إعـــــــلان

Collapse

.

,
See more
See less

اليابانيات, لماذا هن سيئات- الجزء الثانى؟

Collapse
This topic is closed.
X
X
 
  • Filter
  • الوقت
  • Show
Clear All
new posts

  • اليابانيات, لماذا هن سيئات- الجزء الثانى؟

    تحدثنا فى الجزء الأول عن الخطة الأمريكية و كيفية ادخال السيارات اليابانية عنوة و دفع المستهلكين اليها كى تخلق نوعا من المنافسة يحتاجه الاقتصاد الأمريكى, و تحدثنا كيف أن هذه الخطة كانت مزدوجة الأهداف, و كيف هى جزء من خطة أمريكية للقضاء على الصناعة فى الدول النامية تماما,



    أما الأن فسوف نتحدث عن الجزء الفنى و التاريخى و لماذا السيارات اليابانية هى سيارات سيئة و سوف أجلب مثالا صارخا عن كيف تمارس الشركات اليابانية عمليات النصب على عملائها.

    بالنسبة للاخوة الذين كانوا يتحدثون عن التكنولوجيا اليابانية فأنا أسألهم أين هى تلك التكنولوجيا بالله عليكم؟ لا يعرف الكثيرون أن السيارات اليابانية تعتبر سيارات متخلفة تقنيا بالنسبة للسيارات الأوروبية, فمعظمها ان لم يكن كلها لا تحتوى على علب تروس ذكية التى أصبحت تزود بها سيارات صغيرة مثل البونتو و حتى الألبيا المخصصة للأسواق النامية, و الكثير منها لا يزود بأنظمة الحفاظ على الثبات, و السيارات اليابانية التى زودت بمثل هذا النظام لم تتحصل عليه الا حديثا و للعلم هم يجلبونه من ألمانيا.
    و الكثيرون أيضا لا يعرفون أن محركات الديزل اليابانية التى تزود بها سيارة الرحلات الهاى أس و سيارات النقل الخفيف و غيرها هى محركات تصنع مضخاتها فى شركة بوش الألمانية , فمن المعروف أن أصعب أجزاء محرك الديزل هى مضخة الوقود الخاصة به و هذه يأخذها اليابانيون من شركة بوش الألمانية.
    بل ان الشركات اليابانية ليست لها أى ابتكارات تذكر فى عالم السيارات, فمعظم الابتكارات المهمة فى عالم السيارات مسجلة لشركات أوروبية و أمريكية و نذكر منها :
    الدفع الأمامى : سيتروين.
    المحرك بوضعية عرضية : فيات (128)
    خط الانتاج : فورد.
    حزام الامان : فولفو.
    الجسم الأحادى(أفضل فى امتصاص الصدمات) : فولفو.
    التربو ديزل : فيات ( فيات كروما 1986).
    و ليس هناك من انجاز يذكر لليابانيين سوى وضع محرك الفنيكل فى سيارة مازدا , و محرك الفنيكل هو اختراع ألمانى فى الأساس, اليابانيون فقط هم أول من استخدموه.
    و الأن سوف نفصل بعض أجزاء السيارات اليابانية و نبين للاخوة كيف يخدع اليابانيون العالم :

    1- المحركات اليابانية : محركات الأحصنة الكثيرة و العمر القليل.

    يلجأ اليابانيون الى أساليب ملتوية لرفع سرعة سياراتهم عنوة, رغم عن أنف محركاتها الصغير فى الأغلب, و الذى يضطرون اليه لبيعها بأسعار مقنعة, و لكن كيف؟
    نسمع مثلا أن سيارات يابانية محركاتها تتراوح بين ال1300 – 1600 سى سى بينما تترواح قوتها الحصانية بين ال70 و ال120 حصان, و كيف يولد مثلا محرك من فئة ال1600 سى سى قوة حصانية تقدر ب120 حصانا؟؟ و كيف يولد محرك ال1300 سى سى قوة حصانية تصل الى 70 حصانا بينما تقف البيجو 406 ذات ال1600 سى سى عند حدود ال80 حصانا و سيارة مثل التمبرا عند ال90 حصانا و سيارة مثل الفولكس فاجن بولو عند حدود ال55 حصانا بينما محركها يبلغ حجمه 1300 سى سى؟؟ فهل معنى ذلك أن شركات مثل هوندا و ميتسوبيشى و تويوتا استطاعت أن تخترع محركات لم يأتى بها العالم بعد؟؟ بالطبع لا. هناك قاعدة حيانية بسيطة تقول "مفيش حاجة ببلاش". و ذلك يعنى أن أى مكسب ما دائما ما يقابله خسارة أيضا.
    و لكى نعرف كيف يرفع اليابانيون أحصنة سياراتهم, يكفى أن نشرح العلاقة بين القوة الحصانية و العزم , فهما مرتبطين ببعضهم و القوة الحصانية القصوى هى عزم السيارة مضروبا فى سرعة المحرك التى يأخذ عندها العزم الأقصى طبعا مع مراعاة فروق الوحدات المستخدمة, و هو مرتبط بمنحنى العزم, الذى يعلو ليصل الى أقصاه ثم يبدأ بالنزول مرة أخرى, و هى النقطة المناسبة للانتقال الى النسبة الأعلى عن طريق علبة التروس, و معنى ذلك أن هناك طريقتين لرفع القوة الحصانية للمحرك, و هما رفع العزم, و هو مستحيل فنيا الا فى حدود صغيرة لأن العزم مرتبط ارتباطا وثيقا بحجم المحرك , و الطريقة الأخرى هى رفع سرعة المحرك, و بذلك يقل العزم قليلا لكن ترتفع القوى الحصانية فى المقابل ارتفاعا كبيرا, و لكن ذلك يعنى أن المحرك سوف يحتاج دائما الى رفع عدد دوراته و هو ما يعرضه للبلاء سريعا و يقصر من عمره( ناهيك عن انخفاض جودة المواد المستخدمة أصلا) , كما أن تقليل العزم المتأتى من المحرك, سوف ينعكس سلبا على أداء السيارة عند تحميلها, فمثلا لو أجرينا تجربة و جعلنا سيارة لانسر تسابق الشاهين, و فى كل منهما السائق فقط, فلربما تتفوق اللانسر, و لكن أعد التجربة مع تحميل كل واحدة منهما بأربعة أشخاص و بعض الأمتعة , و انظر كيف ستطيع الشاهين تجاوز اللانسر بسهولة.
    و هنا يتضح أن عمر السيارات اليابانية دائما ما يقل عن مثيلاتها الأوروبية و الأمريكية , و يمكننا ادراك ذلك بسهولة عند النظر الى سيارات مثل السوزوكى سويفت و الهوندا سيفيك موديلات التسعينات, و كيف أصبحوا يبدون مثل سيارات يبلغ عمرها ال30 عاما, و انظر كيف يمتد عمر سيارات رائعة مثل ال131 و الفيات 1300 و البيجو 504 الى 30 و 40 سنة بينما تصبح السيارة اليابانية قطعة خردة فى 10 سنوات فقط.
    و هنا نصل الى النقطة الأولى و هى أن رفع القوة الحصانية لمحرك ما ليس انجازا تقنيا و لا "شطارة" فهو لا يحتاج لخبرة تقنية عالية بل يحتاج فقط الى انعدام الضمير و الرغبة فى المكسب و كل شىء سهل بعد ذلك, و لذا لا تلجأ شركات تحترم عملائها مثل بيجو و فولكس و فيات و ألفاروميو و مرسيدس و بى أم فى الى رفع أحصنة سياراتهم على حساب العزم مثلما تفعل الشركات اليابانية التى لا يعنيها شىء سوى المكسب و حجم المبيعات حتى يأتى الاخوة الأعزاء و يتباهون بحجم مبيعات تويوتا الذى قهر مرسيدس و كاديلاك!!

