لاندكروزر برادو 2010الجديدة كليا..من تصويري..

[ashraf229]

بسم الله الرحمن الرحيم

لاندكروزر برادو الأسم اللي حقق نجاح و شهرة و ثقة كبيرة جدا على مدى سنين طويلة و سمعة طيبة لدى المصريين في الفترة الأخيرة فقط مع انتشار ظاهرة الترخيص (أتوبيس خاص) .....

لكن السيارة قديمة و معروفة لدى دول الخليج ولا خلاف على انها (بتاعة شغل) و تتميز بالقوة و الأعتمادية

امبارح رحت معرض عبد اللطيف جميل الوكيل الأكبر و الأشهر في الشرق الأوسط في العاصمة السعودية الرياض و التقيت مع الرائعة البرادو 2010 الجديدة

أول انطباع انه التصميم غير صادم و مختلف تماما بالعكس هو تطور هادي للشكل الحالي و لو انه شبه الاندكروزر الجديدة الى حد ما كبير.......




من الخلف نفس روح البرادو القديم و لا يختلف اتنين انها امتداد للشكل القديم و تطوير هادي له
و نلاحظ انه البروزات البلاستيكة على رفارف السيارة تم الاستغناء عنها و تنفيخ الرفارف بجسم السيارة مباشرة مما أعطى التصميم صفاء و حداثة أكتر من الفبر القديم...........




من الداخل و المقصورة الداخلية تجد انها بقت أوسع و أكثر جودة بكتير

فالموديل القديم كانت خاماته كأنه كرولا 2007 بس فخمة و غير كده السيارة أصبحت أوسع و اكثر جمالا و بهجة وده عن تجربة لأن عندنا في الشركة بركب البرادو 2008 كتير و عارفها كويس علشان كده ادركت في لحظة ان دي احدث و أجمل و أفضل من القديمة

لاحظوا زر التشغيل (سمارت كي) على يمين السائق في التابلوه



المواصفات الداخلية و الخارجية كتيرة جدا جدا و الفئات كترت من محركات ديزل لمحركات بنزين أربعة و سته سلندر و غير متوفرة حتى الأن بثمانية سلندر كنقطة تميز للاندكروزر الشقيقة الأكبر




المحركات المتوفرة :

6 سلندر 4.0 لتر 24 صمام بقوة 271 (صافي) جنوط 18 طارة مالتي فانكشن سمارت كي و نظام تحكم في الثبات و نظام للنزول من المنحدرات و نظام مساعدة للانطلاق على المرتفعات



أما اللي في أنا مصورها فوق فمواصفاتها:

المحرك التاني 4سلندر 2.7 لتر بقوة 160 حصان (صافي)

و محرك ديزل 4 سلندر 3.0 لتر بقوة 94 حصان (صافي) وده يعتبر موديل قياسي للشركات خاصة و الأعمال

كما تتوفر السيارة في الموديلات الأعلى من اللي في الصور بمواصفات لأول مرة مثل كاميرات خلفية و أمامية و جانبية لتعطيك رؤية بانورامية لكل ما يحيط بك و نظام بلوتوث مع سي دي تشانجر 6 اسطوانات و 9 سماعات و صب و زينون و رشاشات ماء للمصابيح و فرش جلد و فتحة سقف و مقود من الجلد و و و و و و و ...........................مواصفاتها بالهبل...............

و للعلم الأسعار زادت

سعر اللي في الصورة حوالي 114 ألف ريال سعودي (4سلندر بدون شاشة)

يعني بتمن كرولا هاي لاين في مصر!!!!!الغالي علينا غالي!!!!!!!

يارب أكون وفيت و التقرير عجبكم............

أخوكم: أشـــــــــــــرفــــــــــــــــــ...........

[hani945]

مشكور على الصور الجميلة

[ashraf229]

تسلم على ذوقك

و شكرا عالرد.........

[zinc]

مشكور عالتقرير الممتاز

[AHMED900]

تقرير روعة ،، والبرادو جامده جدا

يا نهار أبيض 114 ألف بس ...........

متشكرين يا برنس

[kareemhisham]

العربية فى الصور شكلها وحش اوى ..

بس الصور العلى الطبيعة شكلها مش بطال ..

بس شكلها تريوس على كبير ..

والف شكر سا استاذ اشرف لمتابعتنا بالجديد دايما و مجهودك فى نقل الصور

[M.Osman]

شكراً عالصور و التقرير

رأيي ان شكلها عربية صيني... مش عارف ليه

[ashraf229]

رأيي ان شكلها عربية صيني... مش عارف ليه

صيني ايه بس الشر برة و بعيد

مش للدرجة دي يعني!!!!!!

و ألف شكر على كل ردودكم الحلوة.........

[ashraf229]

شكل البرادو ملهاش شعبية في المندى و لا ايه!!!!!!!!!!!!!!!!!!

مش عاجباكوا ولا ايه يا وحوش تويوتا!!!!!!!!!!!!!!!!

على فكرة غليت جامد عن الموديل السابق اللي كان اعلى فئة منه توصل ل حوالي 170الى 175 الف ريال لكن الموديل ده تعدى حاجز ال200 ألف ريال لأعلى فئة المزودة بالكاميرات الأربعة و الجلد و الشاشات و فتحة السقف و غيرها.............

ابعتتتتتتتتتتتتتتت........................

[kareemhisham]

هى للاسف ملهاش شعبية فى المنتدى فعلا ..

و خصوصا ان الصور اتعرضت هنا قبل كدة بس مكنتش (لايف) زاى صور حضرتك .. و الناس اجمعت ان شكلها اوحش من القبلها ..

اهم حاجة ان حضرتك تفضل متابعنا بمواضيعك الجميلة دى .. لان انا فعلا بحب اشوف تقاريرك عن العربيات و بذات ان حضرتك بتبقا مصورها ..

[mahamedaraby]

معلش سؤال

انا مش شايف فى الموضوع غير صوره واحد جوه العريبه

هى فى صور تانيه للعربيه ومش ظاهر ليا

[ashraf229]

معلش سؤال

انا مش شايف فى الموضوع غير صوره واحد جوه العريبه

هى فى صور تانيه للعربيه ومش ظاهر ليا

فيه ييجي 9 صور!!!!!!!

جرب تاني

[ashraf229]

اهم حاجة ان حضرتك تفضل متابعنا بمواضيعك الجميلة دى .. لان انا فعلا بحب اشوف تقاريرك عن العربيات و بذات ان حضرتك بتبقا مصورها ..

يا باشا أخجلتم تواضعنا بجد و شرف لينا متابعتك لمواضيعي

أشكرك و أشكر لك ذوقك و أخلاقك.............

تقبل تحياتي........

[gomangy]

مشكوووووور والله يعطيك الف عافيه

[ashraf229]

كلك ذوق.............

و أي خدمة احنا ما عملناش حاجة يعني...............