حد خد باله من الموضوع ده؟

[TAG_Turbo0]

الواضح ان شركات كتير بدأت تقلد بعضها فى التصميمات
من يومين شفت هوندا اكورد موديا 2007 ماشية فى الشارع ولاحظت الشبة الكبير بين كشفاتها وكشافات المتسوبيشى لانسر 2007





مش عارف ده مجرد تشابه بالصدفة ولا نقل عن قصد

[PRO-DRIVE]

اكورد قبل لانسر :)

[ramyso4]

عادي عندك الهوندا سيفيك الجديدة فيها الأكر المستخبية بتاعة ال ألفا

[ahmedfd]

يا ريت على الشكل بس... على فكرة الموضوع ده شاغلني من فترة و فتحت عليه موضوع..
أنا شايف إنه مرة واحدة تلاقي كل الموديلات المنافسة نزلت بتفصيلات دقيقة لكن كلها زي بعض... بعني خد عندك:
- هوندا سيفيك - تويوتا كورولا - ميتسوبيشي لانسر - هيونداي إلنترا فيهم الآتي في الموديلات الجديدة 2007/2008:
1- 5 مسامير في كل عجلة رغم إن الموديلات السابقة كانت 4 مسامير فقط.
2- الأكر بتفتح زي المرسيدس بالشد للخارج (بس ده كان في الكورولا و الانسر القديم).
3- الفوانيس الخلفية بقت عرضية مش طولية زي الموديلات السابقة.
4- مقاس الكاوتش الـ OEM بقى أقل حاجة 15 بعد ما كان 14 بوصة.
5- المحركات الـ 1600 كلها ضربت مرة واحدة فوق الـ 120 حصان (الكورولا و السيفيك 124 حصان و ليس 140 زي ما التوكيل بيقول) بإستثناء الانسر لأنها 1500.
6- التابلوهات مرة واحدة إتطورت جامد سواء بالألوان الغريبة زي الانسر و الإلنترا أو تكنولوجيا البلازما زي الكورولا أو الشكل الخرافي في السيفيك.

مش عارف أنا بس اللي عندي بارانويا و شايف كدة و لا إنتو معايا.
و شكراً.

[TAG_Turbo0]

يا ريت على الشكل بس... على فكرة الموضوع ده شاغلني من فترة و فتحت عليه موضوع..
أنا شايف إنه مرة واحدة تلاقي كل الموديلات المنافسة نزلت بتفصيلات دقيقة لكن كلها زي بعض... بعني خد عندك:
- هوندا سيفيك - تويوتا كورولا - ميتسوبيشي لانسر - هيونداي إلنترا فيهم الآتي في الموديلات الجديدة 2007/2008:
1- 5 مسامير في كل عجلة رغم إن الموديلات السابقة كانت 4 مسامير فقط.
2- الأكر بتفتح زي المرسيدس بالشد للخارج (بس ده كان في الكورولا و الانسر القديم).
3- الفوانيس الخلفية بقت عرضية مش طولية زي الموديلات السابقة.
4- مقاس الكاوتش الـ OEM بقى أقل حاجة 15 بعد ما كان 14 بوصة.
5- المحركات الـ 1600 كلها ضربت مرة واحدة فوق الـ 120 حصان (الكورولا و السيفيك 124 حصان و ليس 140 زي ما التوكيل بيقول) بإستثناء الانسر لأنها 1500.
6- التابلوهات مرة واحدة إتطورت جامد سواء بالألوان الغريبة زي الانسر و الإلنترا أو تكنولوجيا البلازما زي الكورولا أو الشكل الخرافي في السيفيك.

مش عارف أنا بس اللي عندي بارانويا و شايف كدة و لا إنتو معايا.
و شكراً.

انا معاك فعلا
انا مش عارف موضع التشابه الفظيع ده سببه ايه
زمان كان كل ماركة عربيتها مميزه عن اى ماركه تانية
فى كمان فوانيس السيفك والامبريزا
شيه يعض جدا

[PRO-DRIVE]

الامبريزا اصلا يا تاج تطوير للفانوس القديم بتاعها

مكنش قدامهم سيفيك اصلا

[أبو عبدالله]

الامبريزا اصلا يا تاج تطوير للفانوس القديم بتاعها

مكنش قدامهم سيفيك اصلا

وده بيدل ان موضوع التشابه ده شئ عادي
لأن حط نفسك مكان واحد بيصمم عربيه

اكيد اي تصميم دلوقتي هتلاقي فيه شبه من عربيه موجوده او كانت موجوده قبل ذلك

يا جماعه ابعاد العربيات واحده من 50 سنه

يعني اوجه التشابه بتكتر لأن جسم العربيه فكره واحده والناس كلها بتغير فيها

[Ramy.Gamal]

اكورد قبل لانسر :)

ازاى يعنى اكورد 2007 قبل اللانسر 2002 . وبعدين كل الشركات بتاخد من بعض وده مسموح بيه يعتبر اتفاق غير معلن الا لو عربيه صينى قلدت ماركه يابانى او اوروبى الدنيا تقوم ومتقعدش وانا شايف ان ده بسبب الصين نفسها اللى عملت لنفسها سمعه زفت فى تقليد كل ما هو اصلى وممكن تلاقى الاصلى صينى زى اديدس ونيكى والتقليد صينى برده