"هيونداي" التفكير بإيجابية

[DEVILRIDER]

تقرير جميل عن شركة هيونداى و تاريخ نشاتها و موديلاتها و مصانعه و مراكز الابحاث انا عجبنى قولت تشوفوه
‫هيونداي التفكير بإيجابية - Hyundai Positivity‬‎ - YouTube

[mahmoud_afifi]

تقرير هاااااااااااااايل وتسلم ايدك عليه فعلا

الناس الي لسه عايشه في الوهم وبتقولك هيونداي وكوري والناس المعقده دي ياريت تشوف الفيديو. بجد هيبقى صدمه ليهم وان هيونداي اكبر من مستوى تخيلهم.
انا احترمت الشركه دي اكتر واكتر

[Walid_M]

بصراحة حاجة عملاقة جداً !!!

دي السيارات فيها حاجة لا تذكر بالنسبة للي شوفناه !!!

انا بصراحة اتوجعت قوي انهم يبقوا كده في وقت قياسي واحنا موش كده ليه ؟

ربنا يصلح الحال !!!

تحياتي

[Samir Elshahawy]

هيونداي شركة عملاقة , طيب تقولوا أيه علي بناء السفن

Hyundai heavy Industries top the race - YouTube

World Records by Hyundai Heavy Industries - YouTube

و لا تقول لي بقي ياباني و لا أوروبي ..... ههههههههههههههه

[DEVILRIDER]

بصراحة حاجة عملاقة جداً !!!

دي السيارات فيها حاجة لا تذكر بالنسبة للي شوفناه !!!

انا بصراحة اتوجعت قوي انهم يبقوا كده في وقت قياسي واحنا موش كده ليه ؟

ربنا يصلح الحال !!!

تحياتي

و لو حضرتك تشوف عمر الشركة قليل نسبيا و بدئو بعربيات عادية خالص لحد ما وصلوللى وصلولو ا و احنا زى محنا ولا مصنع الحديد و العربيات بسم الله ما شاء الله و مركز الابحاث برده و حتت المدينة العلمية اللى عندنا عملين عليها مشاكل

[ELBOB EL GAMD]

موضوع جامد جدا شكرا ليك

[mem]

اوعدنا يارب

[Batman372]

شكرا لك على الموضوع ...
هيونداى شركه عملاقه بكل معانى الكلمه و هى من اكبر صانعى السفن العملاقه السوبر شيب super ships ...
ايضا فى مجال السيارات هى تتقدم و تتطور سريعا جدا كل يوم ... كذلك شركه كيا ...
تحياتى ...

[SAMEH_FOUAD]

ماشاء الله شركة تعبت لحد ماوصلت للى هية فية دلوقتى , وابحاث مستمرة وجهود مبذولة , يارب نكون فى ربعهم

[Nashaat Rady]

تقرير هاااااااااااااايل وتسلم ايدك عليه فعلا

الناس الي لسه عايشه في الوهم وبتقولك هيونداي وكوري والناس المعقده دي ياريت تشوف الفيديو. بجد هيبقى صدمه ليهم وان هيونداي اكبر من مستوى تخيلهم.
انا احترمت الشركه دي اكتر واكتر

اللي مش عايز يركب كوري، ما يركبشي، لكن مايشنعشي عليه و خلاص و يقول اصله كوري فحيبوظ، اصله كوري فا مش أمان، اصله كوري، لو سبته بره التلاحة حايحمض....

و تلاقيه هو هو نفس الشخص راكب حتة فرنساوي مشي ٣٠ ولا ٤٠ الف كيلو و رايح جاي علي التوكيل عشان معرفشي حساس ضرب ولا فتيس بينتش، و لا موتور بيهيس، و يقولك بس التوكيل ناس فاهمة و محترمين الصراحة... تحس ان بقه في عِشرة ما بينه و بين التوكيل....

و لما تزنق حد ان مثلا و تثبتله الالنترا أفضل سيارة في فئتها مثلا.... و تلاقيه خلاص مش عارف يقول حاجة....

تلاقيه ابتدي يعك و يهزي في الكلام،

و يقولك لأ بس الاوكتافيا تقيلة و الألماني ألماني.... اقتنعت انا كده مثلا.

و واحد تاني يقولك بس الكورولا احسن، تقوله ليه يا عم، يقولك الياباني لا يعلي عليه و سكت علي كده.

ولما تثبتهم ان الانترا بالأرقام و الحسابات و المواصفات افضل منهم....

تلاقي واحد قاعد في الاخر يقولك اصلها تورشن بيم و بتتقلب لو انت ماشي علي ٢٠٠ و اخدت مطب ولا حفرة ....

حد غيري يرد عليه ونبي، ٢٠٠ يا حسين و مش عايزها تتقلب،!!!!!