    2- سرعة قصوى و خطر يحدق بنا :
    بعض الصانعين الأوروبيين يلجأون الى خفض قوة محركاتهم و تخفيض نسب علبة التروس لجعلها تتناسب مع حجم السيارة و مستوى ثباتها, فمثلا ليس من المنطقى وضع محرك 1600 سى سى بقوة تقترب من ال120 حصانا فى سيارة من الفئة العائلية الصغيرة مثال : اللانسر مع علبة تروس طويلة النسب تستطيع أن تصل بجسم السيارة الى 180 كلم/ساعة بينما السيارة لا يتعدى وزنها الطن الواحد, لأن ذلك يمثل خطرا على راكبها بالدرجة الأولى, و أى شركة تحترم عملائها لا تفعل ذلك بهم, فاذا السيارة لا تتحمل سرعة أكبر من 160 كلم/ساعة اذا ينبغى تحديد سرعتها بواسطة علبة التروس و قوة المحرك عند ال160 كلم/ساعة, أو على الأقل جعل بلوغ سرعة أعلى من ذلك عملية صعبة, و هو ما يفعله الكثير من الصانعين الأوروبيون و الأمريكيون, بينما يتجاهله اليابانيون تماما, فقط لأن المهم هو المكسب ثم المكسب و يموت الزبون ييجى غيره!
    و ينبغى أن نتذكر قاعدة مهمة , و هى ان السيارة الرياضية لا تقاس بقدرتها على بلوغ سرعة معينة , بل بقدرتها على تحمل هذه السرعة.

    3- عمليات الخداع :
    يتفنن اليابانيون فى خداع السائقين و اعطائهم احساسا كاذبا بالسرعة و النعومة و قوة المحرك و الثبات, فمثلا لاعطاء السائق احساسا كاذبا بالتسارع يكفى وضع عداد سرعة ذو قطر كبير و أرقام متباعدة, مما يجعل السائق يرى العداد أمامه يقفز و يتسارع , و مع تخفيض صوت المحرك بحيث يصبح أكثر نعومة , و بحيث يجعل السائق لا اراديا يهمل الانتقال الى النسبة الأعلى (مما يأتى أيضا على حساب عمر المحرك ) , عكس سيارات الفيات مثلا و الايطالية عموما التى لا تبذل جهدا لمعالجة صوت المحرك , مما يجعل السائق يشعر بخشونة المحرك و ينبهه دائما الى الانتقال الى النسبة الأعلى( و للايطاليين فلسفة خاصة فى ذلك, فسياراتهم معروفة بالنفس الرياضى,و يعتبر صوت المحرك المرتفع فيها هو احدى علامات هذا الطابع الرياضى).
    طبعا لا يخفى علي أحد ثبات السيارات اليابانية السىء جدا فى المنحنيات و على الطرق السريعة, و التى يمكن استنباطها من استخدام نظم تعليق شديدة النعومة (يقلل من الثبات فى المنحنيات) و المبالغة فى استخدام مساعد المقود(الذى يقلل من الثبات على الطرق السريعة و من دقة مقود السيارة و لو أنهم يفعلون ذلك تشبها بالشركات الأمريكية).

    4- مثال على عملية نصب :
    قبل أن أبدأ فى سرد عملية النصب هذه, أود أن أشكر الزميل برو درايف الذى نبهنى اليها, فى معرض دفاعه عن السيارات اليابانية, طبعا بدون قصد منه, و لكن شكرا له على كل حال.
    القصة بدأت فى موضوع "أسوء عشر سيارات فى أمريكا" و حينما احتدم النقاش بيننا أخبرنى الزميل العزيز أن السيارة نيسان سكاى لاين 2008 و التى يبلغ حجم محركها 3.6 لتر و تولد قوة حصانية قدرها 473 حصان(مزودة بشاحن هواء تربو) قادرة على الانطلاق من الثبات الى سرعة ال100 كلم/ساعة فى زمن قدره 3.8 ثانية!!!
    الحقيقة أن الرقم أذهلنى لأنه لا يوجد غير سيارات قلائل فقط هى التى تستطيع تحقيق هذا الوقت, و من المستحيل أن تحقق سيارة يبلغ حجم محركها 3.6 لتر هذا التوقيت, و عموما لم أشعر أن الزميل العزيز قد أحرجنى, أولا و ببساطة لأنى أعرف أن هذا الرقم كاذب, و لأنه رقم تقوله داتسون التى غيروا اسمها الى نيسان حتى ينسى الناس الاسم القديم سىء السمعة, بدأت أبحث عن سيارات أخرى فى نفس قوة نيسان أو أعلى قليلا, و توقعت طبعا أن أجد سيارات تبلغ ال100 كلم فى ثانيتين و أخرى فى ثانية, و أخرى تبدأ فى التحرك بسرعة مائة كيلومتر!! و لكنى الحمدالله وجدت صناعة السيارات مازالت كما هى و كما عهدتها, أرقام و أرقام لا تتغير!

