إعـــــــلان

Collapse

.

,
See more
See less

السيارات اليابانية.. مازالت السيارات التي يعتمد عليها

Collapse
X
 
  • Filter
  • الوقت
  • Show
Clear All
new posts

  • السيارات اليابانية.. مازالت السيارات التي يعتمد عليها


    لا خلاف على ذلك... فالسيارات اليابانية تثبت أنها دائما السيارات التي يعتمد عليها..

    ولكننا الآن نتكلم عن الإحصائيات والدراسات .. ولا مجال هنا للعاطفة والآراء الشخصية..

    مجلة كونسيومر ريبورتس أو "تقارير المستهلكين" الأمريكية المتخصصة في شؤون السلع .. أصدرت تقريرها السنوي عن اعتمادية السيارات المتوقعة قي عام 2015 بناء على المشاكل التي تم التبليغ عنها خلال السنوات السابقة.. ومنها أمكن الخروج بنتيجة تبين أن السيارات اليابانية تتربع على عرش السيارات الخالية من المشاكل..

    في الصورة أدناه.. جدول يبين ترتيب أهم ماركات السيارات في أمريكا من حيث الاعتمادية... وبه بعض المفاجآت المحبطة لمحبي السيارات الأوروبية..



    للمزيد من التفاصيل.. يرجى الدخول على المقال الأصلي..

    Fiat-Chrysler Brands Last In Consumer Reports Auto Reliability Survey


    ...
    [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
    [I]مَثَلٌ صينِيّ[/I][/QUOTE]

    [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
    [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
    [/SIZE][/FONT]
    أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
    [SIGPIC][/SIGPIC]

  • #2
    مشكور على التقرير الجميل ده
    بس معقول التقرير خالى من المتسوبيشى
    ونجاح تويوتا تخصى السيارات الاوروبيه بصفه عامه
    لكن طبعا كلهم شركات محترمه
    ؟؟؟؟؟؟
    [SIZE=3][FONT=microsoft sans serif]سبحان الله وبحمده سبحان الله العظيم
    اللهم أشفى أمى وأشفى مرضى المسلمين[/FONT][/SIZE]

    Comment


    • #3
      الcla جابت مرسيدس الارض في امريكا, ومن الاسباب الرئيسيه لهبوط مرسيدس 11 مركز السنه دي.
      بالنسبه لميتسوبيشي, مبيعاتها ضعيفه جدا هناك.
      [CENTER][FONT=Comic Sans MS][SIZE=5][FONT=Arial] Best Regards[/FONT][/SIZE][/FONT]
      [/CENTER]
      [RIGHT][FONT=Comic Sans MS][SIZE=5][FONT=Courier New]Fawzy Fouad[/FONT][/SIZE][/FONT]
      [/RIGHT]

      mankindforce سابقا

      Comment


      • #4
        المشاركة الأصلية كتبت بواسطة mankindforce مشاهدة المشاركة
        الcla جابت مرسيدس الارض في امريكا, ومن الاسباب الرئيسيه لهبوط مرسيدس 11 مركز السنه دي.
        بالنسبه لميتسوبيشي, مبيعاتها ضعيفه جدا هناك.

        اتفق مع حضرتك إن الـCLA عاملة مشكلة... خصوصا في موضوع الـHandling لإنها اندفاع أمامي (على كبالن).. والناس اللي متعودة تسوق مرسيدس مش متعودة على سلبيات الاندفاع الأمامي.

        ومع ذلك ... فالتقييم العام لمرسيدس ما زال قليل لإن أفضل سياراتهم لسة تقييمها بردو في بداية ما فوق المتوسط (بداية اللون البمبي في الجدول)..

        ده غير الفرق الكبير بين أحسن عربية وأقل عربية... وده في حد ذاته يعتبر مشكلة في الجودة عموما.. لإن أحد مؤشرات الجودة هي الثبات في الأداء... حتى ولو كانت مش ذات مستوى عالي جدا..

        وده ينطبق في الجدول على سيارات فولفو وبويك ... كل سياراتهم في مدى صغير جدا... يعني حضرتك هتشتري العربية من الماركة دي وعارف مدى اعتماديتها بالضبط... مش موديل كويس وموديل وحش.

        في المقابل.. أنا شايف نيسان وإنفنتي من أسوأ السيارات (يمكن بقت سيئة جدا بعد سيطرة الفرنسيين عليها).. لتتنوع الكبير في مستوى الاعتمادية .. اللي هي أصلا سيئة.



