سيارات يابانى مش يابانى؟

[Ramy.Gamal]

بسم الله الرحمن الرحيم

هل تتوقعون ان تقوم توكيلات السيارات اليابانيه فى خلال السنتين القادمتين على خطى توكيل تويوتا ويبدئون فى استيراد السيفيك واللانسر والمازدا والامبريزا من مصانع خارج اليابان ونجد السيفيك مثلا هندى واللانسر سنغافورى والامبريزا تايلاندى حتى يقوموا ببيعها بنفس سعرها اليابانى ويستفيدوا بالفرق وبفضلوا يقولوا العولمه والعالم اصبح قريه صغيره واهم شئ هو اسم الشركه وعلامتها التجاريه .ام انهم سيلتزمون بالصناعه اليابانى 100% وسيأكدون على ذلك الموضوع فى مقالاتهم وبالفعل الان يؤكدون فى كل مقالاتهم ان سياراتهم 100 % يابانى ويحاولون استغلال الكورولا الجنوب افريقى فى اضعاف موقف تويوتا التنافسى

[Ahmed Anwer]

كان فيه كلام ان اللانسر الشكل القديمة مش ياباني

و فيه عضو ذكر الكلام ده

يا احمد اللانسر بقالها 10 سنين بتيجى مالهند و معاها شهاده منشأ يابانى
شهاده المنشأ بتيجى من بلد التعاقد اللى فيها الشركه الام

اه متاكد
اليابانى 1500 و 1800 و2800 فقط
ومصنع ميتسوبيشى فالهند ينتج 1300 و 1600 فقط
والشكل الجديد يابانى و لسه متصنعش فالهند
عشان كده 1500 و غالى كتير عن 1600
و هى عمر الميتسوبيشى نزلت 2 لانسر فى سنه واحده!!!!!!!!!!!!!
استنى لمل بتاع الهند يعمل الشكل الجديد
هتلقيه 1600 و ارخص

في الموضوع ده

http://www.nilemotors.net/Nile/showthread.php?t=31183&page=8

www.mitsubishi-motors.co.in


بخصوص الموضوع نفسه ،،

دي سياسة عامة في كل الشركات الكبيرة

توزيع التصنيع ،، لكل الأسواق

ممكن في الشركات الصغيرة زي ديهاتسو و سوبارو بس تكون صعبه

[Chicco]

ده اتجاه عالمي ....طب ما فيه مرسيدس و بي إم مصري و فولكس مكسيكي و برازيلي و فيات صيني ورينو تركي ... إلخ

ملحوظة جانبية : الكورولا اللي أنا راكبها كندي .....انتاج مصنع تويوتا في كندا يعني

[mohamed ibiza]

مش جديد الموضوع ده الشركات كلها بتتجه للتصنيع خارج بلادها و تحديدا في الدول اللي الايدي العاملة فيها رخيصة يعني مثلا بدل ما الجيتا تتقفل و تتجمع في المانيا لا تتجمع و تتقفل في المكسيك و هكذا

[Kamal-1]

طيب ما انت عندك هوندا بتصنع الان في الهند وتايلاند وقريب جدا كل عربياتهل هتتصنع في الهند

[AhmedElsayed]

خلاص ده بقى اتجاه عالمى
كل الصناعات اللى بتلوث او بتحتاج عمالة كتير تترمى فى الدول النامية ويستفيدوا من رخص العمالة
وهما يتفرغوا بس للصناعات التكنولوجية المتطورة

واكيد فى يوم من الايام ان عاجلا او اجلا مش حنلاقى عربية صنعت فى اليابان ولا المانيا ولا فرنسا ولا امريكا

[vet mitcho]

متهيالي بالنسبة للشركات اللي ليها مصانع بره اليابان ممكن قوي ليه لا
السوبارو مالهاش مصانع بره اليابان غير في امريكا على حسب علمي

[TAG_Turbo0]

أساساً مفيش عربية فى العالم دلوأتى مصنوعه كلها فى بلدها أكيد بيكون فى بعض المكونات مستورده من بلاد أخرى

[Ramy.Gamal]

وانتوا شايفين ان ده حاجه حلوه ان كل عربيه تفقد هويتها وجنسيتها الاصليه

[Chicco]