    و لنراجع الموضوع من بدايته :
    طبعا تعرفون أن هناك ثلاثة عوامل تتحكم فى تسارع السيارة :
    1- القوة الحصانية.
    2- الوزن
    3- علبة التروس.
    هذه هى العوامل الأساسية و هناك بعض العوامل الأخرى الصغيرة و لكنها لا تحدث سوى فرقا بسيطا :
    4- الانسيابية ( حقيقة هى لا تبدأ فى التأثير الا بعد ال100-120 كلم/ساعة و يمكن حذفها بسهولة من القائمة).
    5- طريقة الدفع, و أفضل طريقة للدفع هى المحرك الموضوع فى الوسط الذى يرسل قوته الى العجلات الخلفية.
    6- ثبات السيارة عند الانطلاق, كلما كانت السيارة أكثر ثباتا عند الانطلاق كلما زادت امكانية الانطلاق بها بسرعة أكبر دون التعرض لفقدان بعض الوقت نتيجة لدوران الاطارات حول نفيها( التفويت).
    جميل جدا, لنرى الأن كيف أن نيسان تكذب.

    هذا اللينك من نفس الموقع الذى أحضره لى الزميل العزيز و لكن هذه المرة لسيارة فيرارى 550 مارنيللو.
    السيارة قوتها 485 حصان, و محركها يبلغ حجمه 5.5 لتر.
    وزنها 1687.4 kg.
    عدد النسب 6 (يدوية) و سرعتها القصوى 300 كلم/ساعة.
    النيسان سكاى لاين
    قوتها 473 حصان و وزنها 1719.1 kg و المحرك يبلغ حجمه 3.8 لتر.
    عدد النسب 6 ( اوتوماتيك) !! و سرعتها القصوى 310 كلم /ساعة.
    قارن بين الأرقام :
    الفيرارى أقوى من السكاى لاين ب12 حصان.
    الفيرارى أخف من السكاى لاين ب 31.7 كلغ.
    علب التروس بنفس العدد و السكاى لاين علبة تروسها أبطأ من الفيرارى لأنها أوتوماتيك. و النسب متقاربة كما يبدو لنا من تماثل السرعة القصوى.
    الفيرارى انسيابية جدا كما يظهر من شكلها و كما هو معهود.
    الفيرارى توزيع وزنها 50% 50% على المحور الخلفى و الأمامى كما هى جميع سيارات فيرارى و كما يمكن استنباط ذلك من وضعية المحرك فى منتصف السيارة.
    الدفع فى سيارة الفيرارى مثالى جدا و هو محرك موضوع فى منتصف السيارة ينقل العزم الى الاطارات الخلفية.
    اذن بعد هذه الأرقام المفروض و المنطقى أن الفيرارى أسرع من السكاى لاين بثانية على الأقل.
    وجدت أن الفيرارى تبلغ سرعة 100 كم /ساعة فى 4.3 ثانية.
    السكاى لاين تبلغ السرعة نفسها فى 3.8 ثانية.
    كيف؟؟؟؟!!!
    اما أن فيرارى تكذب اما أن نيسان تكذب و لا يوجد حل ثالث اللهم الا اذا كان هناك قوة من العالم السفلى تدفع سكاى لاين و هى تجرى.
    الوقت الحقيقى لسكاى لاين يتراوح بين -5.55.1 ثانية و هو الوقت المنطقى وبذلك تكون خرجت أصلا من السيارات السوبر رياضية لأنها تبدأ من 5 ثوانى و دخلت فى السيارات الرياضية من المستوى الابتدائى (أقل من ست ثوانى(.
    الأن عرفنا لماذا كذبت نيسان؟؟ لتدخل سيارتها فى فئة أعلى مما سيتيح لها رفع السعر قليلا دون اعتراض من المشترين.
    فقط كذبة بيضاء كهذه سوف تتيح لنيسان رفع السعر بضع ألاف أخرى, فلم لا؟؟!


    أعرف أنى سأفتح المنتدى فى اليوم التالى لأجد سيلا من الشتائم و الانتقادات فقط لأننى تجرأت و قلت ما أعرفه بصراحة عن السيارات اليابانية التى لا أعرف ما سر تعصب الزملاء الأعزاء الذين أصبحوا يابانيون أكثر من سكان طوكيو أنفسهم!!
    [COLOR="Red"]مصر [/COLOR][COLOR="White"]فوق [/COLOR][COLOR="Black"]الجميع[/COLOR]
    الصقر سوف يحلق عاليا رغم أنف قانون المرور الجديد.
    [url=http://www.postimage.org/image.php?v=aVfbhTi][img]http://www.postimage.org/aVfbhTi.jpg[/img][/url]

  • #2
    بالنسبة للاخوة الذين كانوا يتحدثون عن التكنولوجيا اليابانية فأنا أسألهم أين هى تلك التكنولوجيا بالله عليكم؟ لا يعرف الكثيرون أن السيارات اليابانية تعتبر سيارات متخلفة تقنيا بالنسبة للسيارات الأوروبية, فمعظمها ان لم يكن كلها لا تحتوى على علب تروس ذكية التى أصبحت تزود بها سيارات صغي
    بالله عيك قولي ما هو اسم علبه التروس الذكيه بالانجليزيه لاني دورت كتييير و ملقتش حاجه

    و الكثير منها لا يزود بأنظمة الحفاظ على الثبات, و السيارات اليابانية التى زودت بمثل هذا النظام لم تتحصل عليه الا حديثا و للعلم هم يجلبونه من ألماني
    للعلم كل او ٩٩.٩٪ من السيارات اليابانيه يوجد بها
    Abs Ebd
    علي لاقل فضلا عن الانظمه الاخري

    فمن المعروف أن أصعب أجزاء محرك الديزل هى مضخة الوقود الخاصة به و هذه يأخذها اليابانيون من شركة بوش الألمانية.
    بل ان الشركات اليابانية ليست لها أى ابتكارات تذكر فى عالم السيارات, فمعظم الابتكارات المهمة فى عالم السيارات مسجلة لشركات أوروبية و أمريكية و نذكر منه

    اذا لا تعلم فآن 40٪ من سيارات مرسيدس من صناعه بوش وحدها

    حتي 50٪ من لكزس من صناعه و ابتكراات دنسو

    الدفع الأمامى : سيتروي
    سبق و وضحت لحضرتك ان كورد هي اول شركه ابتدعت الدفع الامامي :)



    سيارة مثل الفولكس فاجن بولو عند حدود ال55 حصانا بينما محركها يبلغ حجمه 1300 سى سى؟؟
    موديل كام ؟؟


    و هو ما يعرضه للبلاء سريعا و يقصر من عم
    ان كنت تقصد بسريعا بمرور مليون و و كام مئه الف كيلو متر
    فآنت صدقت :)


    ه( ناهيك عن انخفاض جودة المواد المستخدمة أصل
    ارجوك جيب دليل


    بينما تصبح السيارة اليابانية قطعة خردة فى 10 سنوات فقط.
    و انا حفضل في نفس العربيه 40 سنه زي ما حضرتك بتقول !!!

