مؤامره على السيارات اليابانيه

[Ramy.Gamal]

بسم الله الرحمن الرحيم

هل تعتقدون فعلا انه يوجد مؤامره امريكيه اوروبيه ضد السيارات اليابانيه لكبح جماح السيارات اليابانيه وان الشركات الامريكيه والاوروبيه بعد الازمه الاقتصاديه لا تريد منافسه من اسيا وطبعا اكبر منافس لهم هى السيارات اليابانيه اصل اليابان من الثمانينات وهى بتنتج عربيات بجوده عاليه فجأه فى خلال كام شهر يكتشفوا ان كام مليون عربيه معيوبين من حوالى 5 او 6 ماركات و اشمعنى فى امريكا و اوروبا طيب ما الخليج والشرق الاوسط واستراليا واسيا مليانين عربيات يابانى ومظهرتش العيوب ده الا فى البلاد المنتجه للسيارات و المنافسه لليابان ، ام ان اليابان من فرط استخدام التكنولوجيا والاهتمام بزياده الانتاج كل ذلك جاء على حساب اختبارات الجوده و عوامل الامان كما قال رئيس شركه تويوتا اكيودا ، فهل تعتقدون انه فعلا مخطط من الدول الغربيه ام ان اليابان تدفع الان ثمن اخطاء متراكمه من عشرات السنين

[معتز]

ملعوب امريكانى واضح جدا......وانا عن نفسى مش قادر اشوف غير انه لعبه قذرة لدعم gm وتحجيم اليابانى، ويكونى غطاء لاشياء اخرى........كل السيارات بتعمل استدعاء..كل السيارات فيها ملاحظات.......بس اليابانى جه وقته لهزه......بس مش هيعرفوا يعملوا كده مع التنين الاحمر اللى هيبهدل الكل......احترامى لليابانى والالمانى والاوروبى..والروسى والسيارات كلها.....بس الامريكانى لا بالعند فيهم

[amir]

كفايه كلام الراجل التافه ابو طله تافهه في الجرايد عن الموضوع ده
كلامه لوحده بيأكد تقلان جيوبه شويه
ولا ايه

[Imhotep]

الفرصة دى كانت مستنياها امريكا من فترة طويلة جدا لكسر شوكة شركات السيارات اليابانية و هز ثقة المستهلك الامريكى فى السلعة اليابانية المستوردة التى اكتسبت صورة ذهنية ايجابية فى اذهان المستهلكين بكونها ارخص و اكفأ..... وهم بيستغلوا الفرصة دى افضل استغلال

[Ramy.Gamal]

كفايه كلام الراجل التافه ابو طله تافهه في الجرايد عن الموضوع ده
كلامه لوحده بيأكد تقلان جيوبه شويه
ولا ايه

على فكره انا طول عمرى مبحبش خالد اباظه التافه اللى ماشى بنظريه ابجنى تجدنى ، انما انا لما عملت الموضوع ده كنت بسأل نفسى هى ملايين العربيات اليابانى اللى فى الشرق الاوسط وافريقيا واسيا واستراليا ولا حتى عربيه واحده اصابها اى خلل او دواسه بنزين خرفت ولا لان كل الاسواق ده لا تنتج سيارات منافسه للسيارات اليابانى والموضوع بدأ بالتويوتا بعتبارها اكبر شركه يابانيه و تضم ايضا لكزس وتوالت بالتدريج التنازلى طبعا بعد تويوتا لقينا هوندا و بعدهم نيسان ثم سوزوكى و اخيرا دايهاتسو واذا كانت امريكا شوهت العربيات اليابانى بالشكل ده امال لو عندهم عربيات صينى كانوا يمكن ضربوها بالنار

[amir]

مكنتش عايز اعملو قيمه و اذكر اسماء
كده ممكن يرفع علينا سب و قذف

[factorialx]

أنا لا أؤمن بنظرية المؤامره
تويوتا عملاق صناعة سيارات الإزمه دي سحابة صيف و هتعدي أمريكا و أوروبا ما يقدروش يتبلوا أو يغرقوا صناعة السيارات اليابانية أبدا إلا بمنتجات منافسه

اليابان تاني أكبر مستثمر في أميركا
الحكومة اليانية مش هتسمح لأمريكا بؤامره على شركاتها

[mmffor]

هما عملوا عمل للسيارات اليابانيه بس جه في الجون. انا لو مكان اليابانيين ادبح خروف على باب المصنع بعد كل كام عربيه كده يخرجوا من المصنع و ابخر المصانع بتاعتي و اعلق فرده جزمه بتاعة عيل و حدوة حصان. واللا اجيب شيخ و يقرا قران عليا

