موضوع شامل عن سرقة الألنترا md و طرق منعها

[Samir Elshahawy]

الأخوة و الأخوات الكرام / مالكي و مالكات هيونداي ألنترا md

أسعد الله أوقاتكم ...

مع أنتشار ظاهرة سرقة سيارات هيونداي ألنترا md و التي زادت في الأونة الاخيرة مما دفع توكيل هيونداي بمصر في الأعلان عن جهاز أنذار أضافي جديد يتم تركيبه للحد من عمليات أقتحام و سرقة الالنترا md في محاولة منهم لتصحيح هذا الخطأ القاتل من توكيل لسيارة شهيرة و ذائعة الصيت

و في منتدي نايل موتورز و تحديدا بقسم هيونداي تمت أثارة الموضوع من خلال مناقشات عديدة و موضوعات تنوعت مابين الحديث عن سرقات الألنترا md و طرق الحد من السرقة و شرح أنذار الالنترا الاصلي و عيبه و مؤخرا تم طرح التعديل الأخير لأنذار الألنترا md للمناقشة

لذا فقد قمت بعمل هذا الموضوع لجمع كل لينكات الموضوعات المتعلقة بسرقة الألنترا md و جهاز الأنذار الخاص بها و طرق مكافحة السرقة

------------------------------------------
أولا .. أنذار الألنترا MD
و طرق الحماية
------------------------------------------

http://www.nilemotors.net/Nile/31616...-2012-a-2.html

http://www.nilemotors.net/Nile/349816-elantra-md-4.html

http://www.nilemotors.net/Nile/350355-a.html

http://www.nilemotors.net/Nile/353485-md.html

http://www.nilemotors.net/Nile/360968-md-5.html

---------------------------------------------------
ثانيا .. موضوعات عن سرقة الألنترا MD
---------------------------------------------------

http://www.nilemotors.net/Nile/347992-md-7.html

http://www.nilemotors.net/Nile/348411-a-4.html

http://www.nilemotors.net/Nile/34897...-2012-a-3.html

[Mo7eb1]

شكرا أ/سمير على التجميع والأفاده... بس انا شايف ان الموضوع أكبر من جهاز انذار او توكيل مفضى العربيه من وسائل الامان.
بغض النظر عن اى انتماء سياسى انا شايف المشكله اصلا فى عدم الشعور بالأمان!! الموضوع عامل زى هرم ماسلو, احنا كشعب بندور على أيه؟


وان كنت شايف ان احنا قبل الثوره كنا فى المرحله التالته و عملا الثورة علشان نوصل للرابعه نوصل لأحترامنا كشعب و لكرامتنا بس م الواضح ان احنا نزلنا درجتين بدل ما نطلع واحده و بقينا بدور على كل وسائل الامان و ياخوفى لنخسر الامان تماما ويبقى همنا كله نأمن أكلنا و شربنا.....

ربنا يسترها عليا جميعا و يصلح حال البلد

[Nashaat Rady]

تقرير ممتاز و بارك الله فيك...

[Samir Elshahawy]

متشكر جدا لحضراتكم
الموضوع الهدف منه تجميع للموضوعات التي تتناول ظاهرة سرقة الألنترا md و طرق الحماية و ليس فقط الحديث عن الانذار

لذا سيتم تحديث الموضوع بشكل مستمر و أضافة اي لينكات أخري لموضوعات جديدة

[Walid_M]

تسلم يا با شمهندس على المجهود المبذول ......

تحياتي

[baherhassan30]

موضوع ممتاز فعلااااااااااااا ...