    الله لا يقول
    ليه افضل عايش في العصر الحجري بس عشان اقول سيارتي مش قطعه خرده هههههههههههههه


    اء و يتباهون بحجم مبيعات تويوتا الذى قهر مرسيدس و كاديلا
    هههههههه نقارن بالتسارع و بالسرعه القصوي و بالعمر الافتراضي و بالاعتماديه



    بعض الصانعين الأوروبيين يلجأون الى خفض قوة محركاتهم و تخفيض نسب علبة التروس لجعلها تتناسب مع حجم السيارة و مستوى ثباتها, فمثلا ليس من المنطقى وضع محرك 1600 سى سى بقوة تقترب من ال120 حصانا فى سيارة من الفئة العائلية الصغيرة مثال : اللانسر مع علبة تروس طويلة النسب تستطيع أن تصل بجسم السيارة الى 180 كلم/ساعة بينما السيارة لا يتعدى وزنها الطن الواحد, لأن ذلك يمثل خطرا على راكبها بالدرجة الأولى, و أى شركة تحترم عملائها لا تفعل ذلك بهم, فاذا السيارة لا تتحمل سرعة أكبر من 160 كلم/ساعة اذا ينبغى تحديد سرعتها بواسطة علبة التروس و قوة المحرك عند ال160 كلم/ساعة, أو على الأقل جعل بلوغ سرعة أعلى من ذلك عملية صعبة, و هو ما يفعله الكثير من الصانعين الأوروبيون و الأمريكيون, بينما يتجاهله اليابانيون تماما, فقط لأن المهم هو المكسب ثم المكسب و يموت الزبون ييجى غيره!
    و ينبغى أن نتذكر قاعدة مهمة , و هى ان السيارة الرياضية لا تقاس بقدرتها على بلوغ سرعة معينة , بل بقدرتها على تحمل هذه السرعة


    الجزء دا من المقال اصبح جزئ من الماضي اي سياره اعلي من 2500 سي سي لازم يكون فيها فاصل الكتروني لتحديد السرعه عند 250 كلم و دا قانون علي كل الشركات


    يتفنن اليابانيون فى خداع السائقين و اعطائهم احساسا كاذبا بالسرعة و النعومة و قوة المحرك و الثبات, فمثلا لاعطاء السائق احساسا كاذبا بالتسارع يكفى وضع عداد سرعة ذو قطر كبير و أرقام متباعدة, مما يجعل السائق يرى العداد أمامه يقفز و يتسارع
    بالله عليك عمرك شفت واحد بيقول ان عداد سيارتي بينط اسرع من عداد سيارتك هههههههههههه
    بنقارن بالارقااااااااااااااااااااااااااااااامم

    عكس سيارات الفيات مثلا و الايطالية عموما التى لا تبذل جهدا لمعالجة صوت المحرك , مما يجعل السائق يشعر بخشونة المحرك و ينبهه دائما الى الانتقال الى النسبة الأعلى( و للايطاليين فلسفة خاصة فى ذلك, فسياراتهم معروفة بالنفس الرياضى,و يعتبر صوت المحرك المرتفع فيها هو احدى علامات هذا الطابع الرياضى).
    معلش هو ايه لازمه عداد عدد دورات المحرك ؟؟
    + في كتيب كل سياره مكتوب عدد الدورات المثالي للانتقال


    طبعا لا يخفى علي أحد ثبات السيارات اليابانية السىء جدا فى المنحنيات و على الطرق السريعة, و التى يمكن استنباطها من استخدام نظم تعليق شديدة النعومة (يقلل من الثبات فى المنحنيات) و المبالغة فى استخدام مساعد المقود(الذى يقلل من الثبات على الطرق السريعة و من دقة مقود السيارة و لو أنهم يفعلون ذلك تشبها بالشركات الأمريكية).


    زياره سريعه لقسم نيسان هنا في المنتدي هو و قسم سوبارو
    و انت حتعرف ازاي انظمه التعليق في الياباني ناعمه هههههههههههه

    أشكر الزميل برو درايف الذى نبهنى اليها
    اولا انا كنت نسيت اني اقولك ان سياره نيسان سكاي لاين مزوده بعلبه تروس Dsg انصحك تقرآ عن فوائدها

    و للعلم السياره تم تجربتها في حلبه نورنبرج في المانيا و لم نسمع تعليق واحد من احد السائقين الالمان
    علق علي التسارع
    و زي ما قلت ان غدا لناظره قريب :)

    أعرف أنى سأفتح المنتدى فى اليوم التالى لأجد سيلا من الشتائم و الانتقادات فقط لأننى تجرأت و قلت ما أعرفه بصراحة عن السيارات اليابا
    مفيش حد يقدر يشتم اي حد ممكن الانتقادات في نص الموضوع لكن لشخصك كامل الاحترام
    [CENTER][SIZE=4][URL="http://www.youtube.com/watch?v=AbR3fgcJacE"][B]People of The Lie[/B][/URL][/SIZE]
    [/CENTER]
    [CENTER]<!--EndFragment-->[/CENTER]

    Comment


    • #3
      و الله يا م / فادي ،،

      أنا يمكن من المؤيدين تماما لحضرتك ،،

      بس أنا طبعا مش خبير زي حضرتك و العزيز برو ،،

      و فعلآ بتعجب للناس اللي بتقعد تكلم عن العربيات الياباني بمنتهي الإعجاب و الإنبهار رغم إني فعلآ فعلآ مبشوفش فيها أي حاجة مبهرة و ده من وجهة نظري الشخصية كسائق أو راكب ،،

      كفاية فعلآ خفتها علي الطريق و ضعفها ،، و يعملك عربية متنفخة زي الكورولا علي موتور 1300 Cc ,و يبيعه للشعب المقتنع بإن فاتك الياباني مش هيرجع تاني ب 120 الف جنية ، و العربية دي بتعتل علي المطالع لو محملة و لما تشغل التكييف العربية بتكلبش ،و الموتور مابيستحملش

      دي غير لو اتوبيس عدي جنبها ،، العربية بتطير ،،

      مش عارف الصراحة أنا بشوف الناس بتكلم الكلام ده في المنتدي باستغرب و بحس إنها بيكلموا علي عربيات تانية غير اللي بركبها

      و عن الجودة اللي مش عارف إزاي و الأمانة و الأخلاق الحميدة ،،،،،، مش عارف فين الصراحة

