Tweet
هل يعتبر من الغباء الشديد شراء تويوتا كرولا او هوندا سفيك بينما توجد الجيتا وفيها كل حاجة فى الدنيا و كمان ب 177000 جنية ؟ .gif "Copy Of Majd(4)")
-
hambola سابقا -
اتفق معك تماما بدون ادني شك
و كذلك الاوكتافيا -
طبعا عندك حق بس مش هنقول غباء شديد لان اكيد اللى بيشتروا التويوتا والسيفيك مش اغبياء وكمان دى عربيات كويسة وازواق يعنى شكلا السيفيك احلى واثبت عربية فى العربيات دى بس من الناحية الجودة والاداء والمتانة يبقى الجيتا والوكتافيا اولا بس بردو فى النهاية مسألة ازواق واحتياجات وقناعات شخصية وربما تجارب ايضا. وشكرا[RIGHT][FONT=Traditional Arabic][COLOR=blue]لاَ يُكَلِّفُ اللّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ [/COLOR][/FONT][/RIGHT]Comment
-
انا رأي ان المسالة لا تقاس بمنظور واحد فقط
يعني حضرتك زي ما انت بتقول انه من الغباء ان الواحد يشتري هوندا سيفيك والكورولا وفيه جيتا واوكتافيا بنفس السعر
أكيد وتأكد ان فيه ناس بتقول ان من الغباء ان الواحد يشتري جيتا واوكتافيا ولا يشتري كورولا او سيفيك
لأن لو عملت مقارنة مش علشان دي جيتا ودي كورولا مثلا
يبقى الموضوع محسوم لأحد
لأن كل واحده منهم لها مميزاتها ولها عيوبها تختلف من شخص لأخر حسب رايه وميوله واختياراته وأولوياته وبنود كتير
يعني انا واحد من الناس بحب الأتنين الكورولا والجيتا
ولكن ساعة الأختيار لو انا مش هيفرق معيايا الفلوس نهائي في مصاريف وكل حاجه هجيب مثلا جيتا
ولكن لو الموضوع بالنسبة لي ان العربيه تتركب ومش عاوزها تصرف كتير يبقى كورولا
يعني ساعة الشراء صدقني كتير من الناس هتغير رايها ومش هيشتروا العربيه اللي بيحلموا بها
لأن الشراء له أولويات تحسم الموقف للعربية ذات الأفضل في اكتر البنود والأولويات بالنسبة لك[SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
[COLOR="Olive"]قال رسول الله صلى الله عليه وسلم :[/COLOR]
[COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]Comment
-
بتفرق كمان فى احتياجك للعربيه ...
يعنى عايز عربيه هتجرى بيها و تشد و عايز سحب ؟؟
ولا هتمشى هادى و جريك مش كتير ...
يعنى من الاخر ايه الى يناسبك ؟؟
المدرسه الالمانيه ولا اليابانيه ؟؟
و مش فى الجرى و الشد بس لا
فى نظام العربيه ككل ..
عفشه
موتور
اداء
ثبات
بيع
حاجات كتير هى الى بتحدد هتجيب ايه ...
بس اعتقد الجيتا فئه اعلى من السيفيك و الكورولا لان الكامله منهم تعادل البيسيك من الجيتا فى السعر ..
فى الاخر دى ازواق و راحه نفسيه ...[CENTER]
ولا تحسبن الذين قتلوا فى سبيل الله امواتا بل احياء عند ربهم يرزقون
[/CENTER]Comment
-
غباء ليه طيب ... لولا الاذواق لما خلقت الاسواق
وعموما الجيتا ال 1600 ادائها لا يقارن باداء السيفيك ولا الكورولا ولا حتى التيدا وعن تجربة
انما كثبات الجيتا ممتازة ولكن لا تتفوق على السيفيك
وبعدين هي فين الجيتا الكاملة اللي ب 177 الف ؟؟؟؟ الا اذا كنت بتتكلم على ال TSI ودي انت تستنى تقارنها لما الشركات دي تنزل محركات بشواحن زي فولكس :lol:
انما ال 1600 الكاملة منها ب 211 الف وبصراحة حراااااااااااااااااام ادفع 211 الف في عربية 1600 من الاخر
في النهاية كل واحد وذوقة[CENTER]
[U][B][COLOR=DarkRed]Toyota[/COLOR] for City ... [COLOR=Blue]Nissan[/COLOR] for Track ... [COLOR=Magenta]Honda[/COLOR] for Tunning
[COLOR=Purple]Mac[/COLOR] for Graphics ..[COLOR=DarkOrange]Linux[/COLOR] for Servers .. [COLOR=DarkRed]Windows[/COLOR] for Solitaire
[/B][/U]
[SIGPIC][/SIGPIC]
[/CENTER]Comment
-
والله
كل عربية وليها ناسها
