تقرير صيانة ال45000ك للكورولا الجنوب افريقي.

[محمد محمد]

السلام عليكم ورحمة الله وبركاته.............
النهاردة الحمد لله عملت صيانة ال45000ك للكورولا.
وعملتها في تويوتا العبور...العربية دخلت الساعة 10ص واستلمتها 3م.
الحاجات اللى بتتعمل في الصيانة.
تغيير فلاتر(زيت-هواء-بنزين)
تغيير زيوت(فرامل-موتور-فتيس)
تغيير مياه التبريد.
تغيير السير.
وكمان تيل الفرامل اتغير.
نخش علي التكاليف.
4لترو1/3 زيت موبيل 1 257ج.
مياه تبريد موبيل 45ج.
3لتر زيت فتيس esso اللتر ب14ج=42.
فوم تنظيف الماتور 32ج.
وردة لطبة الزيت ب5ج.
فلتر زيت80ج.
فلتر هواء 140ج.(وده الوحيد اللى جاي من اليابان وباقي الحاجات من جنوب افريقيا)
فلتر بنزين 275ج.
تيل فرامل امامي 475ج.
تيل فرامل خلفي450ج.
شوية كليبسات وحاجات انا مش عارفها34.
البوجيهات متغيرتش لأنها بلاتينيوم بتقعد لغاية 80000ك.
مصنعية صيانة ال45000ك 412ج+75ج uph (مش عارف دي بتاعت ايه).
لاحظت عدم ادراج السير بالفاتورة مش عارف برده ليه.
الأجمالى بعد احتساب الضريبة.
2459.66 ج.
وكل عام وانتم بخير.

[kareemhisham]

الف مبروك يا ابو وليد .. و عقبال صيانة ال100000 ..

و يا ترى ايه الاخبار بعد كل التغيرات دى ؟ و ايه اخبار تويوتا العبور ؟؟

[Hosam_Optrawy]

الف مبروك على الصيانه وعقبال ال 450 الف

[محمد محمد]

الف مبروك على الصيانه وعقبال ال 450 الف

الله يبارك فيك.

الف مبروك يا ابو وليد .. و عقبال صيانة ال100000 ..

و يا ترى ايه الاخبار بعد كل التغيرات دى ؟ و ايه اخبار تويوتا العبور ؟؟

الفرامل رجعت زي الجديدة تماما بقت تشتغل من سنة صغيرة زي ماجبت العربية اول مرة خالص والفتيس بقي صوته اهدي شوية في النقلات والأداء بتاع العربية بشكل عام بقي احسن من الأول.
الخطوة اللى جاية ان شاء الله اني اغير الكاوتش.
بالنسبة لتويوتا العبور المكان النهاردة كان رايق والمهندس حفظ شكلي وعمل معايا الواجب.

[Dr_Smart]

الف مبروك يا باشا عقبال صيانة ال450 الف


ليا ملحوظه هما ليه بيستخدمو زيت فتيس esso ده مش قد كده ... يعني ليه مش بيستخدمو زيت فتيس تويوتا الاصلي او حتى mobil ?
لأن اعتقد ان esso dexron 2 في حين ان العربيات الجديده ينصح ليها بزيت dexron 3 زي موبيل ...واعتقد ان ده مكتوب في الكتالوج

[محمد محمد]

الف مبروك يا باشا عقبال صيانة ال450 الف


ليا ملحوظه هما ليه بيستخدمو زيت فتيس esso ده مش قد كده ... يعني ليه مش بيستخدمو زيت فتيس تويوتا الاصلي او حتى mobil ?
لأن اعتقد ان esso dexron 2 في حين ان العربيات الجديده ينصح ليها بزيت dexron 3 زي موبيل ...واعتقد ان ده مكتوب في الكتالوج

الله يبارك في حضرتك.
هو احد الأخوة الأعضاء كان قال انه سأل عليه عند عرفة جابر وقاله التوكيل مبقاش ينزله.
هو فيه زيت تويوتا للفتيس والموتور بس تقريبا التوكيل بيهتم بالربح اكتر فزي ما بيحط موبيل للماتور مكان زيت تويوتا برده في زيت الفتيس بقي يعمل كده وعلي فكرة ايسو وموبيل شركة واحدة.
[info]فيه ملاحظة هامة:فلتر البنزين متغيرش وال275ج دول بتوع السير.[/info]