      و انا شخصيا قلت في المنتدي كذا مرة إنه ده من علامات تخلفنا و ذهاب ريادتنا و نفوذنا الثقافي إن إحنا بقينا ماشيين ورا الخليج و شايفين إنه النموذج ،، ،،،،،،،،،،،،،،،،،،،،،،،،،،،،،،،،،،،،،،، للأسف

      أنا اسف يا جماعة ، مش قصدي أي تجريح في حد ،، أنا بس بوضح وجهتي نظري ،،أنا أخواتي شغالين في دبي و هما نفس تفكير أخواتي في المنتدي عايزين لما يرجعوا مصر يشتروا كورولا أو صني و هوندا ،،،،،،،،

      رغم إن طول عمرنا أهالينا ،، اللي عايز فاخر بيجيب مرسيدس ، بي إم ،،،، بيجو

      اللي عايز اقتصادي بيجيب فيات ، فولكس ، ،،،، سيات ، سكودا

      أنا مش عارف ليه واخدين الخليج دلوقتي النموذج ،، لو عايزين نقلد ،، نقلد اللي في ظروفنا البرازيل ، الهند ،، لو إحنا ناس عندنا تطلعات و عايزين نقلد اللي احسن منا ،، نقلد الأوربين ،،، لكن دول نقلدهم ليه !!!!!!!!!!!!

      انا مختلف مع حضرتك بس في النقاط التالية :_
      1- في الجزء الأول ذكرت مؤامرات أمريكية و اهداف و كلام مهم بس ماجبتش و لا دليل عليه ،،

      هل ده مجرد تحليل و لا حقائق ،،

      2- انكرت علي السيارات اليابانية إنها معمرة ،،

      و انا اختلف مع حضرتك في دي ،، هيا عربيات ضعيفة و خفيفة و مفهاش أي شئ مميز في ركوبتها

      بس هيا معمرة ، اه مش زي السيارات الأوربية بس فيها جودة صناعة علي قد فلوسك و دلوقتي فيها جودة أقل من فلوسك سرقة و استغلال للإسم و السمعة اللي عملوها ،،

      3- حضرتك بتتبع نفس الطريقة اللي بيعملها الأخوة المتعصبين للياباني ،،

      هما شايفين إنهم ملائكة مبيغشوش و مبيعملوش حاجة وحشة و كله عندهم تمام و الضمير و الأخلاق و القيم و بيخافوا اوي من ربنا في شغلهم و معايير الجودة عندهم لا تتجزأ ،، كلام ساذج فعلا ،،

      و الحقيقة إن دي شركات ميهماش غير حساب المكسب و الخسارة و لو عرفوا يحطوا ايدهم في جيبك و يسرقوا جنية مش هيترددوا ،،

      السؤال ايه اللي يمنع الشركات الإمريكية و الأوروبية ،، إنها تقلدهم في اساليبهم ؟؟؟

      متقوليش اصل دول ناس محترمين ،، في البيزنس مفيش غير المال بس اللي بيتكلم ،،،

      Comment


      • #4
        أ فادي بغض النظر عن رفضي أو موافقتي على وجهة نظرك,أنا احترم حضرتك لأنك فتحت موضوع جديد وأيضا بتتكلم كلام فية من المنطق العلمي.
        أرجو ان حضرتك تكمل رأيك ويا ريت تدعمة بأحصائيات او نظريات علمية.

        Comment


        • #5
          ،
          هما شايفين إنهم ملائكة مبيغشوش و مبيعملوش حاجة وحشة و كله عندهم تمام و الضمير و الأخلاق و القيم و بيخافوا اوي من ربنا في شغلهم و معايير الجودة عندهم لا تتجزأ ،، كلام ساذج فعلا ،
          استاذ احمد انا لما بتكلم في الياباني بتكلم علي شركات معينه اللي دايما تلاقيني بستند ليها نااادر جددااااا ممكن اتكلم علي تويوتا بالمدح و الاخوه هنا عارفين اتجاهي المعادي ليها اصلا
          حتي اني اصلي اوروبي مش ياباني بس الموضوع انا شايف فيه ان في حجات كتير غلط

          و مفيش شركه في العالم كله مبتغلطش العيب هي الشركات اليي بتغلط و بتتستر علي اخطائها

          و في شركات بتحترم عملائها و بتعمل استدعاء

          و جنرال موتورز طبعا مثال صاااارخ علي المثال الاول
          عموما انا مقتنع انه كلما زادت كثافه الانتاج زادت الاخطاء

          انا اختلف مع حضرتك في دي ،، هيا عربيات ضعيفة و خفيفة و مفهاش أي شئ مميز في ركوبتها
          للاسف حضرتك تعاملت من اقل الفئات من السيارات اليابانيه
          اللي اساسا معموله عشان يكون سعرها رخيص
          لكن في السيارات الرياضيه و الفارهه الكلام بيتغير كليا
          نفنتي كيو ٤٥ مجله اوتوبيلد الالمانيه قالوا لو في سياره في العالم ممكن تتفوق علي آس كلاس حتكون كيو ٤٥
          [CENTER][SIZE=4][URL="http://www.youtube.com/watch?v=AbR3fgcJacE"][B]People of The Lie[/B][/URL][/SIZE]
          [/CENTER]
          [CENTER]<!--EndFragment-->[/CENTER]

          Comment


          • #6
            المشاركة الأصلية كتبت بواسطة pro-drive مشاهدة المشاركة
            ،
            للاسف حضرتك تعاملت من اقل الفئات من السيارات اليابانيه
            اللي اساسا معموله عشان يكون سعرها رخيص
            لكن في السيارات الرياضيه و الفارهه الكلام بيتغير كليا
            نفنتي كيو ٤٥ مجله اوتوبيلد الالمانيه قالوا لو في سياره في العالم ممكن تتفوق علي آس كلاس حتكون كيو ٤٥
            ماشي يا أخ برو مأنا برده مش بقارن كورولا أو لانسر بفيراري ،،

            أنا بقارنهم بجولف أو اوكتافيا ،،

            العربيات اللي نعرفها في مصر يعني ،،

            و دي وجهة نظري الشخصية إنك متقارنش علي مستوي القمة ،، أنتا قارن علي المستوي المتوسط او السيارات العادية ، انك تعمل عربية غالية و فيها كل حاجة ده سهل و التكنولوجيا متاحة للجميع لكن الصعب انك تعمل عربية بسعر معقول و امكانيات معقولة

            بعدين علي فكرة انا مكنش قصدي بالأخوة المتعصبين للياباني حضرتك ،،

            و الله علي ما أقول شهيد ،،

            لإني اشهدلك بالحيادية و الأراء الموزونة المنطقية ،،،

            Comment


            • #7
              و الكثير منها لا يزود بأنظمة الحفاظ على الثبات, و السيارات اليابانية التى زودت بمثل هذا النظام لم تتحصل عليه الا حديثا و للعلم هم يجلبونه من ألمانيا.
              بصراحع مش فاهم.. حضرتك في موضوع" اسوأ عشر سيارات" قلت ان وجود انظمه الثبات الالكتروني في عربيه دليل على ان العربيه مش ثابته... و دلوقتي بتعاير السيارات اليابانيه انها اتأخرت في استعمال الأنظمه دي (مع ان الكلام ده مش صحيح)... فياريت نعرف هيا ميزه و لا عيب.

