من جوة

و لكن لو حتحتاج شنطو واسعة يبقى جين 2

[zezo13178]

شكرا يا رجاله بس عاوز اعرف رايكو في ثبات الجيتز وهل هي ثابته ولا خفيفه زي الاكسيل والاكسنت يعني في ثباتها احسن ولا الماتريكس
لو ثباتها مش اوي تبقي علي سرعه كام تقريبا

[fahd_628]

بص يا باشا هية ثباتها معقول يعنى مش ريشة و مش ثابتة جدا

و حتى المواقع مدينها 3 من 5 فى الثبات يعنى معقولة متخفش

[zezo13178]

شكرا يا فهد بس قصدي الثبات يكون كويس لحد 120 او 140 مثلا ؟