        بالنسبة لمتسوبيشي... فأنا بصراحة متوقع إنها تقفل أو تتباع قريب.... لإنهم ما بيعملوش أي عربية سيدان غير اللانسر... والموديل نفسه قدم قوي وبقى أقل من المنافسين بفرق واضح..

        هما كويسين جدا في العربيات الـSUV's والعربيات الصغيرة ... بس متهيألي الوضع هينتهي بيهم إنهم يبقوا زي إيسوزو مثلا.. أو دايهاتسو.


        ...
        [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
        [I]مَثَلٌ صينِيّ[/I][/QUOTE]

        [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
        [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
        [/SIZE][/FONT]
        أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
        [SIGPIC][/SIGPIC]

        Comment


        • #5
          إن فاتك اليابانى مش هيرجع تانى :)
          رغم عشقى للأوروبى وخصوصاً الألمانى ... لكن أفضل أمتلاك اليابانى لآعتماديته
          وده عن تجربة

          وبعتبر ان العربيات اليابانى عربيات عملية و إن العربيات الأوروبى عربيات مزاج
          عملية بمعنى بتقوم بالدور المطلوب منها ... وما بتوقفشى صاحبها كل شوية على مشاكل

          وبمزاج بمعنى انها بتهتم بمزاج وراحة السائق بشكل عام ... وفى نفس الوقت مزاجنجية فى مشاكلها :)
          [CENTER][FONT=Comic Sans MS][COLOR=gray][B][SIZE=6][I]وَمَا رَبُّكَ [COLOR=darkorange]بِظَلَّامٍ لِّلْعَبِيدِ[/COLOR][/I][/SIZE][/B][/COLOR][/FONT][/CENTER]
          [CENTER][COLOR=gray][B][SIZE=4][I]All The Power On Earth [COLOR=darkorange]Can't Change Destiny[/COLOR][/I][/SIZE][/B][/COLOR][/CENTER]
          [CENTER][SIZE=5][B][COLOR=DarkOrange]アフマド[/COLOR] [COLOR=DimGray]アミン[/COLOR][/B][/SIZE]
          [/CENTER]

          Comment


          • #6
            المشاركة الأصلية كتبت بواسطة borio1704 مشاهدة المشاركة
            [SIZE

            في المقابل.. أنا شايف نيسان وإنفنتي من أسوأ السيارات (يمكن بقت سيئة جدا بعد سيطرة الفرنسيين عليها).. لتتنوع الكبير في مستوى الاعتمادية .. اللي هي أصلا سيئة.



            بالنسبة لمتسوبيشي... فأنا بصراحة متوقع إنها تقفل أو تتباع قريب.... لإنهم ما بيعملوش أي عربية سيدان غير اللانسر... والموديل نفسه قدم قوي وبقى أقل من المنافسين بفرق واضح..

            هما كويسين جدا في العربيات الـSUV's والعربيات الصغيرة ... بس متهيألي الوضع هينتهي بيهم إنهم يبقوا زي إيسوزو مثلا.. أو دايهاتسو.
            [/SIZE]

            ...
            اعتقد مشكلة نيسان في مصانعها الكتيره هي localization
            زي مشاكل فرامل موديلات الهند ، وحصل وضع شبيه منذ اعوام
            لتيوتا بكندا.
            المتسوبيشي شركه ابداعيه ، في ww2 صنعوا طاءرات
            وليس ببعيد تصنيع معدات ثقيله واوناش شوكه ومولدات ومحركات ديزل ممتازه
            حتي Caterpillar بجلالة قدرها استعانت بيهم
            دا غير بروتون وكيا وهونداي والصيني اتعلموا منها
            ابداعهم في مكونات السيارات واضح ، مرشات ودينموات وتربو وريليهات
            موجود في سيارات المنافسين.
            لكن ليه حضرتك ذكرت ايسوزو، دول مكتسحين في الشاحنات فءاتهم
            وبردك البيك اب ، دا غير المحركات في الات كتير لهيتاشي والمولدات
            هما بعدوا عن محركات البنزين لكن كل ماهو ديزل موجودين بقوه

            تحياتي
            http://www.nilemotors.net/Nile/455933-a.html
            http://www.nilemotors.net/Nile/455752-2.html
            http://www.nilemotors.net/Nile/454825-a.html

