أغير زيت فتيس و فلتر بتاعه فين

[h_askalany]

السلام عليك
انا عربيتي يارس اوتوماتيك 2007
انا ان شاء الله محتاجة أغير زيت الفتيس و الفلتر بتاعه و الجوان
لازم اغيره في مركز خدمة معتمد زي العالمية اللي في المهندسين عشان يكونوا فاهم و مضمون ولا ممكن اروح مكان تاني يعني زي مركز تغيير زيوت عادي مع العلم ان فارق السعر بين مركز الخدمة المعتمد و المكان التاني 300 جنيه كتكلفة
شوروا علي ضروري بالله عليكم لأني محتاجة اروح في خلال يوميون بإذن الله

[borio1704]

قبل ما حضرتك تفكري في مكان تغيير الزيت لازم تتأكدي إن الزيت اللي هيحطوه هو فعلا بتاع العربية..

الفتيس الأوتوماتيك حساس جدا لموضوع نوع الزيت.. وما ينفعش يتحط فيه أي زيت بمواصفة مختلفة.


ارجعي لكتالوج العربية علشان تتأكدي من مواصفة الزيت (هتلاقيها في قسم "المواصفات Specification" في آخر الكتالوج).


وعلى حسب ما أنا فاهم... مواصفة الزيت هي ATF WS بتاع تويوتا.




فيه زيوت تانية من تويوتا.. بس ما تنفعش.. يعني مش معنى إن مكتوب عليه "تويوتا" يبقى ينفع..

حاجة زي كده مثلا.. ده زيت بمواصفة ATF T-IV



ده ما ينفعش معاكي خالص.

وده تأكيد من تويوتا إن ما ينفعش نحط أي زيت تاني غير المكتوب في الكتالوج...




تاني... يا ريت ترجعي للكتالوج علشان نتأكد إنهي نوع بالضبط هو المطلوب... سواء كان الـWS ولا T-IV


أنا شخصيا أفضل التغيير في مركز صيانة معتمد من تويوتا.. أو في التوكيل نفسه.


...

[h_askalany]

قبل ما حضرتك تفكري في مكان تغيير الزيت لازم تتأكدي إن الزيت اللي هيحطوه هو فعلا بتاع العربية..

الفتيس الأوتوماتيك حساس جدا لموضوع نوع الزيت.. وما ينفعش يتحط فيه أي زيت بمواصفة مختلفة.


ارجعي لكتالوج العربية علشان تتأكدي من مواصفة الزيت (هتلاقيها في قسم "المواصفات Specification" في آخر الكتالوج).


وعلى حسب ما أنا فاهم... مواصفة الزيت هي ATF WS بتاع تويوتا.




فيه زيوت تانية من تويوتا.. بس ما تنفعش.. يعني مش معنى إن مكتوب عليه "تويوتا" يبقى ينفع..

حاجة زي كده مثلا.. ده زيت بمواصفة ATF T-IV



ده ما ينفعش معاكي خالص.

وده تأكيد من تويوتا إن ما ينفعش نحط أي زيت تاني غير المكتوب في الكتالوج...




تاني... يا ريت ترجعي للكتالوج علشان نتأكد إنهي نوع بالضبط هو المطلوب... سواء كان الـWS ولا T-IV


أنا شخصيا أفضل التغيير في مركز صيانة معتمد من تويوتا.. أو في التوكيل نفسه.


...

شكرا لحضرتك
هو فعلا ws بس انا جبت t-iv من العالمية شارع دمشق هل ينفع اجيب حاجة بديلة من هناك متاسبة مع عربيتي
و كمان مش عارفة ايه النوع و الماركة المناسبة
محتاجة رد حضرتك ضرورى

[h_askalany]

في مركز الخدمة بيحطوا موبيل 1 و انا كنت عايزة احط حاجة تانية احسن منه فيا ريت حضرتك تنصحني

[borio1704]

في مركز الخدمة بيحطوا موبيل 1 و انا كنت عايزة احط حاجة تانية احسن منه فيا ريت حضرتك تنصحني

زيوت موبيل اللي في مصر مواصفتها مختلفة تماما... ما تنفعش مع الفتيس بتاع عربيتك.

