ايه افضل سياره في مصر ؟ تيجوا نشوف؟

[farfora20082008]

السلام عليكم
بصوا يا جماعه انا شايف ان الشباب محتار في اختيار العربيه اللي يقتنع بيها
محتار عشان ممكن تكون العربيه كويسه وتوكيلها مش قد كده - ممكن تكون عربيه يعني مش قد كده وتوكيلها مظبطها - محتار عشان تحكمات السوق
المهم انا شايف ان قرار شراء عربيه من اصعب القرارات اللي ممكن نقابلها بالذات لو كان الواحد علي قد حاله والعربيه تمثل له سره الدنانيير اللي حيلته فبيفكر مليون مره ومن كتر ما بيفكر بيحتار وبيسمع كتير ومن كتر ما بيسمع أراء مختلفه بيحتار اكتر - عشان كده انا حبيت اعمل الموضوع ده عشان الشباب هنا يجتمعوا علي شيء واحد يكون فيه مساعده للكل ولي كمان عشان انا مقبل علي شراء عربيه ومحتار

انا عايز اللي يدخل يختار احسن عربيه من وجه نظره ويكتب السبب بس تكون عربيه ثابته - موفره في قطع غيارها - امكانيتها كويسه - توكيلها وضمانها محترم - سعر اعاده البيع لها كويس - الاعتماديه بتاعتها ممتازه " من الاخر عربيه تريج البال" وعشان نرضي الكل احنا هنقسم الاختيارات لشرائح حسب السعر
شريحه (1) اقل من 100000
شريحه (2)من 100 الي 120 الف
شريحه (3)من 120 الي 150 الف
شريحه (4) من 150 الي 200 الف

انا كاتب الموضوع في قسم الياباني عشان معظم المصرين بيحبوا الياباني بس ده مش معناه ان الاختيارات كون محصوره في الياباني - عادي يا جماعه اختاروا اي عربيه حتي لو عربيه فيومي :)

ارجوا من الاعضاء ذكر سبب الاختيار

يالا يا شباب نختار ونجبر السوق المصري يحترم اختاراتنا

[محمد عز]

عربيه ثابته - موفره في قطع غيارها - امكانيتها كويسه - توكيلها وضمانها محترم - سعر اعاده البيع لها كويس - الاعتماديه بتاعتها ممتازه

لايوجد سيارة كاملة، وكل ده لا يمكن تلاقيه فى عربيه واحدة
انا شايف ان العربيات اليابانى الفروق ما بينها طفيفة وصعب المقارنة ما بينهم
والسمه المشتركة فى كل العربيات اليابانى مع اختلاف ماركاتها هى الاعتمادية وراحة البال
فاى كانتت العربيه اليابانى فهى عربية جيدة

[farfora20082008]

شرفتني بردك يا كاسبر باشا -
بس انا قسمت الاختيار حسب السعريعني في عربيات هتفرق عن عربيات
وطبيعي كل عربيه حسب ما تفهمها وتستعملها
بس في عوامل كتير بتأثر علي اختيار العربيه وعشان كده انا عملت الموضوع ده كمساعده للمحتاريين امثالي-

وبالمناسبه يا كاسبر ايه اخبار المازدا بتاعتك - انا كنت حابب قوي اني اشريها بس لاقيت انها ديقه من ورا وتقريبا استقريت علي لانسر الجديده بس اقولك الحق انا عاجبني المازدا قوي لولا عيب الوسع

[farfora20082008]

ايه يا شباب محدش رد يعني غير كاسبر باشا
معقول الموضوع ده مش مهم؟

[gassarian]

In the range of 150000 to 200000 : the Hyundai Sonata bekol fe2at-ha
agmad men ay 3arabeya tanya fe nafs el se3r

[Ramy.Gamal]

اقل من 100 الف هتبقى السيريون والياريس
من 100 الى 120 الالنترا
من 120 الى 150 اللانسر الجديده والسيفيك والمازدا
اعلى من 150 بيجو 307 sw

[hazem_khidr]

اقل من 100 الياريس و مفيش بديل
افضل ما يمكن شراؤه في الفئه دي.
فئه ال 140 الف الهوندا السيفيك

[tutankhamoun]

التقسيمة غربية شوية
أقل من 100 ألف ............. فيه مليون شريحة
فيه شريحة العربيات الصغيرة و الأفضل فيهم
كيا بيكانتو
هيونداي 10
سوزوكي ألتو
ماروتي ................ بالترتيب

شريحة الهاتش باك الاكبر قليلا
السيريون
الجراند البونتو 1.4
الإبيز ا
البونتو1.3
الباليو 1.3
ميتسوبيشي كولت 1.5 .............. من غير ترتيب

و بعدين شريحة العربيات السيدان

السيراتو 1.6
الواجا 1.6
الأكسنت الجديدة 1.6
الفيرنا 1.6
فيات لينيا 1.4
فيات سينا 1.5
لانسر 1.3
ياريس 1.3
قرطبة 1.4
الجين 2 1.6 ( هاتش باك كبير )
النيسان صني 1.6
الهوندا سيتي 1.3 و 1.5
الدايو لانوس 1.5 ....................... من غير ترتيب


بعد كدا ............... يعني تعدي 100 ألف
فيه عربيات كتيرة متستهلش ثمنها في الفئات دي و مبالغ في سعرها جدا جدا
و حتى لو العربية مش مبالغ في سعرها
مصر ما تستهلش عربية غالية ................. متستهلش تسوقها جنب بتوع الميكروباصات و الجمعية و التاكسي اللي ماشيين يخبطوا و يرزعوا في خلق الله
ده غير بتوع الملاكي اللي ما يعلم بيهم غير ربنا