            Comment


            • #7
              المشاركة الأصلية كتبت بواسطة mecha مشاهدة المشاركة
              اعتقد مشكلة نيسان في مصانعها الكتيره هي localization
              زي مشاكل فرامل موديلات الهند ، وحصل وضع شبيه منذ اعوام
              لتيوتا بكندا.
              المتسوبيشي شركه ابداعيه ، في ww2 صنعوا طاءرات
              وليس ببعيد تصنيع معدات ثقيله واوناش شوكه ومولدات ومحركات ديزل ممتازه
              حتي caterpillar بجلالة قدرها استعانت بيهم
              دا غير بروتون وكيا وهونداي والصيني اتعلموا منها
              ابداعهم في مكونات السيارات واضح ، مرشات ودينموات وتربو وريليهات
              موجود في سيارات المنافسين.
              لكن ليه حضرتك ذكرت ايسوزو، دول مكتسحين في الشاحنات فءاتهم
              وبردك البيك اب ، دا غير المحركات في الات كتير لهيتاشي والمولدات
              هما بعدوا عن محركات البنزين لكن كل ماهو ديزل موجودين بقوه

              تحياتي
              السلام عليكم ورحمة الله وبركاته كلام علمى وجميل وانا بحب اليابانى لانة فعلا اعتمادى وبحسد النمور الاسيوية لانهم كلهم بيساعدة بعض بيصنعة كل شىء بيمدة اديهم لبعض زى مثل صينى قديم لاتعطينى سمكة بل اعطنى صنارة الاعتماد على النفس شعوب تستحق الاحترام اما امتنا العربية تعتمد على الخدمات اقتصاد خدمى هش سؤال لمازا لا نصنع حتى نحترم بين الامم

              Comment


              • #8
                المشاركة الأصلية كتبت بواسطة Mecha مشاهدة المشاركة
                اعتقد مشكلة نيسان في مصانعها الكتيره هي localization
                زي مشاكل فرامل موديلات الهند ، وحصل وضع شبيه منذ اعوام
                لتيوتا بكندا.
                المتسوبيشي شركه ابداعيه ، في ww2 صنعوا طاءرات
                وليس ببعيد تصنيع معدات ثقيله واوناش شوكه ومولدات ومحركات ديزل ممتازه
                حتي Caterpillar بجلالة قدرها استعانت بيهم
                دا غير بروتون وكيا وهونداي والصيني اتعلموا منها
                ابداعهم في مكونات السيارات واضح ، مرشات ودينموات وتربو وريليهات
                موجود في سيارات المنافسين.
                لكن ليه حضرتك ذكرت ايسوزو، دول مكتسحين في الشاحنات فءاتهم
                وبردك البيك اب ، دا غير المحركات في الات كتير لهيتاشي والمولدات
                هما بعدوا عن محركات البنزين لكن كل ماهو ديزل موجودين بقوه

                تحياتي

                بصراحة.. أنا شايف مشكلة نيسان فعلا في إدارتها الفرنسية... مع إنهم قوموا الشركة بعد ما كانت واقعة... بس قبل كده كانت مشكلة نيسان إن عربياتهم كان دمها تقيل فعلا... والناس بعدت عنهم للسبب ده

                الفرنساويين أنا اشتغلت معاهم قبل كده... اتخاذ القرار عنهم بطييييييييييييييييييييييييييييييْ... ومتابعتهم للشغل ضعيييييييييييفة.

                والمشكلة إن الأوروبيين عموما بيجازفوا بنزول اختراعات من غير ما يتأكدوا تماما إنها مش هتعمل مشاكل.. ويبدو إن الكلام ده بدأ يظهر في نيسان.



                بالنسبة لميتسوبيشي.. فزي ما حضرتك عارف إن ميتسوبيشي ما هياش مجرد شركة لإنتاج السيارات...

                متسوبيشي عبارة عن شركة قابضة تحتها عدة شركات كبرى متخصصة في كذا مجال..

                أكيد حضرتك سمعت عن متسوبيشي إلكتريك Mitsubishi Electric
                أو ميتسوبيشي هيفي إندستريز Mitsubishi Heavy Industries
                وأشهرهم بالنسبالنا هي ميتسوبيشي موتورز Mitsubishi Motors


                اليابان وكوريا الجنوبية عندهم من الشركات دي كتير... منها على سبيل المثال:

                مجموعة فوجي
                مجموعة سوميتومو
                مجموعة هيونديه
                مجموعة سامسونج
                مجموعة دايوو


                كل مجموعة من دول عندها شركات كبرى في تخصصات كتير.. حتى في العقارات

                أنا كنت بتكلم عموما عن ميتسوبيشي موتورز.. اللي اتوقعلها إنها تتخصص في نوع معين من السيارات زي إيسوزو.. أو تتباع كلها أو حصة منها زي ما حصل مع سوبارو ودايهاتسو.