[moamenehab]

علي فكره الموضوع جميل = جدا جدا جدا


بس انا كنت واخد عنه فكره قبل كده و ليا صديق عملو صاحب تاكسي ( فيرنا 2012 ) مشغل عليه سواقين

زبونه وقفته قلتله الهرم و قبل المشوار قلت للسواق انها نسيت الفلوس و لازم ترجع البيت تجيب الفلوس

و فضلت تترجاه ما يسبهاش لوحداها في الزنقه دي و انها مش عارفه تعمل ايه و تركب ايه لازم واحد شهم يرجعها

للبيت مره تانيه تجيب الفلوس و هتحاسبه زي ما هوا عايز

المهم بدأت توديه عن دائري فيصل من تحت لحد ما لاقي اتنين بيشوروله كزبايين

قلتله ركبهم مفيش مشكله عشان انت شهم و ديهم معنا و حلال عليك الاجره دوبل

و طبعا انتم عارفين الباقي ( طلعوا معاها و ثبتوه و قلولو انزل و سيب العربيه دايره

طبعا نزل و بعد مسافه و بعد كده استعمل الجهاز و وقف العربيه

و علي طول الحرميه سابو العربيه و طلعوا يجرو ( و طبعا معاهم المزه) = مش عارف ليه ما سبوهاش=

و بعد شويه فضل مراقب العربيه من بعيد و اتصل بصاحب العربيه و اصدقاءه لحد ما جم و خدوا العربيه

و الحمد لله

بس فيه سوال في الجهاز ده مع الملاكي ( لو العربيه مركونه يومين تلاته ممكن البطاريه تنام ؟؟؟؟؟؟؟؟
ارجوك اكمل الموضوع و حاول ترجه مع الملاكي و تقولنا لان الحكايه دي مخلياني متردد اركبه بالرغم من نجاحه مع صديقي صاحب التاكسي

[hos_maksood]

السلام عليكم يا شباب

بما ان الموضوع فعلا زاد عن حده وكل مرة الواحد وهو نازل من البيت بيقول يارب آلاقي العربية قدام البيت وبما إن الحاجة أم الإختراعات فعلا فأنا عندي فكرة ممكن تكون مجنونة أو ممكن تكون معقولة ومحتاج آرائكم أو محتاج نصايحكم

بما ان أجهزة الإنذار بتعتمد أساساً على انها تعمل صوت عالي عن طريق الكلاكس أو السارينة واللي ممكن تتفصل لو الحرامي فتح الكبوت وبعض أجهزة الإنذار بيكون فيها تعطيل وظائف الموتور بس من الفيديوهات المعروضة واضح إنها برضة بتتضرب

طيب ايه رأيكوا لو تم تصميم جهاز انذار ما ينفعش العربية تدور أبدا غير بكود مكون من أربع أرقام مثلاً معنى كده ان الحرامي هايكون قدامه عشرة آلاف احتمال يحاول فيهم علشان يشغل العربية

طبعا واحد هيسألني ماهو ممكن الحرامي يشوف الشاشة بتاعة الانذار ده ويقطع الأسلاك أو ماشابه ويضرب كود الحماية برضه.

الفكرة هنا اننا نحاول نربط جهاز الانذار بحاجات موجودة أساسا في العربية كالراديو مثلا ان العربية موش هاتشتغل الا لو جبت محطة معينة على تردد ال اف ام مثلا أو ما تدورش الا لو انت ضغطت على الفرامل وجبت مروحة التكييف على الرقم 2 وضغطت على زرار الزجاج الكهربائي بتاع الازاز ورا شمال مثلا. وممكن كل واحد يبرمج التشكيلة اللي تيجي في دماغه

معرفش الفكرة ممكن تكون قابلة للتطبيق أو لا لاني موش مهندس الكترونيات بس جت على بالي فقلت أشاركها معاكوا يمكن حد يعرف ينفذه لو كانت تنفع أصلا.

آسف للإطالة وربنا يحمينا كلنا يا رب من أي سوء.

