عربيه يابانى 160 الف

[Egy_fan]

السلام عليكم.

عايز اشترى عربيه يابانى فى حدود 160 الف. هل فى حاجه غير هوندا سيتى او تيدا

وراىكم ايه فى الاتنين دول

ولا افكر فى السيراتو او الياريس

للاسف انا غير مقتنع بالشارك.

شكرا

[dreslam]

هوندا سيتي- نيسان تيدا - نيسان سنترا هما اللي في الفئه السعريه اللي حضرتك كاتبها..وحط الشارك في الاعتبار برضه مش عارف طلعتها من حساباتك ليه ؟

[hamo81]

رأيي نيسان تيدا أختيار كويس في الفئة السعرية معرفش حد أشتكى منها

[Egy_fan]

شكرا للرد

الشارك لما سقتها معجبتنيش و حسيت انها تقيله

قولى يا باشا. اخبار التيدا و السنترا ايه فى السحب و التجميع

[monamize4]

سيراتو

[dreslam]

سحب وتجميع التيدا والسنترا كويسين جدا وتجميعهم وسواقتهم هايلين...والباور كهربا بيتقل مع السرعات والعفشه حلوه ارشحهم بقوه

[Egy_fan]

ايه اخبار الفتيس بتاع السينترا فى الكيك داون؟؟؟

[dreslam]

كويس وهي العربيه بتجمع بسرعه اساسا لو تظبط رجلك عالدواسه بتاعت البنزين

[Egy_fan]

سؤال كمان معلش. هى التيدا و السنترا نفس الاداء فى السحب و التجميع و لا التيدا اسرع شويه

و هل فى مشكله فى توافر قطع الغيار فى التوكيل و بره و شكرااا

[dreslam]

التيدا والسنترا تقريبا واحد في كل شيء لكن التيدا تتفوق قليلا بسبب الوزن.بالنسبه لقطع الغيار حتلاقي التيدا بره التوكيل اما السنترا مسالتش واعتقد حتتوفر مع الوقت لان العربيه ظهرت في مصر من ست شهور فقط

[Egy_fan]

شكرا يا باشا و ربنا يباركلك

[Egy_fan]

السلام عليكم. لسه كنت بتكلم مع تويوتا ايجبت و قالى ان الياريس الهاى لاين سعرها 162900. جنوط فوانيس شبوره بصمه بلوتوث نواكل

كده يبقى السؤال. عربيه كبيره بخامات و اداء متوسط ولا صغيره بخامات و اداء مرتفع زى الياريس؟؟؟