الآثار الايجابية لسعر الكورولا الجديدة...!!!

[hero]

يا جماعه حتي لو الكورولا الخليجي ياباني.....
الموتور بتاعه قديم.....مش الموتور بتاع الجيل العاشر....يعني كل ايلي عملوة غيرو الشاسية وحطو علية موتور قديم 107 حصان ...بدل 124 حصان....
بالعقل ....اروح اشتري عربية تكنولوجيتها قديمة ....علشان خاطرانها مكتوب عليها صنع في اليابان...وآجلا او عاجلا...مش هايبقي فية ياباني بعد كدة...

الافضل ايلي عايز يجيب الجديدة.....يشتري عربية بتكنولوجيا جديدة....وموتور اقوي....وفتيس جديد...وبسعر كويس...ومضمونة...وليها صيانة...

[limo]

كلامك منطقى وسليم 100 %
بس الفكره ان الجنوب افريقى لسه متجربش بمعنى ان لسه معرفناش استهلاكه للبنزين عامل ازاى مع المتور الdual vtti
كمان الفتيس المالتى مود عامل ايه فى العربيه
وهل العربيه فيها مشاكل تانيه ولا لا
والمكشله الكبرى ان ده اول كورولا تكون تجميع جنوب افريقى مش اليابان فالناس خايفه لتدفع فى عربيه فوق ال120 الف وتطلع العربيه مقلب
بانسبه للخليجى
يالرغم من انها فى رأى احسن كثير من الجنوب افريقى الا ان الحقيقه انها عربيه مختلفه بالكامل عن الجنوب افريقى ماعدا البودى الخارجى
فتيس مختلف عفشه مختلفه وماتور مختلف
يعنى بالنسبه لقطع الغيار هتكون مختلفه تماما والى يشترى دلوقتى هوه وحظه
كمام مش مضمونه من تويوتا ايجبت وممكن تفشل
كمان كماليات اقل بسعر اعلى
يعنى انا فى رأى ان الكورولا الجديده سواء جنوب افريقى او يابانى محتاجه فتره مش اقل من سنه علشان تتجرب والناس تقول رأيها فيها بكل موضوعيه

[Sharky]

الكرولا الخليجى يابانى مش أسترالى لإن أستراليا بتستورد أصلا الكرولا الجديدة من جنوب أفريقيا

[mtema99]

3- العربية الجديدة محتاجه تتجرب علشان الموضوع مش شكل و بس و بصراحه بقى أنا مش عاجبنى موضوع جنوب أفريقيا (هو احنى يعنى أقل من الى فى الخليج هناك 2008 يابانى)

على فكره احنا اكيد احسن من الخليج
نفس المنتج مصدر لاوروبا الغربيه

[Sharky]

3- العربية الجديدة محتاجه تتجرب علشان الموضوع مش شكل و بس و بصراحه بقى أنا مش عاجبنى موضوع جنوب أفريقيا (هو احنى يعنى أقل من الى فى الخليج هناك 2008 يابانى)

على فكره احنا اكيد احسن من الخليج
نفس المنتج مصدر لاوروبا الغربيه

على فكرة جنوب أفريقيا حتتصدر فقط فى أوربا لفرنسا وفنلندا و البرتغال دا اللى كان مكتوب فى الجرايد

الغريب بقى إن معظم الموزعون المعتمدون لتويوتا عارضين الكرولا اليابانى و بيقولوا دى للعرض فقط و مش للبيع و بالنسبة للخليجى مش موجود غير فى التوكيل للعرض

[mtema99]

اديك قولتها بنفسك يا شاركي
هل من المعقول ان تويوتا تصدر للسعوديه و الامارات و قطر و البحرين و عمان و الكويت و العراق منتج احسن من منتج تصدره ل فرنسا و فنلندا و البرتغال
مع العلم ان فرنسا تعتبر مركز رئيسي لتويوتا و هي من اكبر الاسواق الاوروبيه بعد كلا من الايطاليه و الانجليزيه و المنافسه هناك اشد بمراحل في هذه الفئه من المنافسه في دول الخليج في هذه الفئه

[Sharky]

اديك قولتها بنفسك يا شاركي
هل من المعقول ان تويوتا تصدر للسعوديه و الامارات و قطر و البحرين و عمان و الكويت و العراق منتج احسن من منتج تصدره ل فرنسا و فنلندا و البرتغال
مع العلم ان فرنسا تعتبر مركز رئيسي لتويوتا و هي من اكبر الاسواق الاوروبيه بعد كلا من الايطاليه و الانجليزيه و المنافسه هناك اشد بمراحل في هذه الفئه من المنافسه في دول الخليج في هذه الفئه

Metema باشا أنا ما قلتش إن الكرولا إللى رايحة فرنسا أقل من الكرولا إللى رايحة الخليج بالعكس الكرولا الجنوب أفريقى تتفوق على الخليجى بالأوبشنز لكن الخليجى تتفوق بالتقفيل و دا اللى واضح لكل من شاف العربية الخليجى و الجنوب أفريقى فى مصر

لكن ليه بينزل يابانى فى الخليج و جنوب أفريقى قى مصر و بعض دول أوربا نتيجة لإن الكرولا فى الخليج ما بتروحش للمواطنين اللى هناك بل بيشتريها المقيمين اللى مش فارق معاهم الأوبشنز أد ما حيفرق معاهم التقفيل الكويس للعربية و الإستحمال لإن المواطنين هناك بيشتروا الفئات الأعلى زى الكامرى لكن فى أوربا المنافسة فى فئة العائلية المتوسطة و العائلية الصغيرة جامدة و الاوبشنز فيها له عامل مهم و دا اللى بقى موجود قى مصر برضه الأوبشنز فى فئة العائلية المتوسطة الصغيرة بقى عامل مهم قوى فى المنافسة فى الفئة دى لإن مابقاش فيه حد عنده إستعداد يدفع فى عربية 130 الف مافيهاش تكنولوجيا حديثة

فمن الأخر الجنوب أفريقى أوبشن أعلى بسعر حلو على حساب التقفيل و اليابانى أوبشنز أقل و بسعر يعتبر عالى لعدم وجود أوبشنز حديثة مقابل تقفيل أفضل