فى ناس تقول اركب يابانى عشان موتيرها سحبها عالى واشد بيها وكمان اعتمادية عالية والثبات كمان جامد جدا وسعر اعادة بيع ملهوش حل وفى ثانية
وفى ناس تركب عربية المانى
لانها بتحب الفخامة والكماليات الكتير ومش يهمو السحب ولا الشد رغم ان المواتير قوية جدا بس سحبها دايما اقل من اليابانى
والدليل على كدة السيفيك والكورولا الجنوب افريقى مقارنة بالجيتا والاوكتافيا
يا جماعة دى مسألة ازواق
انا لو هجيب
حاليا وانا مش متجوز ولسة شباب هجيب عربية يابانى طبعا
لكن لو اتجوزت وخلفت وكدة هكون عقلت شوية واجيب المانىComment
-
مش غباء طبعا و لا حاجه السيفيك ركوبتها جامده جدا و صالون جامد فحت ما شاء الله و انا عن نفسى افضلها كعربيه عن الجيتا راى شخصى و لكل واحد حريه الاختيار و الاذواق و كل واحد محتاج ايه من عربيته اللى هيجيبهام / محمد سعد
[img2]http://img846.imageshack.us/img846/197/63588414414249233311774.jpg[/img2]Comment
-
مش غباء خالص كل واحد بينام على الجنب اللى يريحه
اولا فرق السعر يعنى الجيتا اللى ب177 دى Standard انما مثلا السيفيك او الكورولا الارخص بيبقى فل كامل هاى لاين
الالمانى له ركوبته وهيبته فعلا وانا واحد من الناس بعشق الالمانى وبرضه بحب اليابانى بس لما اختار هاختار اليابانى مش عشان الشد والجرى والكلام الفاضى ده لا انما عشان اليابانى بريح دماغى معاه مش هابقى خايف اروح للتوكيل واسمع ارقام غريبه ومش هابقى خايف من التكنولوجى العلى جدا اللى مش اى حد يفهم فيه وده مش معناه انى لو معايا مثلا سيفيك 2009 هاوديها للميكانيكى لا طبعا التوكيل بس برضه اليابانى بتريح دماغك معاه
اعتماديه اليابانى جباره بالرغم من قوه الالمانى برضه وعمره الطويل بس لو توكيل زى فولكس مثلا يتحسن شويه ممكن افكر فلا الجيتا الاستاندرعن اى عربيه يابانى الالمانى برضه ليه طعم تانى[CENTER][/CENTER]
[B][I][CENTER][FONT="Arial Black"]mokhtar[/FONT][/CENTER][/I][/B]Comment
-
أنا جربت كل العربيات ده وسافرت بها في طرق صعبة بره وفي مصر . بالنسبة لسعر أكيد ماينفعش كورلا تكون بتمن جيتا .
نفس العربتين هنا في فرق سعر . جيتا أغلي ب-٣٠٪ و ده لأن عمر الياباني ما هيكون ذي الالماني (أنا عربيتي في مصر كورولا).
ده من وجهة نظر عامه مش خاصة .(أنهي عربية أنضف كعربية )
لما ندخل عوامل تانية الحسبة تبدء تتغير.
زي الإعتمادية ، التوكيل ، أسعار الصيانة، شوارع بلدنا و-....و...
ساعتها ممكن الواحد يجيب كورلا أو سيفك بسعر جيتا رغم إن جيتا أحسن
أنا اجرت مرة سيفك ومرة جيتا . سافرت بكل وحدة نفس المشوار
اللي بيتكلم عن سيفك وثبات السفك . لازم ماشفش الجيتا.
أنا في واحد صحبي كان معه سيفك وغير وجاب جيتا . فضلت أقوله
لا يمكن يكون فيه زي السفك لأن ساعتها كنت بحب سيفك جداً جداً . قال لي عشان د لعبة لكن جيتا عربية
لم جربت الإثنين عرفت الفرق . لكن لما أنزل مصر هفكر ألف مرة أجيب أنه عشان العوامل التانية إلي بتغير الحسبةComment
-
كل عربية ليها مزاياها و عيوبها[CENTER][/CENTER][FONT=Comic Sans MS][SIZE=7][COLOR=blue]FAKOUSSA[/COLOR][/SIZE][/FONT]Comment
-
1-الجيتا اللى ب 177 دى كاملة عدا فتحة السقف و التدفئة اللى فى الكراسى عند معارض كتير كمان بس طبعا خليجى وليس وكيل
2-سحب اليابانى طبعا اقوى بكتير بس ثبات الجيتا ماينفعش تقول خالص ان فى اى عربية يابانى تماثلة وليس تتفوق علية لازم نكون متفقين على كدة ولكن التكنولوجى بتاعة الفتيس وكمبيوتر السيارة على درجة عالية من الجودة وخلو تام من الاعطال
3-التوكيل مش هيفرق لانها خليجى بس قطع الغيار متوفرة
4-السيفك كماليتها اقل من الجيتا
5- مش معنى ان سحب اليايانى اقوى ان الجيتا ما بتجريش لا دى ممكن تافل العداد بتعها بس مش بسهولةhambola سابقاComment
Comment