                ومفيش كلام طبعا عن كون ميتسوبيشي شركة ليها دور في وجود شركات كبرى دلوقتي... ده كفاية إن تكنولوجيا هيونديه كانت معتمدة عليهم لحد وقت قريب.. وما زال الفكر الياباني بتاع ميتسوبيشي هو اللي واضح في هندسة هيونديه عموما.


                دي وصلة لقائمة الشركات الكبرى في اليابان:


                ودي زيها في كوريا الجنوبية



                ...
                [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                [I]مَثَلٌ صينِيّ[/I][/QUOTE]

                [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                [/SIZE][/FONT]
                أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                [SIGPIC][/SIGPIC]

                Comment


                • #9
                  المشاركة الأصلية كتبت بواسطة mohamed desoky مشاهدة المشاركة
                  السلام عليكم ورحمة الله وبركاته كلام علمى وجميل وانا بحب اليابانى لانة فعلا اعتمادى وبحسد النمور الاسيوية لانهم كلهم بيساعدة بعض بيصنعة كل شىء بيمدة اديهم لبعض زى مثل صينى قديم لاتعطينى سمكة بل اعطنى صنارة الاعتماد على النفس شعوب تستحق الاحترام اما امتنا العربية تعتمد على الخدمات اقتصاد خدمى هش سؤال لمازا لا نصنع حتى نحترم بين الامم
                  اليابانيين حضرتك ناس خدوا الطريق الصعب ومشوا فيه، عندهم صبر وداب غير عادي
                  عملوا صناعه ممتازه رغم الارض السيءه وانعدام المواد الخام والتمويل وبعدهم الجغرافي وحداثتهم في المجال.
                  وكلها ظروف تدعو للتقوقع لكن كسروها. مصنعي السيارات هناك لم يستسلموا لحمي
                  المنافسه وحرق بعضهم البعض. علي العكس ،من الستينات اسسوا تعاونيات بينهم
                  لصنع المكونات وتخفيض التكاليف لصناعه ناشءه، والدخول في شراكه مع شركات
                  امريكيه لفتح الاسواق.خارج السيارات ،الاثنين موسسي سوني رفضوا بيع اول راديو
                  جيب ترانزستور في العالم لشركه امريكيه وباعوه بانفسهم في ظروف كساد قاتمه ليابان الخمسينات، ودا غير المكونات الالكترونيه الاخري في صحوة
                  الكترونيات الستينات ، حتي اصبحت سوني هذا العملاق
                  http://www.nilemotors.net/Nile/455933-a.html
                  http://www.nilemotors.net/Nile/455752-2.html
                  http://www.nilemotors.net/Nile/454825-a.html

                  Comment


                  • #10
                    المشاركة الأصلية كتبت بواسطة borio1704 مشاهدة المشاركة

                    اتفق مع حضرتك إن الـcla عاملة مشكلة... خصوصا في موضوع الـhandling لإنها اندفاع أمامي (على كبالن).. والناس اللي متعودة تسوق مرسيدس مش متعودة على سلبيات الاندفاع الأمامي.

                    ومع ذلك ... فالتقييم العام لمرسيدس ما زال قليل لإن أفضل سياراتهم لسة تقييمها بردو في بداية ما فوق المتوسط (بداية اللون البمبي في الجدول)..

                    ده غير الفرق الكبير بين أحسن عربية وأقل عربية... وده في حد ذاته يعتبر مشكلة في الجودة عموما.. لإن أحد مؤشرات الجودة هي الثبات في الأداء... حتى ولو كانت مش ذات مستوى عالي جدا..

                    وده ينطبق في الجدول على سيارات فولفو وبويك ... كل سياراتهم في مدى صغير جدا... يعني حضرتك هتشتري العربية من الماركة دي وعارف مدى اعتماديتها بالضبط... مش موديل كويس وموديل وحش.

                    في المقابل.. أنا شايف نيسان وإنفنتي من أسوأ السيارات (يمكن بقت سيئة جدا بعد سيطرة الفرنسيين عليها).. لتتنوع الكبير في مستوى الاعتمادية .. اللي هي أصلا سيئة.



