استفسار عن كورولا 2002 1300 cc

[ramis_sameh]

اخوانى الكرام امتلك كورولا 2002 1300 cc اتوماتيك و ماشيه 135000 كيلو ولسه مشتريها من شهر و عايز اسئل:
1- لو حد عنده الكتالوج الخاص بها وأجيبوه منين.؟؟
2-تنك البنزين سعته حوالى 45 لتر وحساس انها بتاكل بنزين وبتعمل حوالى 11 كيلو فى اللتر هل ده طبيعى؟؟
3- مشكله فى دواسة البنزين ؟ فى حته فاضيه (ميته) اول ما بدوس على الدواسه العربيه مبتسحبش ولما اعديها(الحته الميته فى الدواسه) بتبدى تسحب وبالأخص الصبح عند الدواره ؟
4- لاحظت ان العربيه لازم تسخن (حوالى 4 دقائق) علشان تمشى وإلا تطلع عينى فى المشى؟ هل ده طبيعى؟
5- حطيت زيت موبيل وان(10000) وزيت فتيس موبيل (ATF320) وغيرت فلاتر الزيت(موتور وفتيس) أصلى طبعا وفلتر الهوا حالته جيده جدا ومتنضف بعنايه وغيرت البوجيهات (دنسو واحد شمعه) وكل ده من حوالى 600 كيلو و كمان حطيت زيت للموتور والفتيس تايلندى ليحافظ على الموتور من التأكل وخلافه (مش فاكر اسمه)وده من 200 كيلو تقريبا وبعدها العربيه بقت حاجه تانيه خالصصصصصصصصصصصصصصصصصصصصصصصصصصصصصصصصصص
وبدأت ترجع لحالتها الآولى تانى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
6- مقياس الكوتش بتاعها على كام؟ بتاع الكوتش يقول 30 وبعديها العربيه بدب فى المطبات
ولما اخليها 28 تبقى مقبوله جدا وانا حاطيت نيتروجين؟

أرجو النصح والإرشاد وآسف على الأطاله

عضو جديد بالمنتدى
سامح عزت

[maskeen]

الف مبروك وربنا يباركلك فيها
انا كان معايا اختها بس مانيوال 2003..بعتها من 9 شهور كانت عدادها 238 الف معظمهم سريع وسفر.
الاستهلاك بتاعك عالى حبتين..انا كنت باعمل من 14-16 كيلو ف اللتر حسب الطريق..صعب الاوتوماتيك يزود الاستهلاك من متوسط 15 الى 11 كيلو..جرب تغير البوجيهات وتنضف فلتر البنزين.

العربيه دى الماظه حته جوهره...روح ظبطها واصرف عليها 3-4 الاف جنيه وحافظ عليها وهى تديك 100 الف كيلو كمان بدون اى مشاكل بأذن الله...وربنا يوفقك

[ramis_sameh]

تعيش ياغالى على ردك وأهتمامك وربنا يديك أحسن منها بس المشاكل دى كانت بتقبلك وهل تعرف حد كويس للكشف عليها بالكمبيوتر
مشكورررررررررر