معقولة غبور عندة زحمة صيانة كدة

[Ah.Farid]

نصيحة احجز صيانة العربية بدرى ؟


كلمت غبور النهاردة فرع ابو رواش علشان احجز صيانة 1000 كم طلبت ان يكون يوم السبت رد عليا الموظف قالى معاد الحجز 1 ديسمبر الساعة 11.30
تفتكروا ان 3 اسابيع مش كتير على ميعاد الصيانة
المهم قلت الحمد لله انى سمعت كلام الناس اللى نصحونى احجز بدرى علشان الزحمة لانى لسة ما كملتش 1000 كم
بس قلت احجز بدرى ؟

[tarekkasaby]

عادى ياباشا
المبيعات شغاله نار وغبور مش راضى يضيف اى استثمار فى مراكز الصيانه بتاعته
ولا راضى يزود عددها او يطور الموجود حاليا للاسف لا يوجد امامك حل تانى
و مبروك على العربية ياباشا
و نصيحه روح بدرى عن معادك

[Kisho]

اكيد مش مبيعاته معديه نسبه ال 30% من السوق ......

[شريف شعبان السيد]

استاذ احمد ممكن حضرتك تحكلنا العربية عاملة معاك ايه بعد 1000 كيلو وهل هى اتوماتيك ولا عادى ولو اتوماتيك الفتيس اخباره ايه وازاى الواحد يحافظ عليه

[mohaismail]

هفضل اقول لحد ما اموت توكيل فاشللللللللللللللللللللللللللللل وحرامى ومعندوش واحد من عشرة ضمير

[Ahmed Anwer]

علي فكرة توكيلات كتير مواعيد حجزها بالأسابيع برده

وغبور مش راضى يضيف اى استثمار فى مراكز الصيانه بتاعته

في مراكز معتمدة كتير كان عندي الورقة بتاعتها بس معنديش اسكانر حاليا

و علي فكرة هوا طالب حاليا مواقع مميزة عشان يعملها مراكز خدمة و هيتكفل بالإنشاءات و المعدات ده اللي عرفته من ابو رواش

[bassam nagy]

سمعت من مهندس فى التوكيل ان غبور ا بيجهز لمركز خدمة كبير فى ابو رواش وعلى احدث مستوى

[الصاوي]

يخلليلنا دايو ايجبت
زي الفل و بروح الساعة 9 و امشي في نفس اليوم

[Ahmed Anwer]

افلح إن صدق

بس بصراحة عدد العربيات الهيونداي اللي في الشوارع يخليه لو عمل استاد القاهرة مركز خدمة

هيبقي برده زحمة

[Ah.Farid]

استاذ شريف شعبان اعتذر على التأخير

استاذ شريف شعبان اعتذر على التأخير
اولا العربية منوال وانا حاليا عامل 800 كم وبصراحة لسة الحمدلله كويسة وان كنت مستعجل على صيانة ال 1000 كم علشان اتحرك على راحتى .

[IAbdou]

طبعا" من المعروف ان غبور طول عمرة زحمة ومبتلاقيش حتى مكان تركن فية جوة
بس الغريبة أنى كنت هناك بشترى قطع غيار والمكن مكنش زحمة بالمرة خالص أول مرة أشوف كدة من أكتر من 15 زيارة تقريبا" للتوكيل

[Ah.Farid]

استاذ ابراهيم
انت حظك كويس بس ياريت تقولنا رحت غبور امتى والساعة كام واى ايام الاسبوع علشان نبقى نعمل زيك

[IAbdou]

الكلام دة كان يو الأثنين وكانت الساعة 2 ظهرا" بس مش عارف أة السر كان يوميها

[Ahmed Anwer]

هما بصراحة بيحاولوا يتحسنوا

يمكن عشان اسهمهم في البورصة أو يمكن عشان مايخسروش السوق اللي كسبوه أو اكيد عشان المنافسة القوية جدا من سيادة الوزير

منصور