              الكثيرون أيضا لا يعرفون أن محركات الديزل اليابانية التى تزود بها سيارة الرحلات الهاى أس و سيارات النقل الخفيف و غيرها هى محركات تصنع مضخاتها فى شركة بوش الألمانية , فمن المعروف أن أصعب أجزاء محرك الديزل هى مضخة الوقود الخاصة به و هذه يأخذها اليابانيون من شركة بوش الألمانية.
              ممكن نعرف انظمه حقن الوقود في فيات و بيجو و بقيه السيارات الاوروبيه الغير المانيه صناعتها ايه؟؟

              بل ان الشركات اليابانية ليست لها أى ابتكارات تذكر فى عالم السيارات, فمعظم الابتكارات المهمة فى عالم السيارات مسجلة لشركات أوروبية و أمريكية و نذكر منها :
              الدفع الأمامى : سيتروين.
              المحرك بوضعية عرضية : فيات (128)
              خط الانتاج : فورد.
              حزام الامان : فولفو.
              الجسم الأحادى(أفضل فى امتصاص الصدمات) : فولفو.
              التربو ديزل : فيات ( فيات كروما 1986).
              و ليس هناك من انجاز يذكر لليابانيين سوى وضع محرك الفنيكل فى سيارة مازدا , و محرك الفنيكل هو اختراع ألمانى فى الأساس, اليابانيون فقط هم أول من استخدموه.
              بردو في موضوع "اسوأ عشر سيارات رديت عليك و كتبتلك اكتر من 10 جوائز و اختراعات موجوده في سياراه يابانيه واحده و هيه Lexus و استبعدت منها كل ما له علاقه برأي المستهلكين.. و حطيت الحاجات اللي فيها رأي الخبراء فقط... بس واضح ان حضرتك مخدتش بالك (او مش عايز تاخد بالك).

              1- المحركات اليابانية : محركات الأحصنة الكثيرة و العمر القليل
              ده رأيك الشخصي و محدش وافقك عليه خالص خصوصا انك شايف ان عمر المحرك الياباني 100000 كم... مش عارف اقولك ايه بصراحه.

              يمكننا ادراك ذلك بسهولة عند النظر الى سيارات مثل السوزوكى سويفت و الهوندا سيفيك موديلات التسعينات
              معرفش بصراحه هوندا التسعينات ايه اللي حصلها... اكبر عدد من سيارات هزندا في مصر موجود في بورسعيد.. يا ريت تنزل تاخدلك لفه هناك و شوف العربيات الهوندا موديل التسعينات شكلها عامل ازاي!

              التربو ديزل : فيات ( فيات كروما 1986).
              حاجه اخيره... التربو ديزل موجود من السبعينات... و اول من استخدمه مرسيدس مش فيات... بس متزعلش... الاتنين مش ياباني :)
              Thanks
              Ahmed Hassan
              [I][SIZE=3][SIZE=2]When all you have is a hammer, everything looks like a nail

              [/SIZE][/SIZE][/I][CENTER][SIGPIC][/SIGPIC][/CENTER]

              Comment


              • #8
                كلاكيت تاني مره
                الحقائق والدلائل هنا وليست كلام وخلاص واراء شخصيه تحتمل الصواب والخطأ

                ممكن حضرتك تشوفلي هنا الــ JDPOWER
                تقييمها ايه في :

                Top 5 Compact Cars in Dependability
                1. Honda Civic
                2. Toyota Prius
                3. Toyota Corolla
                4. Pontiac Vibe
                5. Chevrolet Cavalier
                Top 5 Midsize SUVs in Initial Quality
                1. Toyota 4Runner
                2. Toyota Highlander
                3. Mercury Mountaineer
                4. Ford Edge
                5. Buick Rainier
                موجود على الموقع بتاع الجي دي باور www.jdpower.com

                مش عارف اقول ايه راينا ومش مشكله طيب النتائج دي نعمل فيها ايه طيب
                وفين الشركات اللي حضرتك بتقول عليها

                وشوف هنا كده

                نتائج
                Highlights initial quality and feature functionality of new vehicles.

                http://www.jdpower.com/autos/ratings...ty-ratings/1/5

                Brand Performance and Design Ratings

                http://www.jdpower.com/autos/ratings...design-ratings

                Dependability Ratings

                http://www.jdpower.com/autos/ratings...bility-ratings

                Green Efficiency Ratings

                http://www.jdpower.com/autos/ratings...cy-ratings/1/1


                اللكزس مش رحماهم والله فظيعه مش معقوله بجد
                [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                [COLOR="Olive"]قال رسول الله صلى الله عليه وسلم :[/COLOR]
                [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                Comment


                • #9
                  المشاركة الأصلية كتبت بواسطة Ahmed Anwer مشاهدة المشاركة
                  1-
                  3- حضرتك بتتبع نفس الطريقة اللي بيعملها الأخوة المتعصبين للياباني ،،

                  هما شايفين إنهم ملائكة مبيغشوش و مبيعملوش حاجة وحشة و كله عندهم تمام و الضمير و الأخلاق و القيم و بيخافوا اوي من ربنا في شغلهم و معايير الجودة عندهم لا تتجزأ ،، كلام ساذج فعلا ،،
                  ،،،
                  مش تعصب يا باشمهندس و لا سذاجة إنما شهادة حق والناس بتتعرف من المعاشرة..... و مش ملايكة ولا حاجة إنما ثقافة مختلفة....الناس دول طلعوا مظاهرات عشان الحكومة زودت يوم أجازة في السنة!! و الواحد منهم أحسنله يموت و لا يحس بالعار وغيره وغيره
                  السوق المصري فيه العجب والعربيات مظلومة الكورولا ماتنفعش 1300 ولا باسات 1600 ولا ولا.....
                  الكورولا في كندا 1800 وحينزل منها 2008 محرك 2400 . الكورولا باعت أكتر من أي عربية في التاريخ مع إن فيه اللي أرخص منها و السبب الإعتمادية.
                  حكاية إن العربيات الياباني ما بتعمرش دي أكيد نكتة ومش معقول إن بيجو504 (عربية أبويا الله يرحمه) و فيات 131 يفضلوا المثل الأعلي لكل العربيات للأبد .الدنيا بتتغير وبيجو و فيات وكل المصنعين غيروا فلسفة إنتاجهم... مش معقول إن إحنا نقعد نبكي علي الأطلال و خلاص.
                  وللمرة التانية باقول يعني الناس في أمريكا و أوروبا و العالم كله هطل و إحنا بس اللي فاهمين و واعيين
                  [CENTER] [/CENTER]

