أسعار الكورولا بالسعوديه من عبد اللطيف جميل (حرام يا تجار مصر)

[sigma]

ببساطه ممكن تخشوا على الموقع ده الخاص بعبد الطيف جميل وكيل تويوتا بالسعوديه ولاحظوا معى:
أولا إحنا هنا فى مصر بننضرب على قفانا بالجامد قوى من حيث المواصفات والكماليات وياريت الإخوه إللى بيقللوا من الخليجى أمام سيارات الوكيل بمصر
يا جماعه العربيات هنا بتتباع بأثمان ومواصفات متلفقه وقال إيه حجز وإستلم بعد شهر!!!!
ياسلام على وضوح البورشور بتاع العربيه فى المواصفات والأسعار وياريت تشوفوا لوغاريتمات البوشور المصرى الموجود على موقع تيوتا إيجيبت
أترككم وإحكموا وعارف إللى حيقوللى الجمارك والمصاريف ووووووو
ولكن إمتى ياخد عبد اللطيف جميل تويوتا مصر على الأقل الواحد حيشوف معاملة تجار عربيات بجد

تويوتا (المملكة العربية السعودية) - كورولا 2010 - الموديلات والأسعار

[feras_elngar]

يا سلام

اليارس اعلى سعر فيها 55.5 الف ريال
الكورولا اعلى سعر فيها 76 الف ريال
الكامرى اعلى سعر فيها 95 الف ريال

لا وايه كاتبين ان الصيانة بتاخد عندهم 60 دقيقة فقط

احنا المصريين بناخد ثواب فى كل حاجة بنشتريها

[kareemhisham]

انا مش شايف ان التجار او التوكيلات عندنا حرامية ولا حاجة .. الاسعار عندنا هنا بالمقارنة عندهم فهى واقعية جدا ..

ياريت منشوفش الاسعار هناك و نروح ضاربين فى 1.5 و نقول احنا بيتنصب علينا ..

حضرتك لو احتسبت قيمة الجمارك هتلاقى ان مكسب الوكيل عادى جدا و مش مبالغ فيه ..

المشكلة فى الجمارك المخلية الاسعار فى السما

[dodino2006]

انا مش شايف ان التجار او التوكيلات عندنا حرامية ولا حاجة .. الاسعار عندنا هنا بالمقارنة عندهم فهى واقعية جدا ..

ياريت منشوفش الاسعار هناك و نروح ضاربين فى 1.5 و نقول احنا بيتنصب علينا ..

حضرتك لو احتسبت قيمة الجمارك هتلاقى ان مكسب الوكيل عادى جدا و مش مبالغ فيه ..

المشكلة فى الجمارك المخلية الاسعار فى السما

يا باشا ما تنساش برضه ان التوكيل مش بياخد بالسعر اللي انت هتاخد بيه لو استوردتها بنفسك من السعودية مثلاً، يعني السعر بتاع السعودية ده بتاع المستهلك النهائي، انما التوكيل بياخد بسعر اقل بكتييييييييير، ده غير الكماليات اللي بتتشال برضه بتفرق معاه في السعر و في مكسبه

[Ayliz_2009]

هي المشكلة موجودة لكن مش مشكلة وكيل هي مشكلة حكومة اللي تخلي حاجة اسمها 135% جمارك !!!!!!!!!!!!!!!!!!!!!!!!!!! او ما شابه على الاكتر من ال2000 سي سي و 40% جمارك !! طب دول بتوع ايه و هما بيستحلوهم ازاي ولو وجب يعني و لا بد منهم ليه مانعملهمش 5 ولا 10 في المية ؟؟؟؟

[kareemhisham]

يا باشا ما تنساش برضه ان التوكيل مش بياخد بالسعر اللي انت هتاخد بيه لو استوردتها بنفسك من السعودية مثلاً، يعني السعر بتاع السعودية ده بتاع المستهلك النهائي، انما التوكيل بياخد بسعر اقل بكتييييييييير، ده غير الكماليات اللي بتتشال برضه بتفرق معاه في السعر و في مكسبه

تمام كلامك ..

بس لما نبص على الكورولا بتاعت هنا و بتاعت السعودية ..

هنلاقى ان فرق الفلوس دة رايح فان بتاعتنا هنا تكنولوجيا احدث و موتور اقوى و كماليات اكتر بكتيييير

[Samir_Adel]

انا مش شايف ان التجار او التوكيلات عندنا حرامية ولا حاجة .. الاسعار عندنا هنا بالمقارنة عندهم فهى واقعية جدا ..

ياريت منشوفش الاسعار هناك و نروح ضاربين فى 1.5 و نقول احنا بيتنصب علينا ..

حضرتك لو احتسبت قيمة الجمارك هتلاقى ان مكسب الوكيل عادى جدا و مش مبالغ فيه ..

المشكلة فى الجمارك المخلية الاسعار فى السما

بظبط كدة

[feras_elngar]

معلوم ان السبب الرئيسى هى الجمارك

[yoko]

يا سلام

اليارس اعلى سعر فيها 55.5 الف ريال
الكورولا اعلى سعر فيها 76 الف ريال
الكامرى اعلى سعر فيها 95 الف ريال

لا وايه كاتبين ان الصيانة بتاخد عندهم 60 دقيقة فقط

احنا المصريين بناخد ثواب فى كل حاجة بنشتريها

أنا معايا في السعوديه كورولا ٢٠٠٦ من عندهم في الصيانة بيديك معاد الإستلام لو إداك العربية متأخر مبتدفعش تمن الصيانة (وعمرهم معايا سلموا العربية متأخر وغالبا بيسلموها قبل المعاد)

[heshaaam]

لو كان الوكيل مش مسؤول عن ارتفاع السعر لانه مش هو اللى بيسرق الفرق طب الضمان والصيانة مين المسؤول عن السرقة اللى فيها
ع العموم زيرو جمارك هيفضح كل حاجة

[ashraf229]

يا سلام

الكورولا اعلى سعر فيها 76 الف ريال
لا وايه كاتبين ان الصيانة بتاخد عندهم 60 دقيقة فقط

احنا المصريين بناخد ثواب فى كل حاجة بنشتريها

لأ دي كورولا 1800 سي سي خد بالك كمان

و فعلا الكويك سيرفيس لعبد اللطيف جميل فيه خمسين حته في الرياض لا تزيد عن ساعة و على فكرة لو سأل معظم الشباب و الناس في السعودية هنا هيقولولك ده حرامي و أسوأ خدمة و هيشتموا للصبح......الانسان بطبعه بيحب الشكوى و لا يشكر النعمة......و علشان كده في ناس بتشتري من البازعي و ده موزع تويوتا أو حتى بتجيب من الأمارات من الفطيم أو قطر و خصوصا الاندكروزر بيقولوا مواصفات بقية الخليج دايما اعلى من عبد اللطيف جميل!!!!!!!!!!!!!

أرزاق....................

[gomangy]

والله عمار يا مصر