وانتوا شايفين ان ده حاجه حلوه ان كل عربيه تفقد هويتها وجنسيتها الاصليه

بغض النظر يا باشا عن حكاية فقد الهويه ديه ..الموضوع أمر واقع سواء شايفينه حلو أو وحش

بس بصراحة مش مفروض التوكيلات تفضل في استغلالها و جشعها و تبيع العربيات دي بنفس سعر اللي تقفيل بلدها

[mohamed2002]

هي الكريستالة مازالت تنتج حتي الان في الهند؟

[mohmd76]

نعم لا توجد نسبة تصنيع 100 % الا لبعض قليل جدا بورش فيرارى مرسيدس s
والاتجاة العام هو تصنيع او تجميع السيارة فى عدة دول لكن شرط العمالة الجيدة المدربة جدا والرخيصة وتكاليف الانتاج فى هذا البلد ارخص من البلد الاصلى
والسيارة التى تباع فى اوربا او امريكا او الدول التى تحمى مستهلكيها تباع السيارات فيها تحت الفئه A
والبلاد الاخرى C-D-F--او حتى Z
كما هنا فى السوق المصرى اتحدى اى فرد يجزم 100 % ان BMW او مرسيدس التى تباع هنا تجميع محلى هى نفسها تماما كما فى المانيا او اوربا او امريكا بالطبع مكونات لموديلات اقدم مردودة ولم تباع او اخر انتاج لموديل تم بيعه وهذا فائض منها يتم تجميعه فى اى بلد كما هنا فى مصر او المغرب او بلد اخر

[MomoMedo]

يا جماعة شركات العربيات دي من كتر ما تضخمت مبقاش ليها هوية
و اصلا اليابان بتحاول تتخلص من الصناعات ذات هامش الربح القليل بأي شكل كان
زي الصناعات الهندسية كلها مثلا التلاجات
التليفزيونات
الحاجات دي
تقدر دلوأتي تلاقي تليفزيون ياباني؟؟؟
استحالة
العالم دي بتفكر فكر تاني خالص
ايه اللي يخليني اصنع كذا واكسب اد كدة
في حين اني ممكن اصمم بس (مثلا) وابيع التصميم دة بمبالغ رهيبة

_هو كلامي صح ولا غلط_

[tutankhamoun]

طيب هي أيه المشلة أساسا لما أشتري عربية مثلا هوندا تايلندي أو هندي ؟؟؟؟؟
المهم أنها هوندا و تصميم هوندا
دي عقد نفسية و العامل النفسي بس هو اللي بيتحكم فيها

لو عربية ياباني طلع فيها عيب
تلاق يالتعليقات كالتالي

يبقى ده عيب تصنيع طبيعي جدا و اي عربية في الدنيا بتطلع عيوب و عادي يا رجالة و مفيش أي مشكلة و الناس هايحلوها ( حتى لو محلوهاش ) وحتى لو العيب شائع في الموديل كله !!!!!!!!!!!!!!

و لو عربية بقى الناس غضبانة عليها

دي ناس مش بتعرف تعمل حاجة
أحنا مش قولنا ما تشتريهاش ........ دي عربيات كذا و كذا
دي ناس ملهاش في صناعة العربيات

بمعنى أصح العيب في العربية المشهورة ( على قلب الناس زي العسل )
و العيب في العربية اللي مش مشهورة و بتنافس المشهورة الدنيا بتتقلب و تبقى كوارث و مصايب

------------------

أنا مش شايف أي عيب نهائي في تصنيع سيارات في دول نامية مادمت بتلتزم بمعايير الجودة المعقولة
العيب على الوكيل
اللي بيبيع العربية المصنوعة في دولة رخيصة شوية بنفس ثمن العربية و هي جاية من دولة غالية شوية
و ده الفرق بس
إنما فرق في الصناعة .......... دي أوهام في دماغنا أحنا بس
لأن شركات التجميع عندها معايير ماشية عليها و مش بتعمل بمزاجها

[Ramy.Gamal]

انا لما عملت الموضوع ده كان قصدى ان السيارات اليابانى هتفضل تنتج فى اليابان . انما التوكيلات هتسترخص وتستورد العربيات من مصانع بره اليابان وتبعها فى مصر بتمن اليابانى زى ما عمل توكيل تويوتا