[Samir Elshahawy]

ماشاء الله شركة تعبت لحد ماوصلت للى هية فية دلوقتى , وابحاث مستمرة وجهود مبذولة , يارب نكون فى ربعهم

هيونداي بدأت بعد شركة النصر للسيارات
شوف هما فيييييييييييين و النصر للسيارات فيييييييييييين

بجد نفسي أشوف عربية مصري أو حتي محرك مصري 100 % قبل ما أموت

[SAMEH_FOUAD]

هيونداي بدأت بعد شركة النصر للسيارات
شوف هما فيييييييييييين و النصر للسيارات فيييييييييييين

بجد نفسي أشوف عربية مصري أو حتي محرك مصري 100 % قبل ما أموت

هو ان شاء الله ولاد ولاد ولاد ولاد ولانا هما اللى هيشوفوا اول سيارة مصرية 100% بس ساعتها هيكون بقية الشركات بتصنع مكوك فضائى او الله اعلم التكنولوجيا رايحة فين

وياباشا احنا لحد دلوقتى مستنين شركة تساعدنا بالنهوض وطبعا هنفضل قاعدين حاطين ايدينا على خدنا مستنين الفرج , او شركة تتصل بينا

ربنا ينتعنا بالسلامة

[Habd]

بغض النظر عن سياسات التوكيل ف مصر الواضح ان زمن الكورى الرخيص الثمن او متوسط الثمن انتهى بداوا بالاعتمادية و جودة التصميم ربما يعملون الان على وسائل التعليق لتكون السيارة متكاملة لا تفرق عن اى ماركة اخرى وكده تكون كوريا عدت و الصين جاية وراها و احنا قاعدين

[Walid_M]

هيونداي بدأت بعد شركة النصر للسيارات
شوف هما فيييييييييييين و النصر للسيارات فيييييييييييين

بجد نفسي أشوف عربية مصري أو حتي محرك مصري 100 % قبل ما أموت

وأنا كمان ..........
احنا موش ناقصنا حاجة ...
بجد عندنا فراودة وعندنا اصرار وعزيمة , بس موش فاهم ربنا موش رايد ليه !!!

ربنا يصلح الحال يا رب , ويفك الغمة ويصلح حالنا وحال الجميع !!!

تحياتي

[aymanshebl]

وأنا كمان ..........
احنا موش ناقصنا حاجة ...
بجد عندنا فراودة وعندنا اصرار وعزيمة , بس موش فاهم ربنا موش رايد ليه !!!

ربنا يصلح الحال يا رب , ويفك الغمة ويصلح حالنا وحال الجميع !!!

تحياتي

و الله احنا ناقصنا حاجات كتير ان ماكنش كل حاجة يعنى الاحترام بين البنى ادمين بينهم و بين بعض و ان يكون ما فيش خيار و فقوس بين الناس و الوظيفة تبقى على اساس الكفاءة مش المحسوبية و التفكير المنظم و الاتقان فى العمل و حط تحت الاتقان فى العمل مليون خط اذا كان فى التوكيل بيحط الزيت فوق المستوى المطلوب و لو سالت طب ماتقيس يقولك اصلها بالسينس و يضيف مياة من جركن مترب فى قربة المياه و ينظف فلتر الهوا او التكييف بالخبط على الارض اه و الله ده غير الفهلوة و كمان حال الناس ان لو فى حد كويس و ممتاز و شاطر شوف كام واحد بيحربه و يوقعه علشان نبقى كلنا زى بعض فى المستوى المتخلف مافيش حد احسن من حد تفتكر ان لو زويل فى مصر و عندنا نفس الامكانيات و كل حاجة علشان الناس ماتقلوش الامكانيات كان هيوصل اكيييد لا فى المانيا لو مافيش كتاب فى مكتبة الجامعة تانى يوم يكون مطلوب من جامعة تانية بالبريد السريع الناس ديه بتقدس العمل و النظام و العلم احنا اللى هنا واخدين الحكاية تهريج و بنترازل على بعض فى الصغائر كام واحد ضيع وقته و اعصابه وتفكيره فى السواقة سواء من اللى ماشى او اللى راكب احنا تفرغنا للشتم و خلاص و بص على برامج التليفزيون ده غير انك لو شوفت الناس بتتناقش مع بعض ازاى و الناس بره بتتناقش ازاى تتحسر هنا كل واحد متمسك برايه و الاقناع يكون للاقوى سواء بقلة الادب او بالضرب و اكيد حضرتك فى الشارع و عارف كل يوم يوميا خناقة فى الشارع الناس بقت من سىء الى اسوء 60 % من الشعب امى و جاهل يعنى لايعرف يقرا او يكتب و الناس اللى نفسها البلد تبقى كويسة نذر قليييييل جدا يعنى الخلاصة علشان ماحبطش حد ان الناس او العجينة اللى ربنا حطها هنا تختلف تماما عن العجينة اللى بره و زى ما حضرتك قلت ربنا مش رايد و لو استمر الحال كده يبقى مصر هتفضل متخلفة الى يوم القيامة. الناس هنا بتاخد الشكل الخارجى او المظهر و مش بتاخد الجوهر يعنى احنا بناخد من الغرب المظهر الخارجى و اللبس و بس مش بناخد التقدم و احترام العلم و العمل حتى دينا بناخد المظهر فقط يعنى انت اختزلت الرسول الكريم عليه افضل صلاة و سلام فى جلابية و سبحة و دقن و فين حياة الرسول و تعاليمه يعنى الشرطة اللى معتصمة علشان اللحية و لو كلمت واحد عن اللحية يقولك سنة نبينا ياخى انت كافر طب الناس و هو استفاده ايه باللحية يعنى بالعقل يشوف شغله و يمنع البلطجة و السرقات خير عند الله من اللحية و فى اولويات الدنيا ماوقفتش او هنروح النار مثلا علشان اللحية و ارفق فيديو لمصطفى محمود من 20 سنة عن المقارنة بين الدول المتخلفة و المتقدمة و هتلاقى فعلا الكلام ينطبق على مصر


[youtube]www.youtube.com/watch?v=dXg-hFHsKbA[/youtube]