عيب مشترك فى السيارات اليابانيه؟

[Ramy.Gamal]

بسم الله الرحمن الرحيم
لاحظت ان الاطارات فى السيارات اليابانيه تعد اللى حد ما نقطه ضعف فيها واضرب لكم ثلاثه امثال:
الكورولا الكاوتش التويو صوته مزعج وجزء هام من مشكله الثبات فى الكورولا لحساب نعومه العفشه
اللانسر الكاوتش bridgestone turanza er-30 or dunlop صوتهم عالى وجزء من سبب العفشه النشفه فى اللانسر لحساب الثبات
السيريون وجدت ان الكاوتش الدانلوب بتاعها مكتوب عليه temperature B وده غلط لان المناطق الحارة تحتاج temperature A مثل الشرق الاوسط واى منطقه حارة
المناطق البارده تحتاج temperature B مثل اوروبا وده اللى منزلينه فى السيريون عندنا
المناطق شديده البروده temperature c مثل روسيا وكندا
ملحوظه:مفيش اى عربيه بتنزل ولا اى مستورد بيستورد كاوتشات من الخارج بtemperature B وكله ملتزم ب traction A temperature A
مع ان كل الاطارات فى السيارات اليابانيه ذات جوده عاليه فى التحمل والعمر الافتراضى والامان العالى [/SIZE

[tutankhamoun]

متهيألي يا أستاذ رامي إن الموضوع مش كدا

يعني الكورولا ..... 1300 .......... بتستخدمها في المدن أكتر ( استخدام داخلي )
و بالتالي لما تكون العفشة ناعمة و حلوة و مريحة تبقى حاجة حلوة
و في النهاية مفيش عربية في الدنيا 100 % هاتعجب كل الناس
اللي بيعجب حضرتك في المنتج أ .......... بيعجبني في المنتج ب و هكذا

كل واحد له أحتياجاته
و أنا أعتقد ..................... أن الموضوع عادي و مش مشكلة

بس هي النقطة بتاعة السيريون
لو كدا فعلا يبقى غلط ................. المفروض التوكيل ينبه الشركة الأم على الموضوع ده
بلدنا حر ..................... و لازم لها الكاوتش بتاع البلاد الحر


و الموضوع عامل زي الكاوتش المصري
ناس كتيرة بتفضل ماشية به و مفيش مشكلة
و ناس تانية موسوسة بتغيره على طول من غير تجربة
حسب أنت حاسس بأيه و أرتحت لأيه

و تحياتي الحارة

[Ashraf A.Kader]

انا في الصني معايا بريدجستون وعامل 20000 وعمريماشتكيت منه

[MoToRiZeR]

هي بتبقي موجودة فين بالزبط عالكاوتش عشان اشوفها ؟

[Ramy.Gamal]

هي بتبقي موجودة فين بالزبط عالكاوتش عشان اشوفها ؟

هتلاقى traction A temperature A لو غير كده يبقى مش مصمم علشان الطقس بتاعنا والطرق بتاعتنا
بالنسبه لكاوتشات الصنى الحمد لله انها مفهاش مشكله وكويس انهم مخلوش كاوتشاتها مصرى ضمن 40 % تصنيع مصرى

[Ramy.Gamal]

انهارده لسه شايف كاوتش الكورولا الجنوب افريقى فى معرض. المهم لقيته ميشلان المانى

[جندى مجند]

امممم ... الهوندا بتنزل بكاوتش بريدجستون بوتنزا و أنا شايف انه كاوتش ممتاز كثبات و متانة و الى حدٍ ما هدوء بس عيبه ان سعره ناااااار

[Ramy.Gamal]

امممم ... الهوندا بتنزل بكاوتش بريدجستون بوتنزا و أنا شايف انه كاوتش ممتاز كثبات و متانة و الى حدٍ ما هدوء بس عيبه ان سعره ناااااار

ممكن حضرتك تقولى كاوتش السيتى صناعه ايه يعنى يابانى ولا تايلاندى . انا عارف ان السيفيك بتنزل بدانلوب يابانى
واحب اوضح معلومه مش معنى ان عربيه معينه بتنزل بكاوتش بريدجستون مثلا تبقى عربيه حلوة لان البريدجستون ده فيه turanza GR-80 , turanza ER-30 ,turanza my-01 ده غير الpotenza ده غير البريدجستون التايلاندى والاندونيسى والتركى

[Noha.M]

هو انا اعرف ازاى نوع الكاوتش دي؟

[Dr Ahmed]

هو انا اعرف ازاى نوع الكاوتش دي؟

ههههههههههههههههه
بنجيب سكينة ونفتح الكاوتش ونشوف إسم الماركة مكتوب من جوه



















بهزر طبعا

ما هو مكتوب عليه من بره !!!!!