حسام

[baherhassan30]

السلام عليكم يا شباب

بما ان الموضوع فعلا زاد عن حده وكل مرة الواحد وهو نازل من البيت بيقول يارب آلاقي العربية قدام البيت وبما إن الحاجة أم الإختراعات فعلا فأنا عندي فكرة ممكن تكون مجنونة أو ممكن تكون معقولة ومحتاج آرائكم أو محتاج نصايحكم

بما ان أجهزة الإنذار بتعتمد أساساً على انها تعمل صوت عالي عن طريق الكلاكس أو السارينة واللي ممكن تتفصل لو الحرامي فتح الكبوت وبعض أجهزة الإنذار بيكون فيها تعطيل وظائف الموتور بس من الفيديوهات المعروضة واضح إنها برضة بتتضرب

طيب ايه رأيكوا لو تم تصميم جهاز انذار ما ينفعش العربية تدور أبدا غير بكود مكون من أربع أرقام مثلاً معنى كده ان الحرامي هايكون قدامه عشرة آلاف احتمال يحاول فيهم علشان يشغل العربية

طبعا واحد هيسألني ماهو ممكن الحرامي يشوف الشاشة بتاعة الانذار ده ويقطع الأسلاك أو ماشابه ويضرب كود الحماية برضه.

الفكرة هنا اننا نحاول نربط جهاز الانذار بحاجات موجودة أساسا في العربية كالراديو مثلا ان العربية موش هاتشتغل الا لو جبت محطة معينة على تردد ال اف ام مثلا أو ما تدورش الا لو انت ضغطت على الفرامل وجبت مروحة التكييف على الرقم 2 وضغطت على زرار الزجاج الكهربائي بتاع الازاز ورا شمال مثلا. وممكن كل واحد يبرمج التشكيلة اللي تيجي في دماغه

معرفش الفكرة ممكن تكون قابلة للتطبيق أو لا لاني موش مهندس الكترونيات بس جت على بالي فقلت أشاركها معاكوا يمكن حد يعرف ينفذه لو كانت تنفع أصلا.

آسف للإطالة وربنا يحمينا كلنا يا رب من أي سوء.

حسام

فكرة جامدة جدااااااااااااااااااااااااااااااااا ..
بس اللي اعرفه ان ممكن الطريقة دي تشغل العربية من غير مفتاح على اساس انها بتقفل الدايرة الكهربائية ف بتشتغل ... وطبعا مينفعش تتحرك علشان قفل الدركسيون
هي فعلا طريقة جميلة وياريت حد يقدر ينفذها
بس انذار فصل الكهرباء عن طلمبة البنزين دي حلوة وعملية ورخيصة
والكل بيشكر فيها

[adelghanem]

بارك الله فيك

[wabdalla]

يا جماعة انا عربيتى النترا 2012 كانت مركونه ادام البيت فى اول فيصل ومتغطيه وفى عربيات كتير مش متغطية نزلت امبارح 21/5/2013 لقيت ازاز مكسور والغطا مرمى على الارض والعربيه مش موجوده !!! خلاص كده راحت ولا ادور فين ولا اعمل ايه حد يعرف ممكن الاقيها ازاى... جزاكم الله كل خير

[Walid_M]

يا جماعة انا عربيتى النترا 2012 كانت مركونه ادام البيت فى اول فيصل ومتغطيه وفى عربيات كتير مش متغطية نزلت امبارح 21/5/2013 لقيت ازاز مكسور والغطا مرمى على الارض والعربيه مش موجوده !!! خلاص كده راحت ولا ادور فين ولا اعمل ايه حد يعرف ممكن الاقيها ازاى... جزاكم الله كل خير

لا حول ولا قوة إلا بالله !!!

ربنا يارب يعينك ويرجعهالك في أسرع وقت ..

إحنا عايزين من حضرتك شوية تفاصيل عن الإجراؤات اللي إتخذتها حتى الأن ؟

عموماً حضرتك لازم تعمل محضر في القسم وفي المديرية .. ولازم تسيب تليفوناتك في المحضر ..
مع الأسف عربيات كثير رجعت عن طريق هذا التليفون !!!

لعل وعسى الحرامية يكلموك ويفاوضوك ويطلبوا فدية !!!

لو حصل فاصل معاهم جامد وحرص من إنهم ياخدوا الفدية وما يرجعوش العربية !!!