أفضل شيء تشتري الزيت من التوكيل.. زي اللي في الصورة اللي حطيتها لحضرتك قبل كده..

أهم شيء (واللي ما ينفعش نفكر نهمله أصلا) هو إن الزيت يكون مكتوب عليه مواصفة تويوتا WS


فيه زيوت تانية تمشي مع زيت WS .. بس معرفش إذا كانت موجودة في السوق ولا لأ.

أعتقد آمسويل ممكن يكون عندهم زيت متوافق معاه..



واسأليهم بردو لو عندهم زيوت تانية متطابقة مع نفس المواصفة.

ليهم صفحة على الفيسبوك... اسمها "زيت امسويل الأمريكي نايل موتورز - جروب المناقشات"


...

[h_askalany]

حضرتك انا هغير في مركز تويوتا معتمد و همه بيحطوا موبيل 320 فهل ده مناسب
و حضرتك في فالفولين atf و كاتبين انه متناسب مع تويوتا t-iv و ws فهل ينفع و لا اخليني في الموبيل اللي المركز المعتمد بيحطه

[borio1704]

حضرتك انا هغير في مركز تويوتا معتمد و همه بيحطوا موبيل 320 فهل ده مناسب
و حضرتك في فالفولين atf و كاتبين انه متناسب مع تويوتا t-iv و ws فهل ينفع و لا اخليني في الموبيل اللي المركز المعتمد بيحطه

زيت موبيل 320 غير مناسب إطلاقا وما ينفعش يتحط نهائي.

وإذا كان المركز بيستخدم الزيت ده يبقى تسيبك منه خالص في أي حاجة ليها علاقة بزيوت أو سوائل بتتحط في العربية.


بالنسبة لزيت فالفولين... أكيد قصد حضرتك على ده:



أنا شفت فعلا المواصفات المكتوبة عليه في البروشور بتاعه على موقع فالفولين أوروبا وفي صفحة فالفولين مصر على الفيسبوك...

حسب كلامهم.. الزيت يمشي.

بس الحقيقة أنا مش قادر أفهم إزاي زيت واحد ينفع مع كمية المواصفات اللي حاطينها دي... خصوصا إن بعض المواصفات داخل نفس الماركة مختلفة عن بعضها تماما وما تنفعش تشتغل مطرح بعض !!!!!

ده غير إن موقع تاني (بولندي) حاطط لنفس الزيت مواصفات منطقية أكتر.. وشايل منه مواصفات كتير أهمها مواصفة WS بتاعت تويوتا ومواصفة SP-IV بتاعت ميتسوبيشي وهيونداي.

VALVOLINE ATF DEXRON 1L IIE III IIIH VI Katowice - Sprzedajemy.pl


المشكلة إن تويوتا كانت منزلة نشرة إخبارية من فترة بتوضح إيه المشاكل اللي ممكن تحصل لو حطينا زيت T-IV مكان WS... خصوصا إن خصائص الزيت ده غير ده خالص



فإزاي زيت واحد يشتغل مع الاتنين؟؟؟

بصراحة أنا مش مستريح للزيت ده خالص...


عموما.. كلمي آمسويل... أفضل كتير... وفرق السعر مش كبير

والأفضل تبدلي الزيت اللي حضرتك اشتريتيه بواحد تاني WS من عند نفس الراجل.. لو كان عنده.

أنا شخصيا أفضل الزيت الأصلي بتاع تويوتا.. مضبوط ومتفصل تمام على الفتيس... ودي العبوة اليابانية الأصلية لزيت الـWS




وأعتقد إنه موجود في التوكيل... حضرتك ما سألتيش هناك؟؟؟


...

[borio1704]

معلش سؤال مهم...

هو العربية عاملة كام كيلومتر؟؟؟ وإيه طبيعة استخدام حضرتك للعربية؟؟؟

في حالات الاستخدام العادي.. زيت الفتيس من نوع ws مش بيتغير أصلا.



ارجعي لكتالوج العربية لمعرفة شروط تغيير الزيت.


...