[Dr_Smart]

الله يبارك في حضرتك.
هو احد الأخوة الأعضاء كان قال انه سأل عليه عند عرفة جابر وقاله التوكيل مبقاش ينزله.
هو فيه زيت تويوتا للفتيس والموتور بس تقريبا التوكيل بيهتم بالربح اكتر فزي ما بيحط موبيل للماتور مكان زيت تويوتا برده في زيت الفتيس بقي يعمل كده وعلي فكرة ايسو وموبيل شركة واحدة.
[info]فيه ملاحظة هامة:فلتر البنزين متغيرش وال275ج دول بتوع السير.[/info]

انا سألت بس عشان اللي اعرفه ان زيت ايسو للفتيس الاوتوماتيك غير مناسب لسيارة حديثه زي الكورولا الجديده لكن موبيل مناسب حتى فيه فرق سعر كبير ... لتر موبيل ب25 تقريبا حاجه كده

عموما هما اكيد في التوكيل أدرى بالحاجه اللي تناسب العربيه ان شاء الله مايكونش فيه ضرر

[mohd_rafat]

ألف مبروك ياأستاذ أبوالوليد وعقبال 100 ألف إن شاء الله

[ashrafE51]

الف مليون مبروك وعقبال صيانة 45000000 ك

[Sharky]

الف مبروك يا باشا

و ربنا يبارك لك فى الكرولا

[معتز]

الف مبروك.........بس بعض الاسعار عالية جدا.........وردة بخمسة جنية!! فلتر زيت 85 جنية!!...تزويد مياة تبريد او تغيرها 45 جنية.....يعنى مبالغات التوكيل للاسف بس معلش ما باليد حيله ..الضمان بقى

[محمد ابراهيم 1]

عقبال صيانة البى إم

[محمد محمد]

ألف مبروك ياأستاذ أبوالوليد وعقبال 100 ألف إن شاء الله

الله يبارك في حضرتك.

الف مليون مبروك وعقبال صيانة 45000000 ك

الله يبارك في حضرتك بس عمال ما العربية تعمل ال كم للرقم اللى حضرتك كاتبه نكون العربية دخلت في مشروع احلال الملاكي هههههه

الف مبروك يا باشا

و ربنا يبارك لك فى الكرولا

ويبارك في حضرتك و في عربيتك وعمرك وصحتك.

الف مبروك.........بس بعض الاسعار عالية جدا.........وردة بخمسة جنية!! فلتر زيت 85 جنية!!...تزويد مياة تبريد او تغيرها 45 جنية.....يعنى مبالغات التوكيل للاسف بس معلش ما باليد حيله ..الضمان بقى

انا فعلا بعترض علي الأسعار بس زي ماحضرتك قلت الضمان.
انا ان شاء الله بعد ما الضمان يخلص مش هاصلح في التوكيل كل اللى انا هاعمله اني برده هاعمل الصيانة في مواعيدها وقطع الغيار من التوكيل واتعامل مع ميكانيكية عاديين وممكن مع ميكانيكية شغالين في التوكيل وقصة التوكيل دي تنتهي.

عقبال صيانة البى إم

ربنا يخليك ممكن بي ام او اودي ومعاهم لاند كروزر بيضاء.

[monmonmon]

الف مبروووووك

بس اتأكد من السير اتغير و لا ايه؟؟؟ لانه شىء مهم جدااااااا هو ممكن يقعد مفيش مشاكل لحد 60,000 كم بس علشان تكون عارف هتغيره امتى تانى؟؟؟ ده حقك و كمان لو حصل حاجه لا قدر الله فى السير حاجات كتيير هتتضر معاه

[محمد محمد]

الف مبروووووك

بس اتأكد من السير اتغير و لا ايه؟؟؟ لانه شىء مهم جدااااااا هو ممكن يقعد مفيش مشاكل لحد 60,000 كم بس علشان تكون عارف هتغيره امتى تانى؟؟؟ ده حقك و كمان لو حصل حاجه لا قدر الله فى السير حاجات كتيير هتتضر معاه

انا تأكدت انه اتغير لأني لقيت السير القديم موجود مع فلتر الهواء وتيل الفرامل القديم في الشنطة.