استفسار عن ياريس 2008

[madda7]

السلام عليكم
قدامي ياريس 2008 فل اوبشن 4 كهربا وتكيف و2 ايرباج بس من غير سبويلر ؟
هو موديلات 2008 الهاي لاين مكانش فيها سبويلر ولا ممكن دي تكون الهاف مثلا باوبشن اضافي؟
يعني اعرف انها الهاي لاين اكيد من انهي خاصيه طبعا عاوز اعرف عشان بتفرق في السعر

متشكر لحضراتكو جدا

[sa3dawy]

انا شخصيا معايا ياريس 2008 فول اوبشنز وفيها سبويلر ... هيا اوتو صح ؟

[madda7]

متشكر على ردك وهي اوتوماتيك
هيا الهايلاين دي بجنوط؟
وايه رايك ايه الاوبشن اللي فيها اتاكد انها هاي لاين ومش كان بيزل في الهاف او ينفع يتركب
ممكن يكون ال abs مثلا بس اقدر اعرف فيها ولا مفيهاش ازاي هل بيبان في التابلوه حاجة

افيدونا افادكم الله الموضوع عاجل جدا

[samirpride]

السلام عليكم
انا معايا ياريس 2008 هاي لاين اوتو
وفيها 4 زجاج وتكييف و2 اير باج وسبويلر و abs
والجنوط دي اوبشن زياده لكن بتنزل اساسي مع ال1500 سي سي

[madda7]

طب وهو فيه ياريس 1500 نزلت من الوكيل ؟ وهل فيه حد عندو فكره عن سعرها؟
وهو ال abs ليه لمبه في التابلوه

[nav man]

لا مافيش 1500 في التوكيل ال 1500 دي خليجي وهتكون فل اوبشن

[tamagogo]

الهاي لاين التوكيل بيكون فيها سبويلر و4 زجاج كهربا و2 ايرباجز وabs , ebd و اتوتوماتيك

وايوه ال abs ليه لمبه في التابلوه ولو عايز تجربه على ارض فيها رمل اضرب فرامل للأخر هتحس بيه

[madda7]

شكرا لردودكم فعلا استفدت
بس محدش قالي ال abs ليه لمبه في التابلوة ولا لأ يعني منين اعرف فيها ولا لأ منين
وكمان هل فيه لمبة للاير باج

[mohd79]

المانوال كله مفيهوش سبويلرولا ABS سواء هاف أو كامله
الأتوماتيك كله فيه ABS سواء هاف أو كامله وليه لمبه في التابلوه
الأتوماتيك الهاف مفيهاش اسبويلر
سنة 2008 نزل 2 موديل من الكامله الأتوماتيك الموديل الأعلى بيزيد جنوط اسبور وFog ومقابض نيكل وكان سعره 110 ألف

[madda7]

متشكر قوي يا جماعة بس انا كدا مش شايف فرق كبير بين الهاف والفول اوبشن
يعني هترسى على السبويلر والقزاز الكهربا ودول امرهم سهل اصلا

[KiNgMaX]

متشكر قوي يا جماعة بس انا كدا مش شايف فرق كبير بين الهاف والفول اوبشن
يعني هترسى على السبويلر والقزاز الكهربا ودول امرهم سهل اصلا

خد بالك ان الفكرة مش فى الكماليات الفكرة ان العربية الى حضرتك بتتكلم عليها دى مش راكبة
لان ياريس اوتوماتيك بزجاج كهرباء تبقى كاملة وطالما كاملة يبقى لازم لازم فيها سبويلر

[alisleman]

1500 سى سى دىبتيجى من الخليج فقط والهاى لاين بتاعها فى جنوط سبورت وبلوتوث وعتب دى زيادة عن اللى فى مصر

[Sharky]

خد بالك ان الفكرة مش فى الكماليات الفكرة ان العربية الى حضرتك بتتكلم عليها دى مش راكبة
لان ياريس اوتوماتيك بزجاج كهرباء تبقى كاملة وطالما كاملة يبقى لازم لازم فيها سبويلر

كلام مظبوط
و ممكن تمشى فى حالتين فقط:
1- يكون مركب الزجاج الكهرباء بعد ما اشترى السيارة و فى الحالة دى تبقى الهاف اوبشن اتوماتيك
2- انه يكون فك الإسبويلر الخلفى

من الاخر الفول اوبشن اتوماتيك لازم تكون بسبويلر