اشترى ايه؟؟

[orkedia]

السلام عليكم
ده اول موضوع ليا وكنت عاوزة اخد رأيكم لأنى لقيتكم بتساعدوا كويس ما شاء الله

انا عاوزة اشترى عربية مستعملة اخرى فيها 67 الف اتوماتيك تستحمل طريق طويل بشكل يومى تكييفها كويس اوى الطريق تقريبا ساعتين رايح وساعتين جاى قطع غياراها متوفرة ومش بتفتح صيانة كل شوية

انا ميالة لليابانى وخاصة ال مازدا 3 عجبانى اوى بس عارفة قطع غيارها بيقولوا غالية
الانسر مش لاقية حاجة بالمواصفات دى الا موديلات قديمة اخرها 2001 وفى رأى اشترى الاحدث افضل
او كورى زى الشيفروليه الاوبترا ودى بلاقيها فى الحدود دى على النت 2006 و 2005
اوكيا ريو
بصراحة معرفش حاجة فيهم والكلام الى بيتقالى كتير ومحتاجة اخلص فى حاجة قريب لاحتياجى الشديد ليها
اجيب ايه بناءا على خبرتكم وعلى تجاربكم؟؟؟
ياريت متتأخروش عليا فى الرد

[J A G U A R]

المازدا 3 سعرها اعلى من كده
والريو الشكل ده قطع غيارها مش منتشره زى الجديده

ممكن اوبترا 2006 اوتو
صنى 2005 اوتو

[Batman372]

المازدا ٣ القديمه .. برغم انها عربيه ممتازه ... الا ان اغلب الى موجود فى السوق حالات محتاجه شغل خصوصا فى العفشه و متعبه جدا فى ايجاد اغلب قطع الغيار و غاليه ان وجدت .. صديق لى لسه بايعها مو ٢٠٠٨ عامله ١١٥ الف كم ب ٦٥ الف و كانت محتاجه شغل فى العافشه بحوالى ٥/٦ الاف جم ... و كان دائم الشكوى بخصوص عدم توافر قطع الغيار و غلوها ...

... انسب عربيه لك من المذكورين الاوبترا ٢٠٠٦ بشرط الحاله الجيده ...

تحياتى ...

[shiko85]

السلام عليكم
وعليكم السلام ورحمة الله وبركاته
ده اول موضوع ليا وكنت عاوزة اخد رأيكم لأنى لقيتكم بتساعدوا كويس ما شاء الله

انا عاوزة اشترى عربية مستعملة اخرى فيها 67 الف اتوماتيك تستحمل طريق طويل بشكل يومى تكييفها كويس اوى الطريق تقريبا ساعتين رايح وساعتين جاى قطع غياراها متوفرة ومش بتفتح صيانة كل شوية

انا ميالة لليابانى وخاصة ال مازدا 3 عجبانى اوى بس عارفة قطع غيارها بيقولوا غالية
الانسر مش لاقية حاجة بالمواصفات دى الا موديلات قديمة اخرها 2001 وفى رأى اشترى الاحدث افضل
2001 موديل قديم و اكيد محتاجه صيانه و مصاريف
عموما لو حضرتك عايزه يابانى بغض النظر عن سنة الصنع فـ الصنى ممتازه جدا الشكل بتاع 2001 - 2005
او كورى زى الشيفروليه الاوبترا ودى بلاقيها فى الحدود دى على النت 2006 و 2005
اوكيا ريو
الأوبترا عربيه واسعه و كويسه و قطع الغيار منتشره
الريو اللى اعرفه (مع صديق) مفهاش باور
بصراحة معرفش حاجة فيهم والكلام الى بيتقالى كتير ومحتاجة اخلص فى حاجة قريب لاحتياجى الشديد ليها
الأستعجال فشراء عربيه مستعمله غلط لان سوق المستعمل فيه نصب كتير جدا و حضرتك خلى بالك علشان متخسريش فلوسك
اجيب ايه بناءا على خبرتكم وعلى تجاربكم؟؟؟
حضرتك الأختيار من العربيات المذكوره فقط ؟ ولا ممكن تفكرى فعربيات تانيه ؟؟
i10 موديل 2009 اوتوماتيك - تكييف - موفره فالبنزين - حجم صغير بس مش ضيقه
فيرنا مش محتاجه كلام طبعا 2008 او 2009

ياريت متتأخروش عليا فى الرد

ممكن حضرتك تشترى i10 جديده بــ 88 تقريبا تدفعى المبلغ اللى معاكى مقدم و تقسطى الباقى
اسهل و اسرع و اضمن

[orkedia]

المازدا 3 سعرها اعلى من كده
والريو الشكل ده قطع غيارها مش منتشره زى الجديده

ممكن اوبترا 2006 اوتو
صنى 2005 اوتو

ميرسى اولا على اهتمامك بس المازدا لاقياها بالسعر ده فعلا بس قلقانة من قطع الغيار والريو كويس انك قلتلى بصراحة معرفش عنها حاجة بس عاوزة اعرف فى عيوب فى اوبترا 2006؟؟؟ وانهىافضل نيسان ولا ابترا؟؟

[orkedia]

ممكن حضرتك تشترى i10 جديده بــ 88 تقريبا تدفعى المبلغ اللى معاكى مقدم و تقسطى الباقى
اسهل و اسرع و اضمن

متشكرة جدا على اهتمامك بس اصلا المبلغ الى موجود بدفعه مش حمل قسط و ال i10 شفتها من جوه صغيرة ومحتاجة حاجة عائلية شوية وتستحمل على الاقل 5 سنين من غير ما افكر فيها

[orkedia]

المازدا ٣ القديمه .. برغم انها عربيه ممتازه ... الا ان اغلب الى موجود فى السوق حالات محتاجه شغل خصوصا فى العفشه و متعبه جدا فى ايجاد اغلب قطع الغيار و غاليه ان وجدت .. صديق لى لسه بايعها مو ٢٠٠٨ عامله ١١٥ الف كم ب ٦٥ الف و كانت محتاجه شغل فى العافشه بحوالى ٥/٦ الاف جم ... و كان دائم الشكوى بخصوص عدم توافر قطع الغيار و غلوها ...