                    بالنسبة لمتسوبيشي... فأنا بصراحة متوقع إنها تقفل أو تتباع قريب.... لإنهم ما بيعملوش أي عربية سيدان غير اللانسر... والموديل نفسه قدم قوي وبقى أقل من المنافسين بفرق واضح..

                    هما كويسين جدا في العربيات الـsuv's والعربيات الصغيرة ... بس متهيألي الوضع هينتهي بيهم إنهم يبقوا زي إيسوزو مثلا.. أو دايهاتسو.


                    ...
                    ماهو التقييم بينزل علي كل الموديلات, يعني الcla جابته الارض.
                    للو كل موديل له تقييم لوحده هتلاقي مثلا ال glk تقييمها عالي.
                    لكن بدون جدال الياباني اعتماديه اكتر, و عن تجربه.


                    نيسان وإنفنتي شركه واحده, و الفرنساويين دول ابخل ناس, مش هتاخد منهم حاجه عدله.
                    مستوي الشركه زمان كان احسن, و بردو مش قد كده.
                    اللي معليها في امريكا: التيما و ماكسيما و ارمادا و باث فايندر.

                    ميتسوبيشي موتورز عندهم مشكله صغيره, انها عربيه عمليه جدا, و الكماليات فيها قليله.
                    ده بيخلي المشتري يدور علي الهوندا او التويوتا, رغم ان اعتمادية ميتسوبيشي اعلي.
                    و هناك بيدور علي العربيات الكبيره, يعني اللانسر بالنسبالهم ماتنفعش, هيروح يشوف الجالانت و يقارنها بالماكسيما و الكامري و الاكورد و المازدا 6.
                    تقفل دي صعب قوي, ميتسوبيشي مجموعة شركات ضخمه و قطاع السيارات انتاجه قليل لكن بيحقق ارباح كويسه.




                    [CENTER][FONT=Comic Sans MS][SIZE=5][FONT=Arial] Best Regards[/FONT][/SIZE][/FONT]
                    [/CENTER]
                    [RIGHT][FONT=Comic Sans MS][SIZE=5][FONT=Courier New]Fawzy Fouad[/FONT][/SIZE][/FONT]
                    [/RIGHT]

                    mankindforce سابقا

                    Comment


                    • #11
                      عندى سؤال صغير ..... يعنى ايه اعتمادية ؟؟!!!

                      ايه الى يخلى عربية ... او قطع غيار اعتمادية عن غيرها ؟؟؟

                      البساطة فى التصميم مثلا ؟؟؟؟ و لا محاولة الالتزام بمواصفات استاندر فى السوق ؟؟؟
                      و لا نوعية الخامات المستخدمة ؟؟؟

                      لما ربنا يكرمنا و نبدأ نصمم معدة او قطعة غيار .... ازاى اخليها اعتمادية ؟؟؟ عمرها طويل ... و كمان متعطلش و تبوظ مرة واحدة ؟؟

                      Comment


                      • #12
                        المشاركة الأصلية كتبت بواسطة ahmed_eng2001 مشاهدة المشاركة
                        عندى سؤال صغير ..... يعنى ايه اعتمادية

                        ايه الى يخلى عربية ... او قطع غيار اعتمادية عن غيرها ؟؟؟

                        البساطة فى التصميم مثلا ؟؟؟؟ و لا محاولة الالتزام بمواصفات استاندر فى السوق ؟؟؟
                        و لا نوعية الخامات المستخدمة ؟؟؟

                        لما ربنا يكرمنا و نبدأ نصمم معدة او قطعة غيار .... ازاى اخليها اعتمادية ؟؟؟ عمرها طويل ... و كمان متعطلش و تبوظ مرة واحدة ؟؟


                        الاعتمادية ليها تعريفين.. واحد تسويقي والتاني فني...

                        التعريف التسويقي هو باختصار.. ثقة المستخدم في السلعة اللي بيستخدمها وإنه يقدر يعتمد عليها لما يحتاجها... بمعنى إنها هتأدي الغرض بالأساسي منها بدون ما "تقل" معاه.