[h_askalany]

حضرتك انا سألت علي زيت تويوتا ws و مش موجود خالص واضح انه ناقص
انا عربيتي يارس 2007 اوتو ماشية 85 ألف كيلو و انا استخدامي للعربية بسيط جدا و كنان كتير بتقعد مركونة فترة بس انا كنت جيباها مستعملة
في حاجة تانية عايزة أسأل حضرتك عليها انا لما جبتها من سنتين كان واحد قريبي غير لي زيت الفتيس بس مش عارفة حط نوع ايه و لما الميكانيكي كشف عليه من قريب لاقاه اسود عشان كده عايزة اغيره فهل كده هحتاج اغير فلتر كمان معاه و لا ايه ..محتاجة اعرف ضروري…
كمان حضرتك لما سألت في صفحة amsoil علي الفيسبوك قالي المتاسب لليارس عبوة رمادي بس مش عارفة انزل صورتها اللي هي دكسرون 3 فلنا قلت له اليارس ws قالي لو متأكده يبقي العبوة السوداء هي المناسبة فانا كده اتلخبطت ممكن حضرتك تأكد لي انهي المناسب
و علي فكرة انا عرفت انهم في التوكيل بيحطوا موبيل

[h_askalany]

معلش لأني تاعبة حضرتك معايا بس لأني معنديش خبرة بالحاجات ده خالص

[borio1704]

معلش لأني تاعبة حضرتك معايا بس لأني معنديش خبرة بالحاجات ده خالص

مفيش تعب والله.. احنا هنا علشان نفيد بعض...

وعموما أنا مش بعمل حاجة غير إني بحاول أعلم الناس إن الالتزام بالكتالوج هو اللي هيحافظ على عربياتهم.. فقط لاغير.

حضرتك انا سألت علي زيت تويوتا ws و مش موجود خالص واضح انه ناقص
انا عربيتي يارس 2007 اوتو ماشية 85 ألف كيلو و انا استخدامي للعربية بسيط جدا و كنان كتير بتقعد مركونة فترة بس انا كنت جيباها مستعملة
في حاجة تانية عايزة أسأل حضرتك عليها انا لما جبتها من سنتين كان واحد قريبي غير لي زيت الفتيس بس مش عارفة حط نوع ايه و لما الميكانيكي كشف عليه من قريب لاقاه اسود عشان كده عايزة اغيره فهل كده هحتاج اغير فلتر كمان معاه و لا ايه ..محتاجة اعرف ضروري…
كمان حضرتك لما سألت في صفحة amsoil علي الفيسبوك قالي المتاسب لليارس عبوة رمادي بس مش عارفة انزل صورتها اللي هي دكسرون 3 فلنا قلت له اليارس ws قالي لو متأكده يبقي العبوة السوداء هي المناسبة فانا كده اتلخبطت ممكن حضرتك تأكد لي انهي المناسب
و علي فكرة انا عرفت انهم في التوكيل بيحطوا موبيل

طيب... أنا حاولت أنزل كتالوج اليارس 2007... وأخيرا أخيرا بعد مجهود كبير قدرت أنزله من موضوع زميلنا العزيز swimmer25... ولقيت حضرتك معلقة هناك.

http://www.nilemotors.net/Nile/197392-a.html

بس لقيت الكتالوج بردو بتاع أمريكا..!!!!!

ومشكلة أمريكا بالذات إنها بينزل فيها تجهيزات غير اللي بتنزل الشرق الأوسط في معظم الأوقات (مستواها أعلى غالبا) علشان عندهم قوانين بتفرض ده..

وبالتالي مش قادر آخد توصيات الكتالوج كمرجع موثوق 100%.

الحمد لله .. تويوتا لما نزلت نشراتها وضحت لينا إزاي نعرف إذا كان الفتيس عايز زيت WS ولا T-IV... من غير ما نرجع للكتالوج !!!



مكتوب في الصورة دي... إن الفتيس اللي بيشتغل بزيت WS بنعرفه بحاجتين:

1- ما بقاش فيه عصاية لمقاس الزيت.
2- غطا تزويد الزيت مكتوب عليه WS.

لو الفتيس عند حضرتك في العربية فيه الصفتين دول يبقى لازم لازم نحط فيه زيت الـWS.

أما لو كان عند حضرتك عصاية لمقاس زيت الفتيس (غير مقاس زيت الموتور) يبقى الفتيس عايز زيت T-IV


آمسويل عندهم 4 أنواع زيوت للفتيس الأوتوماتيك..