                  Comment


                  • #10
                    التجار المصريون يستغلون أسم اليابان لرفع سعر السيارة ....... ما ذنب اليابان ؟
                    اليابانيون لو لم يكونوا ممتازين في صناعتهم ما باعوا كل هذا الكم من السيارات سنويا و مازالوا يبيعون و يبدعون

                    و على فكرة أنا عمري ما ركبت سيارة ياباني غير مرة واحدة و لمدة قصيرة و كانت نيسان و كانت عاملة 160 ألف كيلو و العربية عمرها ما عملت عمرة و لا أتفتح فيها الموتور !!!!!!!!!!!!!!!!!!!!!!!!!
                    الناس اللي بتهاجم الياباني بتهاجمه علشان التجار بينفخوا فيه على حساب المنتجات الأخرى
                    و لكن هذا لا يقلل من جودة الياباني و كفى أسمه
                    و الموضوع مش محتاج رغي كتير الياباني من أفضل منتجات العالم ....... سيارات إلكترونيات ....... كل شئ ........... معايير الجودة عندهم مرتفعة جدا
                    و على فكرة الياباني أفضل بكثير من سيارات أوروبي و أمريكي
                    [img2]http://i59.tinypic.com/2vxpukz.jpg[/img2]

                    Comment


                    • #11
                      حكاية إن العربيات الياباني ما بتعمرش دي أكيد نكتة ومش معقول إن بيجو504 (عربية أبويا الله يرحمه) و فيات 131 يفضلوا المثل الأعلي لكل العربيات للأبد .الدنيا بتتغير وبيجو و فيات وكل المصنعين غيروا فلسفة إنتاجهم... مش معقول إن إحنا نقعد نبكي علي الأطلال و خلاص.
                      وللمرة التانية باقول يعني الناس في أمريكا و أوروبا و العالم كله هطل و إحنا بس اللي فاهمين و واعيين
                      والله هو ده اللي احنا قاعدين بنقوله من زمان

                      و الموضوع مش محتاج رغي كتير الياباني من أفضل منتجات العالم ....... سيارات إلكترونيات ....... كل شئ ........... معايير الجودة عندهم مرتفعة جدا
                      و على فكرة الياباني أفضل بكثير من سيارات أوروبي و أمريكي

                      كلام مظبوط
                      اليابان بتنافس كل غالب مجالات الحياه ولها ماركات لها وجودها ومكانتها في العالم كله ليست السيارات
                      يعني لو عملنا احصاء للماركات اليابانيه ممكن الناس تتصدم
                      [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                      [COLOR="Olive"]قال رسول الله صلى الله عليه وسلم :[/COLOR]
                      [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                      Comment


                      • #12
                        "هل ده مجرد تحليل و لا حقائق ،،

                        2- انكرت علي السيارات اليابانية إنها معمرة ،،

                        و انا اختلف مع حضرتك في دي ،، هيا عربيات ضعيفة و خفيفة و مفهاش أي شئ مميز في ركوبتها

                        بس هيا معمرة ، اه مش زي السيارات الأوربية بس فيها جودة صناعة علي قد فلوسك و دلوقتي فيها جودة أقل من فلوسك سرقة و استغلال للإسم و السمعة اللي عملوها ،،

                        3- حضرتك بتتبع نفس الطريقة اللي بيعملها الأخوة المتعصبين للياباني ،،

                        هما شايفين إنهم ملائكة مبيغشوش و مبيعملوش حاجة وحشة و كله عندهم تمام و الضمير و الأخلاق و القيم و بيخافوا اوي من ربنا في شغلهم و معايير الجودة عندهم لا تتجزأ ،، كلام ساذج فعلا ،،

                        و الحقيقة إن دي شركات ميهماش غير حساب المكسب و الخسارة و لو عرفوا يحطوا ايدهم في جيبك و يسرقوا جنية مش هيترددوا ،،

                        السؤال ايه اللي يمنع الشركات الإمريكية و الأوروبية ،، إنها تقلدهم في اساليبهم ؟؟؟

                        متقوليش اصل دول ناس محترمين ،، في البيزنس مفيش غير المال بس اللي بيتكلم ،،،"

                        شكرا على اهتمامك يا صديقى.
                        حديثى عن المؤامرة الأمريكية هى طبعا تحليل و ليست معلومات مؤكدة فأنا لا أعمل فى المخابرات و لكنى أوردت سبب توصلى الى هذا التحليل.
                        أنا لا أدافع عن الأمريكان و الأوروبيون, هم أيضا لا يهمهم سوى المكسب بالطبع, هم أيضا لهم فضائحهم و كوارثهم, و الا فماذا تسمى سيارات مثل فيات 126, فولكس فاجن بوينتر, بيجو 206, مرسيدس الفئة ايه.


                        "ممكن حضرتك تشوفلي هنا الــ JDPOWER
                        تقييمها ايه في :

                        Top 5 Compact Cars in Dependability

                        1. Honda Civic
                        2. Toyota Prius
                        3. Toyota Corolla
                        4. Pontiac Vibe
                        5. Chevrolet Cavalier

                        Top 5 Midsize SUVs in Initial Quality

                        1. Toyota 4Runner
                        2. Toyota Highlander
                        3. Mercury Mountaineer
                        4. Ford Edge
                        5. Buick Rainier

                        موجود على الموقع بتاع الجي دي باور www.jdpower.com

                        مش عارف اقول ايه راينا ومش مشكله طيب النتائج دي نعمل فيها ايه طيب
                        وفين الشركات اللي حضرتك بتقول عليها

                        وشوف هنا كده

                        نتائج
                        Highlights initial quality and feature functionality of new vehicles.