                        التعريف الفني بيترجم الكلام ده إلى ما يسمى "متوسط الوقت بين الأعطال" أو Mean Time Between Failures والمعروفة اختصارا ب(MTBF)



                        إزاي بقى تخلي منتج يكون له اعتمادية عالية.... فده في حد ذاته موضوع كبير.. ما زالت الدول الصناعية الكبرى في العالم بتحاول تقلد اليابانيين ومش عارفين يبقوا زيهم..

                        بس من وجهة نظري.. سر اعتمادية اليابانيين هو اللي بنقول عليه في مصر "السهل الممتنع"

                        لو أخدت بالك ... اليابانيين ممكن يكونوا متأخرين نسبيا في نزول بعض التكنولوجيا الجديدة في سياراتهم... وأنا بصراحة شايف ده ذكاء منهم.. ﻹنهم مش بينزلوا إلا التكنولوجيا اللي أثبتت أقل قدر من المشاكل.. يعني غالبا بيكون فيه حد تاني جرب المشاكل كلها عنده وهما بياخدوا الكويس بس.

                        حاجة تانية... لاحظ كده إن في أي مكنة عموما.. كل ما كانت أبسط كل ما كانت مشاكلها أقل.. ودي سمة حياة اليابانيين عموما.. وبالتالي هتلاقي عربياتهم في معظمها الميكانيكا بتاعتها أسهل من تعقيد الأوروبيين والألمان خصوصا.

                        الدقة والالتزام المعروفين بيها اليابانيين بتخلي منتجاتهم دايما جوه حدود المواصفات اللي حاطينها.. وده مش بسبب مراقبة أو فرض الالتزام.. إنما دي ثقافة شعب اللي بتخليهم يعملوا المطلوب منهم على أحسن وجه بدون رقابة عليهم... ومش كده وبس.. دول بيحاولوا يحسنوا عليها كمان

                        مش عارف إذا كان عندك فكرة عن أسلوب "كايزن" الياباني للتحسين المستمر.. واللي كل العالم دلوقتي بيحاول يقلده.. وعايزك بردو تعمل سيرش صغنن على النت على جملة "Toyota Production System".. واللي يعتبر مثال ﻷسلوب إدارة الأعمال بيحاول العالم كله يقلده ومش عارفين يطبقوه بحذافيره خارج اليابان. . وأقرب حاجة عالمية قريبة منه حاليا اسمها "التصنيع الرشيق" أو Lean Manufacturing

                        باختصار. .. الجودة اليابانية ثقافة شعب.. وعلشان توصلهم ﻻزم تبقى زيهم.


                        ...
                        [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                        [I]مَثَلٌ صينِيّ[/I][/QUOTE]

                        [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                        [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                        [/SIZE][/FONT]
                        أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                        [SIGPIC][/SIGPIC]

                        Comment


                        • #13
                          المشاركة الأصلية كتبت بواسطة ahmed_eng2001 مشاهدة المشاركة
                          عندى سؤال صغير ..... يعنى ايه اعتمادية ؟؟!!!

                          ايه الى يخلى عربية ... او قطع غيار اعتمادية عن غيرها ؟؟؟

                          البساطة فى التصميم مثلا ؟؟؟؟ و لا محاولة الالتزام بمواصفات استاندر فى السوق ؟؟؟
                          و لا نوعية الخامات المستخدمة ؟؟؟

                          لما ربنا يكرمنا و نبدأ نصمم معدة او قطعة غيار .... ازاى اخليها اعتمادية ؟؟؟ عمرها طويل ... و كمان متعطلش و تبوظ مرة واحدة ؟؟
                          الاعتماديه ببساطه في رايي الجزء بعد كام ساعه او كم هيعجز عن اداء وظيفته باداء معقول، موضوع الاعتماديه Reliability
                          معقد ومتشعب جدا في الجزء الهندسي.
                          المشكله في السياره الاجزاء كتير جدا ومرتبطه ببعض . مثلا كاوتش سيء يتلف نظام التعليق
                          القصه بتبتدي من المصمم ، بيحسب الاحمال وظروف التشغيل وووو.....الخ وبعدين يضرب في معامل امان للاحمال الفجاءيه وغيره . ومعامل الامان مهم جدا في الاعتماديه لكن موثر في التكلفه او الحجم.ثم يوصل للمقاسات ويهندسها لاداء افضل وخامات والمعالجات ، بعدين يستقربها للاستانرد الاعلي ودا فيه مواصفات عالميه زي JIS,DIN او مواصفات الشركه الداخليه ثم الجزء يتصنع . خلاص ؟؟ لا لسه
                          الجزء او المكون بيتحط تحت اجهادات وعمل فيد باك
                          طبعا الموضوع داخل فيه اقسام واحيانا شركات واستشاريبن
                          دا لما جزء جديد لكن مع تراكم الخبرات ووجود متخصصين متعددين الجهد بيقل
                          لو عاوز صليبه كردان ، شركه koyo ممتازين هجيب منهم
                          ، عاوز بوجيه اجيب ngk وهكذا