... انسب عربيه لك من المذكورين الاوبترا ٢٠٠٦ بشرط الحاله الجيده ...

تحياتى ...

بصراحة انا متشكرة اوووى ليك كلامك بالتفصيل عن موضوع العفشة خلانى اغير رأى خلاص هصرف نظر عنها بس انا سمعت ان الاةبترا 2006 فيها مشاكل هلى ده بجد؟؟

[J A G U A R]

ميرسى اولا على اهتمامك بس المازدا لاقياها بالسعر ده فعلا بس قلقانة من قطع الغيار والريو كويس انك قلتلى بصراحة معرفش عنها حاجة بس عاوزة اعرف فى عيوب فى اوبترا 2006؟؟؟ وانهىافضل نيسان ولا ابترا؟؟

ممكن تلاقى مازدا بالسعر ده بس هاتلاقى الحاله مش كويسه وقطع غيارها غاليه نسبيا ومش منتشره جامد

مفيش عيوب جوهريه فى الاوبترا يعنى مثلا ممكن تلاقى الصاج ضعيف شويه خصوصا من السقف والكبوت وممكن يبقى استهلاك البنزين عالى نسبيا والاهم من ده كله حاله العربيه

وبالنسبه للصنى والاوبترا الاتنين كويسين وفئه واحده بس الحاله اللى تحكم بينهم وبكرر تانى اهم حاجه حاله العربيه

[svneleven]

الأوبترا أحسن الاختيارات. قطع غيارها متوفرة و عربية واسعة و بتجري و تستحمل السفر و لما تنوي بيع هتتباع بسهولة.

[orkedia]

ممكن تلاقى مازدا بالسعر ده بس هاتلاقى الحاله مش كويسه وقطع غيارها غاليه نسبيا ومش منتشره جامد

مفيش عيوب جوهريه فى الاوبترا يعنى مثلا ممكن تلاقى الصاج ضعيف شويه خصوصا من السقف والكبوت وممكن يبقى استهلاك البنزين عالى نسبيا والاهم من ده كله حاله العربيه

وبالنسبه للصنى والاوبترا الاتنين كويسين وفئه واحده بس الحاله اللى تحكم بينهم وبكرر تانى اهم حاجه حاله العربيه

انا بشكر حضرتك جدا وقريت موضوعك عن المستعمل وممتاز بصراحة بس ايه اهم حاجة اشوغها فى العربية غير الخبطات مثلا الموتور يعنى اقيس حالة العربية بايه اكتر حاجة؟

[orkedia]

الأوبترا أحسن الاختيارات. قطع غيارها متوفرة و عربية واسعة و بتجري و تستحمل السفر و لما تنوي بيع هتتباع بسهولة.

انا حاسة بكده برده بس قلقونى منها بالذات موديلات 2005 و 2006 الى لاقيه فيهم سعرى الى اقدر ادفعه وكتير بيقولولى خليكى فى اليابانى افضل !

[J A G U A R]

انا بشكر حضرتك جدا وقريت موضوعك عن المستعمل وممتاز بصراحة بس ايه اهم حاجة اشوغها فى العربية غير الخبطات مثلا الموتور يعنى اقيس حالة العربية بايه اكتر حاجة؟

على ايه حضرتك احنا علشان نساعد بعض

شوفى حضرتك من الافضل توديها توكيل يكشف عليها كمبيوتر وهايطلعلك تقرير على كل حاجه فى العربيه او يكون معاكى سمكرى شاطر وكويس هايشوف فيها القوايم والسقف والشنطه ومن الدواخل هايشوف رشه دواخل ولا لا ولو يعرف يشوف العفشه والكهرباء وهايشوف الحوض والشاسيه والسدر والشنب لو كانو مردودين بارد وحاله الماتور والميكانيكا .. دى اهم حاجات .

تحياتى .

[orkedia]

على ايه حضرتك احنا علشان نساعد بعض

شوفى حضرتك من الافضل توديها توكيل يكشف عليها كمبيوتر وهايطلعلك تقرير على كل حاجه فى العربيه او يكون معاكى سمكرى شاطر وكويس هايشوف فيها القوايم والسقف والشنطه ومن الدواخل هايشوف رشه دواخل ولا لا ولو يعرف يشوف العفشه والكهرباء وهايشوف الحوض والشاسيه والسدر والشنب لو كانو مردودين بارد وحاله الماتور والميكانيكا .. دى اهم حاجات .

تحياتى .

ميرسى جدا جدا

[melosoma]

مقدمكيش غير اوبترا او صنى غير كدة متفكريش

[eshoo]

ممكن تفكري في Gen2