مشكلة خطيرة بالماتريكس

[abooyassin]

املك ماتريكس موديل 2008 عاملة 40 الف حتى اليوم ومغيرتش تيل فرمل امامى ودة لان فى ابو رواش كل صيانة دورية يقولولى التيل شغال والمشكلة انى من يوم ما جبت العربية و الفرامل سيئة جدا ولازم اكون حريص وانا ماشى بصورة كبيرة لان الفرامل نيلة والمشكلة ان كل صيانة دورية العربية تخرج زى الفل و بعد كام يوم ترجع نيلة و مفيش حل
يا ترى ياهل ترى حد من الهيونداوية عندة فكرة

[monmonmon]

املك ماتريكس موديل 2008 عاملة 40 الف حتى اليوم ومغيرتش تيل فرمل امامى ودة لان فى ابو رواش كل صيانة دورية يقولولى التيل شغال والمشكلة انى من يوم ما جبت العربية و الفرامل سيئة جدا ولازم اكون حريص وانا ماشى بصورة كبيرة لان الفرامل نيلة والمشكلة ان كل صيانة دورية العربية تخرج زى الفل و بعد كام يوم ترجع نيلة و مفيش حل
يا ترى ياهل ترى حد من الهيونداوية عندة فكرة

بص انا غيرت التيل عند 60,000 كم و جبت التيل الاصلى من التوكيل و ركبت بره علشان مش بعمل صيانات دورية فى التوكيل.. و مع التيل الجديد محستش بتحسن كبيير فى اداء الفرامل يعنى لا يتعدى 10% التحسن

علشان تقدر تحكم بجد شوف عربية تانيه و انت هتعرف تحكم اسرع.. لان يمكن حضرتك حكمت على انها ضعيفة و هى حاجه عامه فى الماتريكس و معظم الناس بتشتكى.. رغم انى شايف الفرامل جيده و بتسعف و انا بستعملها فى الغرز و الجرى على 100 و 120 و مرضيه جدااا

بس اللى احب اوضحه لحضرتك ان طبيعة الفرامل فى الماتريكس ان فى بداية الضغطة على الفرامل العربية مش بتفرمل اوى لكن مع استمرار الدوسة السرعة بتقل

لكن معايا i10 فيها العكس اول الفرملة جامده جدااااااااااا لكن مع استمرار الدوسة العربية مش بتهدى زى الماتريكس

و طبعا لكل منهم عيوبه و مميزاته.. و ان شاء الله تتحل

[osamaelbaz]

كتير على التيل انة يقعد 40 الف انا بغيرة على 25 الف فيمكن يكون عشان التيل خلص فالبدال بتاع الفرامل يكون واطى فمحسسك ان الفرامل ضعيفة

[monmonmon]

كتير على التيل انة يقعد 40 الف انا بغيرة على 25 الف فيمكن يكون عشان التيل خلص فالبدال بتاع الفرامل يكون واطى فمحسسك ان الفرامل ضعيفة

هو فى الكاتالوج بينصحوا بتغييره عند 40,000 كم و ده حفاظا على الطنابير كمان,, لكن 25,000 ده بدرى حبتين و هى بتعتمد على مدى استخدامك للفرامل بشدة و افتراء

[bassam nagy]

حضرتك ممكن تشترى تيل وتغيرة برة وخلية يكشف على التيل الخلفى