تقييم دايهاتسو تيريوس يا خبراء

[Hamlet]

حد عنده فكرة عن تيريوس 2007 .. ميزاتها - عيوبها - اسعار قطع الغيار و الصيانه ؟؟

[أبو عبدالله]

لا يوجد عيوب ملاحظة يعني تأخذ في الاعتبار
وقطع الغيار تعتبر ارخص الياباني اللي موجود في السوق
اما الصيانة فالتوكيل توكيل محترم وشغلهم كويس وبيعملو سوق للعربيات
وممكن تسأل حضرتك في منتدى الدايهاتسو علشان اللي معاهم العربيه يقولوك بزياده

[Adham]

التريوس الجديد شكلها حلو جدا انا معاك

بس ضيقة من جوة قوي بالذات من ورا

و كنزة و عالية, ثباتها وحش في الملفات عالسرعات

و على ما أعرف و الله أعلم, ان العربية دي 4*2 مش 4*4

و صاجها و شاسيهها ضعيف قوي مش زي العربيات ال 4*4 الشهيرة سواء شيروكي, فرونتيرا, برادو, باجيرو, لاند كروزر

لو حضرتك عاوز عربية متينة و أمان و مايتخافش عليها و لا على اللي فيها هات عربية من دول مستعملة 3 او 4 او 7 سنين منهم تكون نضيفة قوي تبقى احسن بكتير من التريوس لو زيرو

انا اصل مريت من شهرين تلاتة بمرحلة بخصوص قرار لشراء عربية 4*4 زيرو من التريوس او الفيتارا او الصيني الجديدة اللي اسمها UFO وللا اجيب شيروكي او لاند او باجيرو او فرونتيرا مستعمل, و بعد دراسة و سؤال و معاينات كتير كان قراري بالفرونتيرا, و بعد تقريبا 3 شهور استعمال اقدر اؤكد لسيادتك اني لا زلت مقتنع اني اتخذت القرار الصائب

والله أعلم

[fahd_628]

و على ما أعرف و الله أعلم, ان العربية دي 4*2 مش 4*4

فية منها موديل 4*2 و موديل 4*4

[Adham]

اسعارهم اية؟

او الفرق بينهم كام؟

[أبو عبدالله]

بس ضيقة من جوة قوي بالذات من ورا

يبقى حضرتك ممكن تروح تركبها وانت هتغير رايك اكيد لأنها ليست مثل القديمه

و كنزة و عالية, ثباتها وحش في الملفات عالسرعات

أكيد حضرتك بتتكلم على القديمه وواخد فكره كده عن التيريوس وانا أؤكدلك ان الجديده عكس هذا الكلام بشهادة الكل وليس مالكيها فقط

و على ما أعرف و الله أعلم, ان العربية دي 4*2 مش 4*4

زي ما أخونا فهد قال ان في منها موديل 4*4

و صاجها و شاسيهها ضعيف قوي مش زي العربيات ال 4*4 الشهيرة سواء شيروكي, فرونتيرا, برادو, باجيرو, لاند كروزر

اولا احب ان اوضح شئ وهو ان الكثير منا لا يفرق بينها وبين الجيبات اللي حضرتك ذكرتها
دي حاجه للمدينه صغيره وليست مهمتها كاللاندركروز وله اللاند روفر ولا حاجه من دول اكيد ولكن هيا على اد حجمها مناسبة جدا وهيا تفارن بالفولكس فاجن فوكس و سوزوكي SX4 والهوندا HRV ولا تقارن بالكبار حجما

وهي تصنيفها من Mini crossover SUVs

وعلى فكره الشاسيه بتاعها هو بتاع الراف 4 من تويوتا فأكيد موضوع انه ضعيف دي صعبه
انا الصاج فانا بصراحه اراى ان صاج الدايهاتسو عموما من أقوى صاج موجود في السوق حاليا بدليل شوف العربيات القديمه منها واللي ماشيه في شوارعنا مش هتلاقيها معوجه ولا مموجه خالص وممكن حضرتك تقف عند باب التيريوس كده واضغط عليها بيدك جامد وعلى ضمانتي وشوف هيعمل ايه

الزيروا بيفرق لأن حضرتك كفايه الثلاث سنوات الضمان او 100 الف كيلو الضمان