ياريس بتفصل مني help please

[ahmedghany2000]

سلامو عليكم

معلش يا جماعة انا عندي مشكلة مع اليلريس بتفصل مني على الاول ولازم ازود بنزين جامد علشان متفصلش في حد عنده حل انا خايف على الموتور و على المارش

[fahd_628]

باشا حضرتك بتشيل رجلك من على الدبرياج بسرعة ولا لأ

بمعنى اصح حضرتك جديد ولا قديم فى السواقة

[mohaismail]

ممكن يكون الدبرياج فى حاجة

[محمدايهاب]

معلش يا جماعة انا عندي مشكلة مع اليلريس بتفصل مني على الاول ولازم ازود بنزين جامد علشان متفصلش في حد عنده حل انا خايف على الموتور و على المارش

بص حضرتك عندك 32 سنة يعني أكيد سقت عربيات قبل كده ممكن تكون متعود على الدبرياش الخفيف
الحقيقة إن دبرياش اليارس تقيل شوية ( ميزة علشان الأمان) حضرتك مع الزمن هتتعود على اليارس و الموضوع ده هيقل ثم هيختفي
اسأل مجرب :P :P

[hitham_sh]

انا كان عندي نفس المشكله برضو في ديهاتسو سريون 2007 اول لما جبتها بس دلوقتي اتعودت على الدبرياش ومبقتش تبطل مني خالص
بس انا كنت عايز اعرف ايه الامان في ان الدبرياش يبقى تقيل انا بصراحه من الحجات الي كانت مديقاني ليه عاملين الدبرياش تقيل
بيوجع الرجل في الزحمه

[viper]

دة اسطوانة الدبرياج انا كان معايا كورولا وكان فيها نفس المشكلة و غيرتها في التوكيل ;)

[hitham_sh]

لا معتقدش انها اسطوانه لانها مش هتلحق تبوظ العربيه جديده ولا ايه

[Sharky]

بص حضرتك عندك 32 سنة يعني أكيد سقت عربيات قبل كده ممكن تكون متعود على الدبرياش الخفيف
الحقيقة إن دبرياش اليارس تقيل شوية ( ميزة علشان الأمان) حضرتك مع الزمن هتتعود على اليارس و الموضوع ده هيقل ثم هيختفي
اسأل مجرب

كلام محمد مظبوط

[Migo123]

دبرياش اليارس تقيل شوية ( ميزة علشان الأمان)

أمان ليه يعني ؟!!!! مش فاهم

[ahmedghany2000]

جزاكم الله خيرا على الرد

انا باجيب الدبرياج على الاخر وقت الغيار لكن المشكلة لما اكون ماشي على الاول في الزحمة فهل لازم برده اجيب الدبرياج للاخر ولا ازاي و هل ممكن يكون الدبرياج عالي

برده انا باجيب الدبرياج لالاخر ساعة المارشدار و اجيب الفتيس للاخر يمين و لكن بحس بنتع و قت الغيار فهل هذا طبيعي .... و جزاكم الله خيرا

[hitham_sh]

اه طبيعي جدا

[lord_n]

نا معايا كورولا 2007 مانيوال برضة بحس زى ماالاستاذ احمد قال ان فى نتشة او تقا عند الغيار وبالذات فى المارشدير .... بس انا بقول لان العربية لسة جديدة(3500 كم) احتمال برضة... عالعموم انا هاقولهم وقت صيانه الخمسة الالاف ولو حد عند معلومات تانية يقولنا

[MIMI]

يا جماعة دى عملية تعود يعنى لما الاخ السائل ياخد على العربية اكيد كل حاجة حتبقى تمام 8)

[dr_3eshoo]

الموضوع موضوع تعود
العربيه دي عاوزة تعود بس مش اكتر

[Powert]

هو انت عملت صيانة الالف ولا لسه

علشان لو معملتهاش تبقى لسه جديد على العربية

بس لما تروح الصيانة وقلهم على المشكلة دي وشوف ردهم