إنما أحسن عربيات في الفئات دي في رأيي
فئة 120 ألف .............. تقريبا كل العربيات في الفئة مبالغ في سعرها
و أحسنهم ............ الهيونداي الإلنترا و أي 30 و النيسان تيدا

من 120 إلى 150
الإمبرازا السوباورا
الهوندا السيفيك
مازدا 3
السيات الليون ( بس غالية شوية )
سيات توليدو
الرينو الميجان ( غالية شوية )
فيات برافو ( غالية قوي )
أوكتافيا


فئة من 150 إلى 200
تتصدرهم الهيونداي السوناتا المصري لما تقدمه من رفاهية و محرك كبير و سعر مناسب
أوكتافيا A5

[sa3dawy]

احسن عربية فى فئة من 80 الى 100 الف هى الياريس
تجمع بين كل الى انت كاتبة
ثابته - موفره في قطع غيارها - امكانيتها كويسه - توكيلها وضمانها محترم - سعر اعاده البيع لها كويس - الاعتماديه بتاعتها ممتازه

[mohamed ibiza]

احسن عربية هاتش باك تحت 100 الف هي بونتو 1300
في الفئة الاكبر شوية جين 2
سيدان تحت 100 الف الياريس


من 100 ل 120 الف

احسن هاتش باك ابيزا و جراند بونتو
الفئة الاكبر شوية في الهاتش i30
احسن سيدان كوردوبا لانسر لينيا

120 ل 150 الف
احسن هاتش باك
ليون امبريزا برافو
احسن سيدان في الفئة السعرية دي
اوكتافيا a4

[farfora20082008]

ارجوا من الاداره التثبيت

ويا ريت يا جماعه اللي يختار يختار سياره واحده او اتنين بالكتير ويذكر سبب اقتناعه بيها عشان اللي بيجي يقرأ بعده يكون عنده مجال للتفكير والتعليق

ونتبادل الاراء

[farfora20082008]

ايه يا جماعه انتوا كسلتوا ولا ايه ؟ طب الموقع وكان واقع وقلنا ماشي اهو الموقع رجع بقالو يوميين
مستني مشاركتكم

[Hosam_Optrawy]

اقل من 100
شيفروليه اوبترا بلا منازع
فيها كل اللى انت كاتبه فى موضوعك
عربيه ثابته - موفره في قطع غيارها - امكانيتها كويسه - توكيلها وضمانها محترم - سعر اعاده البيع لها كويس - الاعتماديه بتاعتها ممتازه " من الاخر عربيه تريج البال"
من 100 الى 120
لانسر بومه
من 120 الى 150
رينو ميجان
من 150 الى 200
فولكس جيتا

[mody_halawa]

اقل من 100 لانسر 1600
من 100 : 120 لانسر رياضية الشكل القديم انتشار فظيع وقطع غيار منتشر
من120 :150 اكيد لانسر الجديدة بحب العربية دى اوى شيك اوى
فوق ال150 اكييييييييييييد الاوكتافيا A5 طبعا معروف لية عربية المانى وانتشار فظيع مع ان سعرها غالى

[2hmed_7osam]

يجماعة محدش يختار كدا من غير سبب مقنع

الموضوع دا عشان يبقا مفيد و الناس تخش وترتاح

لازم كل رد على الاقل يكون فيه افادة عشان ينفع الموضوع يتثبت

يعني انا مثلا هختار عربية واقول مثلا هختار السيتروين وسكت على كدا

يافرحتي طيب مين استفاد من الاضافة اللي انا عملتها

لاكن ايه هيضرني
لو قلت العربية عجباني ف كزا وكزا وكزا وكزا

في كماليات عجباني فيها زي كزا وكزا الخ

لو مثلا في عربية مش عجباني شكلا ومبحبهاش بس العربية كويسة واعتماديتها عالية و الخ

أأقوم أقول دي وحشة ومش حلوة و و و طيب ماقول الحلو فيها وانتقدها برأيي الشخصي من غير ماخلي اللي قدامي يكرهها


انا من رأيي الشخصي شايف ان العربيات اللي تحت ال 100 الف
هيا من اكتر العربيات اللي عليها طلب

ونا ححد كلامي ف الفئة اللي من فوق ال80 الف

وهتكلم عن العربية ف الحاجات اللي هشوفها تبقا كويسة لاحتياجات الشاب

**انا شايف اللانسر 1.6مانيوال عربية جامدة جدا
1 يابانية
2محرك 1.6 يرضي متطلبات اي شاب
3 العربية وسعه من جوا
4 الشنطة واسعه
5 شكلها رياضي وحلوة

العيب الخطير اللي كل الناس اعتقد انها هتبقا معايا فيه ان العربية منتشرة بطريقة خرافية انزل ف اي شارع لازم تلاقي عربية لانسر
ودا عيب لأي شاب
لاني ك شاب احب ان تكون عربيتي مميزة وتلفت الانظار

**الاوبترا 1.6 مانيوال
1 شيفورليه بغض النظر عن مكان تجميعها
2 محرك 1.6 يرضي اي شاب برضو
3 العربية ثباتها حلو
4 شنطتها واسعه
5 مبحبش شكلها خالص احس انها بتفقد الطابع الشبابي
6 وكيلها كويس وعن طريق ناس مجربة بتشكر فيه جدا

**ياريت نفيد بعض يجماعه ومنحيرش بعض زيادة**