[A7MED_PHARMA]

ماعتقدش في نظرية المؤامرة

بس فعلا الموضوع دش طبيعي ..وفيه حاجة غلط
تويوتا شركة ضخمة جدا
والمفروض إنها بتدقق في معايير السيارات بتاعتها علشان سمعتها

بس طبعا
الموضوع ده جه على الطبطاب للسيارات الكورية والأمريكية

[محمد ابراهيم 1]

أنا مش مقتنع بموضوع نظرية المؤامرة

هو إنت ممكن تقول تصيد أخطاء لكن فيه أخطاء وفيه فشل حصل وبالمناسبة ده شىء طبيعى ولازم يمر بيه أى كيان ناجح

[mohameduoser]

توييوتا اعترفت بالعيوب مش موامرة ولا حاجة هما السلامة عندهم مهمة اوى فى امريكا و المشاكل فعلا موجودة

[Ralliart]

العيوب كانت معروفه وكانو ساكتين عنها طالما gm شغاله وبتبيع ،لكن لما وقعت حاولو يقللو المنافسه شوية بس بدون تلفيق لانها عيوب حقيقيه فعلاً ولو كانو بيلفقو كانو لفقو تهم للكوري اللي غرق امريكا لكن ملقوش غير حاجات عبيطه زي قفل الباب بيعلق وكده
هي الصدمه كانت من تويوتا لان محدش كان متوقع كده والحكومه الامريكيه لما صدقت
بس بعيد عن كل ده انا عاجبني جداً تصرف تويوتا مع الازمه ومحملوش حد مسؤوليه واتحملو المسؤوليه كاملة ومقالوش مؤامره ولا مش مؤامره زي ما احنا العرب بنعمل دايماً وندور على شماعه نعلق عليها الاخطاء
وتعاملو مع المشكله بحرفيه شديده وتعهدو بإعادة الثقه واظن انهم هيرجعو تاني وهيعدو من الازمه بسلام بسبب تصرفهم الرائع

[Ahmed Galal]

هوا الموضوع اللى حصل ده اكدلى حاجة ان كل شركات السيارات عمالة تشف و تنقل من بعض بدليل هوجة الاعطال اللى طلعت مرة واحدة عند الكل اما نظرية المؤامرة ديه واسعة شوية و ربنا يرحم الصحافة المصرية من الصحفى المشلول (حامد حماصة)

[hero_hamada]

يا جماعة فعلا الشركة اعترفت بأخطائها
مش موضوع مؤامرة ولا حاجة

[sha2e]

العيوب كانت معروفه وكانو ساكتين عنها طالما gm شغاله وبتبيع ،لكن لما وقعت حاولو يقللو المنافسه شوية بس بدون تلفيق لانها عيوب حقيقيه فعلاً ولو كانو بيلفقو كانو لفقو تهم للكوري اللي غرق امريكا لكن ملقوش غير حاجات عبيطه زي قفل الباب بيعلق وكده
هي الصدمه كانت من تويوتا لان محدش كان متوقع كده والحكومه الامريكيه لما صدقت
بس بعيد عن كل ده انا عاجبني جداً تصرف تويوتا مع الازمه ومحملوش حد مسؤوليه واتحملو المسؤوليه كاملة ومقالوش مؤامره ولا مش مؤامره زي ما احنا العرب بنعمل دايماً وندور على شماعه نعلق عليها الاخطاء
وتعاملو مع المشكله بحرفيه شديده وتعهدو بإعادة الثقه واظن انهم هيرجعو تاني وهيعدو من الازمه بسلام بسبب تصرفهم الرائع

انا متفق مع الرأي ده
اعتقد ان الكوري أجلوه للمره الجايا اولا لانه مفهوش تكنولوجيا معقده زي اليابانى وثانيا علشان ميبقاش الموضوع باين اوي
انا شايف ان كان فيه تقصير فعلا من شركة تويوتا لكن مكنش يستاهل كل اللى حصل ده
الل عاجبني اكتر فى تويوتا انها عدلت فى سياستها التسويقيه وقللت هامش الربح وبالتالى زادت المبيعات بتاعتها فى عز الازمه
وده اللى خلاها تطلع من الازمه بهامش ربح مش بخساره زي ما العالم كله كان متصور
فى رأي قمة الذكاء انك تحول الموقف من خسارة مؤكده الى مكسب
وده الل عملته تويوتا