                          في السيارات ، عمل شاسيه ومتور وفرامل ودركسيون اعتماديين امر مفروغ منه
                          والا السياره لا تصلح تغادر باب المصنع زي ١٢٨
                          حاليا الاعتماديه حوالين مجاميع الاشعال والدواره والوقود
                          الياباني متميز جدا في النقطه دي، المجاميع اللي تخليك تدور وتروح الشغل الصبح
                          وقبل ما تقع تديك انذار بتدني الاداء موش فجاءه .
                          بساطة التصميم الي حد ما في الياباني مقصوده بهدف تقليل down time ، توفير accessibility
                          وتقليل special tools .
                          طبعا تلاحظ الجهد الرهيب والتكلفه للوصول للاعتماديه فلازم تقليل الكماليات
                          لتحقيق ربح معقول وتبيع بسعر منافس.
                          مصر صممت وعملت حاجات اعتماديه في العهد الاشتراكي ، لكن بسبب اتباع نظام موجه يغذي بعضه البعض
                          وفقدان المنافسه وفلسفة الاكتفاء الذاتي والجمود وعدم تطوير المنتج، ادي للخساءر والانهيار
                          http://www.nilemotors.net/Nile/455933-a.html
                          http://www.nilemotors.net/Nile/455752-2.html
                          http://www.nilemotors.net/Nile/454825-a.html

                          Comment


                          • #14
                            المشاركة الأصلية كتبت بواسطة borio1704 مشاهدة المشاركة

                            الاعتمادية ليها تعريفين.. واحد تسويقي والتاني فني...

                            التعريف التسويقي هو باختصار.. ثقة المستخدم في السلعة اللي بيستخدمها وإنه يقدر يعتمد عليها لما يحتاجها... بمعنى إنها هتأدي الغرض بالأساسي منها بدون ما "تقل" معاه.

                            التعريف الفني بيترجم الكلام ده إلى ما يسمى "متوسط الوقت بين الأعطال" أو mean time between failures والمعروفة اختصارا ب(mtbf)



                            إزاي بقى تخلي منتج يكون له اعتمادية عالية.... فده في حد ذاته موضوع كبير.. ما زالت الدول الصناعية الكبرى في العالم بتحاول تقلد اليابانيين ومش عارفين يبقوا زيهم..

                            بس من وجهة نظري.. سر اعتمادية اليابانيين هو اللي بنقول عليه في مصر "السهل الممتنع"

                            لو أخدت بالك ... اليابانيين ممكن يكونوا متأخرين نسبيا في نزول بعض التكنولوجيا الجديدة في سياراتهم... وأنا بصراحة شايف ده ذكاء منهم.. ﻹنهم مش بينزلوا إلا التكنولوجيا اللي أثبتت أقل قدر من المشاكل.. يعني غالبا بيكون فيه حد تاني جرب المشاكل كلها عنده وهما بياخدوا الكويس بس.

                            حاجة تانية... لاحظ كده إن في أي مكنة عموما.. كل ما كانت أبسط كل ما كانت مشاكلها أقل.. ودي سمة حياة اليابانيين عموما.. وبالتالي هتلاقي عربياتهم في معظمها الميكانيكا بتاعتها أسهل من تعقيد الأوروبيين والألمان خصوصا.

                            الدقة والالتزام المعروفين بيها اليابانيين بتخلي منتجاتهم دايما جوه حدود المواصفات اللي حاطينها.. وده مش بسبب مراقبة أو فرض الالتزام.. إنما دي ثقافة شعب اللي بتخليهم يعملوا المطلوب منهم على أحسن وجه بدون رقابة عليهم... ومش كده وبس.. دول بيحاولوا يحسنوا عليها كمان

                            مش عارف إذا كان عندك فكرة عن أسلوب "كايزن" الياباني للتحسين المستمر.. واللي كل العالم دلوقتي بيحاول يقلده.. وعايزك بردو تعمل سيرش صغنن على النت على جملة "toyota production system".. واللي يعتبر مثال ﻷسلوب إدارة الأعمال بيحاول العالم كله يقلده ومش عارفين يطبقوه بحذافيره خارج اليابان. . وأقرب حاجة عالمية قريبة منه حاليا اسمها "التصنيع الرشيق" أو lean manufacturing

                            باختصار. .. الجودة اليابانية ثقافة شعب.. وعلشان توصلهم ﻻزم تبقى زيهم.