[جندى مجند]

ممكن حضرتك تقولى كاوتش السيتى صناعه ايه يعنى يابانى ولا تايلاندى . انا عارف ان السيفيك بتنزل بدانلوب يابانى
واحب اوضح معلومه مش معنى ان عربيه معينه بتنزل بكاوتش بريدجستون مثلا تبقى عربيه حلوة لان البريدجستون ده فيه turanza GR-80 , turanza ER-30 ,turanza my-01 ده غير الpotenza ده غير البريدجستون التايلاندى والاندونيسى والتركى

صناعة اندونيسى ... على فكرة فرق السعر بين الاندونيسى و اليابانى فى البوتنزا مش كبير ... فى حدود 30 أو 40 جنيه لكن الكاوتش ممتاز فعلاً عن تجربة 45 ألف كيلو حتى الآن (سفر على جرى على مشى فى شوارع اسكندرية المدشدشة ... الخ) و البوتنزا يعتبر performance tyre بس يعيبه فقط انه مزعج شوية و سعر الفردة 660 جنيه الكلام دة كله بالنسبة لسيتى 1500 لكن بالنسبة للـ 1300 معنديش فكرة أوى عن الكاوتش اللى بينزل فيها.

[Ramy.Gamal]

هو انا اعرف ازاى نوع الكاوتش دي؟

استاذه نهى هتلاقى اسم الكاوتش موجود بخط عريض يعنى حضرتك معاكى سيراتو فهيكون اما hankook او kumho وهتلاقى مواصفات الاطار يعنى مثلا 15/65/185 R 86 h
15 =مقاس الجنط ،65 =ارتفاع الكاوتش من الارض وكل ما الرقم يقل يعنى الكاوتش رياضى ومضغوط وطبعا السعر هيزيد ،185 =عرض الكاوتش وكل ما الرقم يزيد العرض يزيد يبقى اثبت على الطريق وطبعا اغلى فى السعر ،R =radial ،
H=رمز سرعه الكاوتش ولو عند حضرتك H يبقى اقصى سرعه يتحملها الاطار 210 كيلو
وهتلاقى كمان traction A temperature A علشان يبقى مناسب للجو بتاعنا

[nobody]

على فكرة يا أستاذ رامي عرض الكاوتش لا يؤثر وحده على ثبات المركبة
هناك عدة عوامل مجتمعة منها
1-شاسيه السيارة
2-نظام التعليق سوست و مساعدين
3-اتجاه زوايا العجل فعند عمل toe out او negative camber بمقدار بسيط تكون السيارة اثبت عند المنحنيات
4-عند عمل toe-in او positive camber بمقدار معين تكون السيارة أثبت في الخطوط المستقيمة
5- مقاس ونوع الكاوتش
ليس معنى ان كاوتش اللانسر 195 وكاوتش الالنترا 185 يبقى اللانسر اثبت من الالنترا
ليس بالضرورة
6- وجود البارات المانعة للتأرجح anti-roll bars

[Ahmed Selim]

على فكرة يا أستاذ رامي عرض الكاوتش لا يؤثر وحده على ثبات المركبة
هناك عدة عوامل مجتمعة منها
1-شاسيه السيارة
2-نظام التعليق سوست و مساعدين
3-اتجاه زوايا العجل فعند عمل toe out او negative camber بمقدار بسيط تكون السيارة اثبت عند المنحنيات
4-عند عمل toe-in او positive camber بمقدار معين تكون السيارة أثبت في الخطوط المستقيمة
5- مقاس ونوع الكاوتش
ليس معنى ان كاوتش اللانسر 195 وكاوتش الالنترا 185 يبقى اللانسر اثبت من الالنترا
ليس بالضرورة
6- وجود البارات المانعة للتأرجح anti-roll bars

Nobody كلامه صحيح 100%

جرب تغير المساعدين بس بمساعدين رياضية ( كونى , بلاشتين أو مونرو ) هتلاقى فرق من 20% الى 40% تحسن فى ثبات العربية
جرب تغير الكاوتش بكاوتش أعرض 2 سم هتلاقى تحسن لا يزيد عن 5%

وعلى فكرة الكاوتش أحد الحاجات اللى بيغروا مقاساتها الى أصغر عشان تقليل تمن العربية ( يعنى اللانسر بتنزل بره أصلاً بموتور 2000 سى سى أول كلام وبالتالى العفشة بتبقى مختلفة تماماً وكذلك الكاوتش والجنوط )

[CosmicOne]

Civic 2007
came with Dunlop Sp300 , very noisy & i feel it's very hard on the road.