غالبية الحرامية دلوقتي بيسرقوا ويبيعوا العربيات للقبائل في سيناء أو البحيرة وبرج العرب !!! , وغالبا بياخدوا فيها في حدود 5 الاف جنيه والله اعلى واعلم ...

القبائل دول هما اللي بيفاوضوا وياخدوا الفدية أو يهربوا العربيات لغزة أو ليبيا حسب الموقع الجغرافي ...

ربنا يا رب يرد عليك ضالتك ,,, ولا تنسى الدعاء لله والتصدق !!!

تحياتي ...

[wabdalla]

لا حول ولا قوة إلا بالله !!!

ربنا يارب يعينك ويرجعهالك في أسرع وقت ..

إحنا عايزين من حضرتك شوية تفاصيل عن الإجراؤات اللي إتخذتها حتى الأن ؟

عموماً حضرتك لازم تعمل محضر في القسم وفي المديرية .. ولازم تسيب تليفوناتك في المحضر ..
مع الأسف عربيات كثير رجعت عن طريق هذا التليفون !!!

لعل وعسى الحرامية يكلموك ويفاوضوك ويطلبوا فدية !!!

لو حصل فاصل معاهم جامد وحرص من إنهم ياخدوا الفدية وما يرجعوش العربية !!!

غالبية الحرامية دلوقتي بيسرقوا ويبيعوا العربيات للقبائل في سيناء أو البحيرة وبرج العرب !!! , وغالبا بياخدوا فيها في حدود 5 الاف جنيه والله اعلى واعلم ...

القبائل دول هما اللي بيفاوضوا وياخدوا الفدية أو يهربوا العربيات لغزة أو ليبيا حسب الموقع الجغرافي ...

ربنا يا رب يرد عليك ضالتك ,,, ولا تنسى الدعاء لله والتصدق !!!

تحياتي ...

الحمد لله الذى لا يحمد على مكروه سواه, اخى الفاضل انا عملت محضر فى القسم التابع ليا وادونى ورقه رحت بيها مديريه امن الجيزه استكملت المحضر هناك وخدو تليفوناتى وبيانتى وادونى ورقه رحت سلمتها فى الادارة العامه لمرور الجيزه لرفع الملف .... لكن اللى شفته منهم ادانى مدلول انهم مبيعملوش اى شىء غير تأييد فى دفاتر وواضح جداً التخاذل وعدم نيتهم عمل اى شىء وربنا يعوض علينا وعلى الجميع, واللى يقولى دور عليها فى الصف واللى يقولى دور عليها فى قليوب واللى يقولى برج العرب.. العربيه تقسيط وربنا وحده الاعلم انا بدفع القسط ازاى بعد ما ظروف الشغل اتغيرت بسبب حالة البلد والانيل ان شركة التأمين مبتعملش اى شىء غير بعد كف البحث اللى بيستغرق مش اقل من 6 شهور وطول الفتره دى لازم ادفع للبنك القسط ولما الشركه تبقى تصرف للبنك (75% من قيمة الوثيقه فى حالة السرقه) البنك ياخد فلوسه ورسومه ويدينى الباقى لو فى باقى !!!!.. ان لله وان اليه راجعون .... نسالكم الدعاء

[yasserelshakwe]

السلام عليكم
أنا هنا عايش في السعودية
وعاوز اشتري الينترا 2014 هاي لاين وشوفت العربية بتمشي من غير مفتاح يعني لا يوجد مفتاح للعربية بتمشي بالبصمة
هل هذا برضة من السهل ضربة من الحرامية والنصابين
ربنا يسترها

[baherhassan30]

يا رااااااجل يا طيب .. ايه الكلام الغريب ده
اي عربية بتشتغل بنظام البصمة لايمكن تشتغل الا لو البصمة قريبة جداااا من العربية
حتى الباب لايمكن يفتح بنظام البصمة الا لو كان المفتاح في جيبك

ملحوظة
المفتاح بيكون جهاز ليس اكثر .. وبيكون فيه مفتاح لفتح الباب والشنطة لو كان ليهم اقفل ..