سؤال عن ماذدا 323 غريبه الشكل!!

[essamsh]

السلام عليكم و رحمة الله و بركاتة
انا معروض عليا عربية ماذدا 323 مو 94 اوتوماتيك على 40000. صراحة العربيه عجبتنى و اكن عند روية صوره لها وجدت شكلها غريب زى ما حضراتكم شايفين فى الصوره المرفقه . انا اول مره اشوف الشكل ده من ال 323 فهل اشتريها ولا مش هلاقى ليها قطع غيار متوفره بسهوله؟ ارجو منكم الافاده و جزاكم الله خير.

[أبو عبدالله]

لا عادي هيا تقريبا امريكي
ولكن قطع الغيار أظن والله أعلم انك مش هتلاقيها

[Mo3taz Selim]

بص يا سيدى و بناءا عن تجربه شخصيه
أنا كان معايا 626 موديل 89 و هى سياره نادره مش منتشره زى ال 323 و ال 929
بصراحه كانت مجننانى على قطع غيارها ...
كنت بألف علشانها الكره الأرضيه ... و كانت حاجنها غاليه إلى حد ما

بصراحه ما أنصحكش خالص

[Nile Heart]

انت ممكن ب 40000 تجيب كورولا فى نفس العمر تقريبآ

وتبقى أخدت احسن حاجه

[hazem_khidr]

كتير جدا علي عربيه مش حتلاقي ليها قطع غيار النصيحه تشوف حاجه متوافر ليها قطع غيار احسن.
انما لو بتحب المغامره هاتها هيا شكلها حلو اه لكن الشكل مش كل حاجه

[essamsh]

الف الف شكر لكم جميعا و فعلا رايكم صواب و جزاكم اللة خيرا.

[شريف]

انت ممكن ب 40000 تجيب كورولا فى نفس العمر تقريبآ

وتبقى أخدت احسن حاجه

مش اربعين اعتقد مش هتقل عن 50 و لا اية رتى حضرتك

[hazem_khidr]

اقتباس:

انت ممكن ب 40000 تجيب كورولا فى نفس العمر تقريبآ

وتبقى أخدت احسن حاجه



مش اربعين اعتقد مش هتقل عن 50 و لا اية رتى حضرتك

مش حتقل عن 55 كمان الموديل دا ماسك نفسه في السوق جامد جدا غير كده ان سعره بيعادل سعر الموديل 98 (العيون كمان) دا حتي الكورولا 90 بحوالي 45 الف.