                        Brand Performance and Design Ratings



                        Dependability Ratings



                        Green Efficiency Ratings




                        اللكزس مش رحماهم والله فظيعه مش معقوله بجد"

                        فتحت المواقع و لا أعرف بالضبط ماهية جى دى باور هذا, عموما لا تعتمد كثيرا على الجوائز و أشياء من هذا القبيل و لو تكلمنا عن الجوائز فلعلك تعرف مثلا أن فيات حاصلة على جائزة أفضل سيارة فى أوروبا 9 مرات تليها بيجو 3 مرات و لم تحصل الكثير من السيارات اليابانية على مثل هذه الجائزة, و لم تنلها مرسيدس الا مرة واحدة, فهل معنى ذلك أن فيات أفضل من مرسيدس؟؟ و للعلم الفائز فى هذا الاختبار يتم اختياره من تجمع مجلات أوروبية.

                        "حاجه اخيره... التربو ديزل موجود من السبعينات... و اول من استخدمه مرسيدس مش فيات... بس متزعلش... الاتنين مش ياباني "

                        خطأ أنا متأكد من هذه المعلومة و أن الفيات كروما 1986 هى أول سيارة تربو ديزل, و التربو ديزل هو محرك ديزل يستطيع أن يولد أحصنة قريبة و ربما تفوق الأحصنة التى تولدها محركات البنزين, و يمكنك أن تجلب هذه المعلومة من موقع فيات و ابحث عن الفيات كروما, أنا قرأتها هناك عندما كانت فيات تعلن على جديدتها فيات كروما 2005, و كانت هذه المعلومة فى الواجهة, بالتأكيد ستجدها مازالت هناك لأن فيات تفخر بها.

                        "بصراحع مش فاهم.. حضرتك في موضوع" اسوأ عشر سيارات" قلت ان وجود انظمه الثبات الالكتروني في عربيه دليل على ان العربيه مش ثابته... و دلوقتي بتعاير السيارات اليابانيه انها اتأخرت في استعمال الأنظمه دي (مع ان الكلام ده مش صحيح)... فياريت نعرف هيا ميزه و لا عيب."

                        طبعا هو عيب فى الأساس و الصانعين يلجأون اليه لتغطية عيوب سياراتهم فى الثبات و خاصة سيارات الدفع الأمامى التى تحتاج الى هذا النظام بشكل كبير, و الأن أصبح الصانعين يضطرون الى تزويد سياراتهم به فقط لأن كل الشركات أصبحت تفعل ذلك, و اليابانيون تأخروا جدا فى تزويد مركباتهم بهذا النظام, ليس لأنه عيب, و لكن لصعوبات فنية و اقتصادية. عموما انظر الى أى سيارة يابانية و قل لى ما هو الابتكار الخارق بها, اليابانيون لا يولون الأبحاث أهميتها لأنها مكلفة و كثيرا ما لا تأتى بالنتائج المرغوبة, و كل ما يهمهم هو المكسب ثم المكسب و لا يعنيهم صناعة "الماركة", فمثلا من يركب سيارة مثل ألفاروميو أو مرسيدس أو فيرارى يفخر بالاسم, و لكن قل لى من يفخر بسيارة هوندا أو تويوتا أو داتسون؟؟؟!!!
                        [COLOR="Red"]مصر [/COLOR][COLOR="White"]فوق [/COLOR][COLOR="Black"]الجميع[/COLOR]
                        الصقر سوف يحلق عاليا رغم أنف قانون المرور الجديد.
                        [url=http://www.postimage.org/image.php?v=aVfbhTi][img]http://www.postimage.org/aVfbhTi.jpg[/img][/url]

                        Comment


                        • #13
                          "كلام مظبوط
                          اليابان بتنافس كل غالب مجالات الحياه ولها ماركات لها وجودها ومكانتها في العالم كله ليست السيارات
                          يعني لو عملنا احصاء للماركات اليابانيه ممكن الناس تتصدم"

                          عزيزى ,
                          اليابان ليست دولة كبرى و لعلك تعرف أنها لا تصنع الطائرات مثلا لا المدنية و لا الحربية و طبعا تعرف أن دولة مثل روسيا لديها شركو لتصنيع الطائرات المدنية و شركتين لتصنيع الطائرات الحربية و لعلك تعرف أن طائرة مثل الميج مثلا لا تقل فى شىء عن الأمريكية اف 16.
                          حتى فى مجال الشاحنات فشاحنات مان و معدات كاتربلر الثقيلة هى الأفضل.
                          و فى مجال الفضاء لا وجود لليابان أصلا.
                          حتى فى مجال الالكترونيات اليابان لا تتفوق فيه و يمكنك أن تقارن مثلا :
                          أيهما أفضل مشغل موسيقى من سونى(يابانى) أم مشغل أيبود من أبل(أمريكى)
                          كمبيوتر محمول من توشيبا(يابانى) أم من أى بى أم(أمريكى) أو اتش بى(أمريكى أيضا)!!
                          اليابان هى مجرد امتداد اقتصادى للولايات المتحدة و ليست منافسا لها بأى حال من الأحوال.
                          أما بالنسبة لعلب التروس الذكية فأن حقيقة لا أعرف ترجمتها الحرفية, و لكنى أتكلم عن علب مثل سيلسبيد(فيرارى, ألفاروميو, فيات). و هى موجودة أيضا فى مرسيدس و بى أم فى و لعلك رأيتها, فهى علب تروس بدون القابض الفاصل و لكنها تنافس العتلة اليدوية فى سرعة تبديل النسب.
                          [COLOR="Red"]مصر [/COLOR][COLOR="White"]فوق [/COLOR][COLOR="Black"]الجميع[/COLOR]
                          الصقر سوف يحلق عاليا رغم أنف قانون المرور الجديد.
                          [url=http://www.postimage.org/image.php?v=aVfbhTi][img]http://www.postimage.org/aVfbhTi.jpg[/img][/url]

                          Comment


                          • #14
                            انا واحد صاحبي باباه معاه تويوتا كرسيده مو 1984 و لحد الان ما شاء الله معملهاش عمره و مشيت 300 الف كيلو ياعني اكتر من 30 سنه ده بس بخصوص العمر الي حضرتك بتتكلم عنو تاني حاجه و برضو اكسنت 1300 سي سي مو 99 مشيت 220 الف و دي كوري فمابالك بالياباني

                            Comment


                            • #15
                              ماشي يا أخ برو مأنا برده مش بقارن كورولا أو لانسر بفيراري ،،

                              أنا بقارنهم بجولف أو اوكتافيا ،،

                              العربيات اللي نعرفها في مصر يعني ،،


                              اذاي بيتقارن كرولا الي اغلي واحده 150 الف بجولف اقل شيئ فيها 165 الف
                              و بعدين العربيات الياباني نازله لمصر مخصوص تقريبا مفيهاش حاجه بالنسبه لبره

                              Comment

                              Working...
                              X