الاتنين دول يمشوا مع الـWS ...




والاتنين دول يمشوا مع الـT-IV





في الأربع أنواع دول.. العلبة الرمادي في الاتنين كويسة جدا... بس العلبة السودا أغلى.. علشان هتعيش معاكي أكتر بكتير.. وممكن ما تحتاجيش تغيري الزيت نهائي.


دلوقتي يا ريت حضرتك تتأكدي من موضوع عصاية المقاس في الفتيس... وبناء عليه هتختاري الزيت اللي بالتكت الأزرق أو الأحمر.


...

[h_askalany]

ربنا يبارك لحضرتك
هو انا حضرتك معرفتش انزل الكتالوج ساعتها من البوست اللي حضرتك ذكرته بس نزلته من مكان تاني و بصراحة مش عارفة اذا كان مواصفات شرق اوسط أو لأ
بس انا عربيتي فيها مقياس زيت الفتيس غير مقياس زيت المتور
يبقي كده ممكن احتفظ بالزيت التويوتا اللي عندي اللي هو t- iv
و ممكن اعرف لو انا تحركي بالعربية مش كتير فلازم اغير الزيت بعد مدة قد ايه

[borio1704]

ربنا يبارك لحضرتك
هو انا حضرتك معرفتش انزل الكتالوج ساعتها من البوست اللي حضرتك ذكرته بس نزلته من مكان تاني و بصراحة مش عارفة اذا كان مواصفات شرق اوسط أو لأ
بس انا عربيتي فيها مقياس زيت الفتيس غير مقياس زيت المتور
يبقي كده ممكن احتفظ بالزيت التويوتا اللي عندي اللي هو t- iv
و ممكن اعرف لو انا تحركي بالعربية مش كتير فلازم اغير الزيت بعد مدة قد ايه

كده فعلاً يبقى الزيت اللي عند حضرتك تمام ومش محتاجة أي زيت تاني..

بالنسبة لموعد التغيير...

كتالوجات تويوتا بتقول نفس التوصيات تقريبا بالنسبة لزيت الt-iv زي الWS.



يعني الزيت مش بيتغير إلا في حالات الاستخدام الشاقة أو الخاصة... والمفروض تكشفي عليه كل فترة وتشوفي لونه أخباره إيه...

لو بدأ يغمق يبقى المفروض نفكر في تغييره....
لو بقى اللون بني يبقى لازم يتغير..
لو بقى اسود يبقى يتغير فورا.

عموما.. أتوقع إن في الحالة دي الزيت المفروض يتغير كل 80 ألف كيلومتر كإجراء احتياطي... ده طبعا في حالة إن الزيت لونه اغمق شوية.

لو فضل اللون احمر... مفيش داعي لتغييره.

أنا هنا بتكلم على لسان الكتالوج بتاع تويوتا.


آخر حاجة...

حضرتك لازم تعملي فلش للدايرة من نفس الزيت الجديد. .. يعني هنحط الزيت الجديد ونمشي بيه يومين كده ونرجع ننزله علشان نشيل كل آثار الزيت القديم.. وبعد كده نحط زيت جديد كمان مرة.

أعتقد الكمية بسيطة ( 3 لتر في كل مرة).. يبقى حضرتك محتاجة حوالي 6 لتر علشان إجمالي الغسيل والتغيير.


...

[h_askalany]

متشكرة جدا لحضرتك و ربنا يجازيك خير و ينفع بك دايما
معلش سؤال اخير هل زيت الفرامل بيتغير برده ولا لأ

[borio1704]

متشكرة جدا لحضرتك و ربنا يجازيك خير و ينفع بك دايما
معلش سؤال اخير هل زيت الفرامل بيتغير برده ولا لأ

ربنا يكرمك دايما إن شاء الله..

بالنسبة لزيت الفرامل.. أيوه الزيت لازم يتغير... وبيتغير كل سنتين.

ونوع الزيت بيتحدد من الكتالوج طبعا... وتقريبا بيبقى مكتوب كمان على غطا قربة زيت الفرامل



تقدري تدخلي على المواضيع دي لو عايزة معلومات زيادة:

http://www.nilemotors.net/Nile/16124-a.html

http://www.nilemotors.net/Nile/149434-a.html

...