نصيحة... اشتري اي واحدة من دول

[ice_mc]

السلام عليكم....
معلش محتاج نصيحتكم في شراء سيارة لان كل يوم السيارات بتغلي و خلاص الواحد مبقاش عارف يجري ورا الاسعار فقررت اخد وقفة و انزل اشتري و اخلص

اولا انا كانت حدودي ٢٢٠ و بعد الي حصل عليت ل ٢٤٠ عشان اواكب الاسعار شوية

كنت مقرر الاول اجيب SUV
فكان الاختيار بين الكاشكاي و ال IX و لما غليت رخرا و نزلت الكريتا بقيت افكر معا الكاشكاي في الهيونداي الكريتا

و بعدين تنازلت و قلت اخليني راكب صالون

فلقيت التويوتا و الاوكتافيا هم الي في حدود فلوسي

ف ايه رايكم في العربيات دي و لو في عربيات تانية انا مسقطها قولولي....

اي الاختيارات احسن بالنسبة لعائلة .... و زي ما بيقولوا value for money يعني قيمتها فيها مش مبالغ في سعرها

#انا حاطط الموضوع هنا علي اساس ان في سيارتين من الاربعة الي محتار فيهم ياباني و انا اساسا معايا لانسر

[miam0502788391]

التويوتا

[Fawzy.Abdelnour]

الاتنين سعرهم ماسك نفسه فالسوق.
انا بفضل الياباني الصراحه.
حاجه واحده افضل فالسكودا,الشنطه واسعه جدا.
لو عايز كماليات خرافه فكر فالمازدا.

[JapRuleZ]

subaru xv و ادعيلى

[ice_mc]

الاتنين سعرهم ماسك نفسه فالسوق.
انا بفضل الياباني الصراحه.
حاجه واحده افضل فالسكودا,الشنطه واسعه جدا.
لو عايز كماليات خرافه فكر فالمازدا.

المازدا كماليات من غير موتور.....هي دي المشكلة

[pepo2011]

التويوتا وبعدين السوبارو

[Fawzy.Abdelnour]

المازدا كماليات من غير موتور.....هي دي المشكلة

ليه يا باشا؟؟
هي 105 حصان, السكودا و التويوتا كام؟؟ مش فرق كبير.
فتيس السكودا طبعا احسن فيتيس فيهم.
بس هي المازدا اللي مش حلو فيها انها ضيقه شويه.

[ice_mc]

بعد فرك كتير انا دلوقتي حصرت الاختيار في 3

الكاشكاي فئة تانية (فيها اوفر ب45 الف = 260 الف)
الكورولا الفئة التانية (فيها اوفر 22 الف = 225 الف)
السبورتاج الفئة الي قبل الهاي لاين (فيها اوفر 3 الاف = 258 الف)

ايه رأيكم؟؟

[pepo2011]

ابعد عن القاشقاي
يبقي الاسبورتاج
وفكر في ix35

[ice_mc]

ابعد عن القاشقاي
يبقي الاسبورتاج
وفكر في ix35

الix اغلي من السبورتاج و كمان شكلها حيتغير السنة الجاية....اما السبورتاج فمش حينزلوا الشكل الجديد قبل 2017 علي حسب كلام اكثر من معرض

يبق لو استبعدت القاشقاي ... يتبقا الكورولا و السبورتاج

[JapRuleZ]

السوبارو xv
و مش هقولها تانى لو SUV .
يا ريت تبحث كويس و تسأل اهل الخبرهبدل ما تندم بعد كده

[kemoelord]

ابعد عن هيونداي ix35 لانها بطة بلدي وسعة المحرك صغيرة بالنسبة للبادي تبع السيارة ( عن تجربة )

[Mohamed_abdo]

سوبارو وابعد عن كل ده

[svneleven]

السوبارو xv
و مش هقولها تانى لو suv .
يا ريت تبحث كويس و تسأل اهل الخبرهبدل ما تندم بعد كده

أنا مش هقولك ال سبورتاج حلوه او وحشة لكن الصورة لا تدل علي شئ لان كل حادثة و ليها ظروفها. أنا كسرت جنط بي ام 320 مو 2011 نصين. و الله نصين. هل ده معناه ان ال بي ام وحشه؟
حاجة كمان ال xv عربية محترمة لكن فيها عيوب زيها زي اي عربية زي مثلا زيت الفتيس اللي بيسخن تروح تركب سربنتينة او تغير ثرموستات و زيت الموتور اللي بينقص و تيل الفرامل اللي بيتغير علي 10 الاف. طبعا ديه اراء الملاك علي الجروب بتاع ال فيس بوك.

[kemoelord]

أنا مش هقولك ال سبورتاج حلوه او وحشة لكن الصورة لا تدل علي شئ لان كل حادثة و ليها ظروفها. أنا كسرت جنط بي ام 320 مو 2011 نصين. و الله نصين. هل ده معناه ان ال بي ام وحشه؟
حاجة كمان ال xv عربية محترمة لكن فيها عيوب زيها زي اي عربية زي مثلا زيت الفتيس اللي بيسخن تروح تركب سربنتينة او تغير ثرموستات و زيت الموتور اللي بينقص و تيل الفرامل اللي بيتغير علي 10 الاف. طبعا ديه اراء الملاك علي الجروب بتاع ال فيس بوك.

حضرتك بتتكلم عن السوبارو ال xv الي لسه نازله فيها كل المشاكل دي والله !!!!!!!!!!!!!!!!

يعني دي حالة فردية ولا عيوب ظهرت مع معظم الملاك ؟ لانها العربية دي انا عجبااااني جدا وببرشحها حتى لمعظم الناس عموما واضح كدا ان مفش عربية عدلة في الزمن الي احنا فيه ده