اخيرا... تويوتا كورولا الجديدة فى مصر

[msa3dawy]

ادخلوا على اللينك دا http://www.toyotaegypt.com.eg/cars/n...olla/index.asp

الصراحة عجبانى اكتر من القديمة بكتيررررررررر

[mohaismail]

معفنة القديمة احلى مليون مرة بس يمكن لما اشوفها فى الشارع اغير رأيى

[Sharky]

رأى الشخصى الجديدة 2008 أحلى من الشكل القديم 2007

[3mr Farrag]

لأ بجد شكلها تحفه جدا من قدام و من جوه......
بس من ورا مايقلش عليها غير زفت اوي Red_Colorz_PDT_29 Red_Colorz_PDT_38 Red_Colorz_PDT_30 Red_Colorz_PDT_31 Red_Colorz_PDT_39

[bassam nagy]

بالفعل الشكل الجديد احلى من الشكل القديم دى نازلة بموتور 1400 بنزين و 1400 جاز و 1600 بنزين و 2000 جاز

[boody2]

انا شفت الجديدة هنا علي الطبيعة بصراحة القديمة احلي من بره لكن الجديدة رائعة من الداخل

[fahd_628]

رأى 2008 شكلها احلى من 2007

[mtema99]

اسعارها هي اللي تحفه اكتر
و كمان على موتورين جداد اكتر قوه و اقل استهلاك بنزين من السابقيين

http://www.nilemotors.net/Forum/viewtopic.php?p=113436#113436

[mohameduoser]

افضل شكلا و امكانيات وسعر بجد افضل سيارة فى السوق المصرى من الفئة المتوسطه

[wawoo]

يا جماعة حسبو شوية على الكلام , واحد كاتب زفت و التانى كاتب معفنة , بقى دى الفاظ توصف بيها تصميم سيارة احدث موديل , يا اخى الملافظ سعد , يعنى حتى لو التصميم مش عجبك , قول مش حلو قول مش عجبنى , انما دى مش الفاظ توصف بيها تصميم سيارة , و مش عارف ازى المنتدى سامح بالافاظ دى اساسا .

عشان تبقو عرفين بس تصميم السيارة دة مش بيتعمل كدة فى يوم و ليلة , دة شغل مجموعة مصممين لمدة شهور و بيدخل فية جهد كبير لمهندسين كتير , و تويوتا شركة كبيرة مش حتعمل تصميم سىء يعنى , لان المصممين دول اساسا فنانين
تم حذف باقى المداخلة للشخصنة، تنبيه للعضو بعدم الشخصنة والإلتزام بالموضوعية-الإدارة
.

[أبو عبدالله]

حذف للشخصنة

ربنا يبارك فيك والله
وبعدين بصراحه انا بستغرب على اللي بيعلق على تصميم حتى لو مش عاجبه بالمنظر ده
يعني بيحسسونني ان الناس وهيا بتعمله كانو نايمين ومش حاسين بالعصريه حواليهم ولا بيفهموا شئ
والكلام ده مش على الكورولا بس ولكن في عربيات كتير الناس بتعلق عليها وبعد شويه بمر الوقت بتكتشف انها عصريه جدا وانك كنت غلطان
وربنا يهدينا ان شاء الله

[wawoo]

تم حذف باقى المداخلة للشخصنة، تنبيه للعضو بعدم الشخصنة والإلتزام بالموضوعية-الإدارة
.

يعنى انت سايب اللى كاتب معفنة و كاتب زفت و حزفت من المشركة بتعاتى , واية بقى موضوع الشخصنة دة , واية اللى انا كتبتة مش موضوعى ياريت توضح شوية عشان لو انا كلامى مش موضوع و معفنة و زفت موضوعى يبقى المنتدى دة للاسف عندة مقايس تانية انا مش فهمها , ياريت توضح عشان الموضوع دة يهمنى , يظهر ان الموضوعية بقى ليها مستويات تانية اليومين دول انا معرفهاش , احب اوضحلك ان كلامى موضوعى جدا , و ياريت تدور فعلا على اللى مش ملتزم و تشوف الافاظ اللى مكتوبة , الا اذا كان دة هو دة مستوى الالفاظ اللى مسموح بيها فى المنتدى , دة موضوع تانى بقى , ياريت اللى حزف يوضحلى اية اللى مش موضوع فى كلامى عشان افهم بس , و لو دة هو مستوى الحوار و الالفاظ دى بقيت عادى يبقى فعلا كلامى مش موضوع عندك حق .