مشكلة في تويوتا كرسيدا 1985

[M.Al-Hefnawy]

حمايا معاه كرسيدا 85 هو اول يد جايبها معاه من السعودية ... المهم العربية جابت وش سلندر عشان استعماله للميه العادية في الريدياتير ... جبنا وش استيراد وكويس جداً وركبنا الجوانات وكل حاجة تمام وسلّكنا الريدياتير وحطينا ميه خضرا.

العربية دلوقتي في المشي على السريع الحرارة تعلى لغاية الربع الأخير للمؤشر ومجرد ما يهدي عند مطب تنزل الحرارة تاني للطبيعي بتاعها (الطبيعي بيكون المؤشر قريب جداً من الشرطة السفلية أو عليها).

لو حد عنده فكرة عن السبب يا ريت يقولنا ممكن يكون العيب في ايه؟

[pop_king3]

عندى طنابير اصليه اماميه لموديل 85 01008090209

[M.Al-Hefnawy]

تسلم يا باشا لو احتاجتهم هاكلمك.

[تويوتا افريقي]

من الاخر شوف الميه بتنقص ولا لا اذا مابتنقصش روح عند اي حد من موزعين قطع تويوتا المعتمدين هاتلاقي عنده ازازه سوده امريكي واحد لتر ميه حمراء تويوتا هات لو عربيتك بتاخذ 10 لتر ميه هات 5 ازايز وحط عليهم 5 لتر ميه مقطره وهكذ النص بالنص ونظف الدوره من الميه الخضرا وحط الميه الحمرا الجديده ودي معالج من التجمد والصدا والحراره وابعد عن اي ميه حمرا من موبيل او اسي ديلكو او غيره

[Walid_M]

لو الردياتير تمام !!!

دي كده جوان وش السلندر !!!

تحياتي

[jojooo]

الربع الاخير دة خطر جداً العربية دة مش بتسخن خالص وبتكون عند الخط الابيض او اعلى شوية
وبكدة العربية بلكامل محتاجة تتراجع:-
1- لو مفيش اى نقص للمياة ودة احتمال وارد من الفك والتركيب يكون خرطوم محتاج يتغير او كولية
2- ممكن تكون طرمبة المياة من استعمال المياة العادية والصدا تكون اتكلت ودة احتمال وارد جداً
3-انت بتقول ان العربية بتسخن جامد من الجرى والسرعات والسرعة المنخفضة اقل
ودة معناة ان فى حاجة مخنوقة فى العربية فلتر هواء مكتوم خالص او شكمان مسدود
نصيحة انت محتاج تغير المياة اكتر من مرة بمياة مقترة للغسيل من الاملاح وتحط مياة اصلية زى ما الاعضاء قالو وتراجع دورة الحرق ودة اهم حاجة
وشكراً