                            ...
                            اشكر حضرتك على الرد الجميل ....

                            انا لا اهتم بالتعريف التسويقى ... و اهتم بالتعريف الفنى

                            لو ركزنا مع الصناعات اليابانية .... و فى مجال السيارات .... ما ذكرته حضرتك ( السهل الممتنع ) ينطبق تماما على شركة تويوتا .... و لكن لا ينطبق على الهوندا مثلا .. و الشركتين بيتميزوا بالاعتمادية العالية ... انا بحب تويوتا اكتر ... بس لا انكر اداء الهوندا

                            اشكر حضرتك مرة تانية .. و ان شاء الله حبدأ ادور على الحاجات الى حضرتك ذكرتها على الانترنت

                            Comment


                            • #15
                              المشاركة الأصلية كتبت بواسطة mecha مشاهدة المشاركة
                              الاعتماديه ببساطه في رايي الجزء بعد كام ساعه او كم هيعجز عن اداء وظيفته باداء معقول، موضوع الاعتماديه reliability
                              معقد ومتشعب جدا في الجزء الهندسي.
                              المشكله في السياره الاجزاء كتير جدا ومرتبطه ببعض . مثلا كاوتش سيء يتلف نظام التعليق
                              القصه بتبتدي من المصمم ، بيحسب الاحمال وظروف التشغيل وووو.....الخ وبعدين يضرب في معامل امان للاحمال الفجاءيه وغيره . ومعامل الامان مهم جدا في الاعتماديه لكن موثر في التكلفه او الحجم.ثم يوصل للمقاسات ويهندسها لاداء افضل وخامات والمعالجات ، بعدين يستقربها للاستانرد الاعلي ودا فيه مواصفات عالميه زي jis,din او مواصفات الشركه الداخليه ثم الجزء يتصنع . خلاص ؟؟ لا لسه
                              الجزء او المكون بيتحط تحت اجهادات وعمل فيد باك
                              طبعا الموضوع داخل فيه اقسام واحيانا شركات واستشاريبن
                              دا لما جزء جديد لكن مع تراكم الخبرات ووجود متخصصين متعددين الجهد بيقل
                              لو عاوز صليبه كردان ، شركه koyo ممتازين هجيب منهم
                              ، عاوز بوجيه اجيب ngk وهكذا

                              في السيارات ، عمل شاسيه ومتور وفرامل ودركسيون اعتماديين امر مفروغ منه
                              والا السياره لا تصلح تغادر باب المصنع زي ١٢٨
                              حاليا الاعتماديه حوالين مجاميع الاشعال والدواره والوقود
                              الياباني متميز جدا في النقطه دي، المجاميع اللي تخليك تدور وتروح الشغل الصبح
                              وقبل ما تقع تديك انذار بتدني الاداء موش فجاءه .
                              بساطة التصميم الي حد ما في الياباني مقصوده بهدف تقليل down time ، توفير accessibility
                              وتقليل special tools .
                              طبعا تلاحظ الجهد الرهيب والتكلفه للوصول للاعتماديه فلازم تقليل الكماليات
                              لتحقيق ربح معقول وتبيع بسعر منافس.
                              مصر صممت وعملت حاجات اعتماديه في العهد الاشتراكي ، لكن بسبب اتباع نظام موجه يغذي بعضه البعض
                              وفقدان المنافسه وفلسفة الاكتفاء الذاتي والجمود وعدم تطوير المنتج، ادي للخساءر والانهيار
                              الله ينور عليك .....

                              حضرتك ذكرت ... التصميم الجيد ... و كمان متابعة الانتاج و الرقابة على المنتج النهائى ... و ده كلام رائع

                              نقطة الالتزام بالمواصفات العالمية زى ال din فى منتهى الاهمية .... ده غير كمان ان يكون فيه مواصفات للشركة نفسها دى حاجة مهمة جدا

                              موضوع ان قطعة الغيار تديك مأشرات قبل ما تبوظ دى مهمة جدااااا ....

                              Comment

                              Working...
                              X