الى خبراء التاريخ و الحفريات القديمه ... سؤال عن ارتفاع الكرولا 78

[khaled_sabry]

مبدئيا اوعا حد يدحك
انا عندى عربيه تيوتا كرولا موديل 1978 زى اللى فى الصوره المرفقه دى بس انا بتاتعتى 4 باب
هى مش منتشره اوى الموديل ده لأن وقتها التيوتا ماكنتشى حد يسمع اسمها فى مصر اساسا (التيوتا اتعرف اسمها بسبب المكروباصات و العربيات الملاكى اللى موديلاتها قبل سنه 90 معظمها جاى من الخليج زى عربيتى)
المهم
هى العربيه ممتازه معايا جداا بس هى عاليه شويه من ورا من عند الشنطه كده
فهل ده الارتفاع الطبيعى بتاعها
لأنى شوفت اكتر من تاكسى من نفس الموديل و كانت بسوى واحد على الارض زى العربيات اللى فى الصور دى
بس برضه شوفت كذا عربيه تانيى فيهم نفس الارتفاع من ورا ده اللى عندى
فلو ده كان عيب بجد اروح للعفشجى مثلا اقوله ايه
-عللى المساعدين اللى قدام
- ولا وطى العربيه من ورا مع العلم انها فيها من ورا مساعدين و سوست ورق
و اسف للاطاله

[أبو عبدالله]

انت غيرت حاجه قبل كده في العشة اللي في الخلف ؟؟؟؟؟
لو ده كان من زمان وضعها يبقى ده الصح بتاعها واللي بتشوفهم زي التاكسي كده
يبقى هو اللي خفض ارتفاع العربيه من الخلف بأكثر من طريقة

انا رايي لو العربيه مغيرتش فيها حاجه قبل كده مش بتاعتها من الخلف في العفشة وهو ده وضعها

خليها كده وحطيلها جنوط وكاوتش عريض افضل
اما مسألة انك توطي وتعلي دي هتعمل مشاكل في العفشة

[sab3aawy]

شوف يا سيدى الفاضل، بالرجوع الى بردية بنى مزار التى ذكرت فيها طقوس رفع الكورولا بواسطة الكاهن سو-ست-رع (متزعلش انا بس بهزر معاك)

الكلام المفيد كالتالى: ايا كانت ماركة عربيتك او موديلها فالطبيعى ان العتب السفلى تحت البابين يكون موازى للأرض، يعنى لو العربية مرفوعة من ورا مما يودى الى ان العتب عامل زاوية مع الأرض منفرجة للخلف يبقى تروح للحداد "العفشجى"تخليه يفك السوستة الخلفية ويطرقها علشان توطى شوية لحد ما تحقق معادلة عتب يوازى الأرض .... بس كدة (ده طبعا لو كان ارتفاع السيارة من الأمام مظبوط ومناسب ، وده يتحقق بوجود فرق حوالى 5 سم بين العجلة وحز الرفرف الأمامى تقريبا)

[د.محمود صلاح]

شكرا لك على الصور وشكرا للباشمهندس خالد على التوضيح

[mr_sameh]

شوف يا سيدى الفاضل، بالرجوع الى بردية بنى مزار التى ذكرت فيها طقوس رفع الكورولا بواسطة الكاهن سو-ست-رع (متزعلش انا بس بهزر معاك)

الكلام المفيد كالتالى: ايا كانت ماركة عربيتك او موديلها فالطبيعى ان العتب السفلى تحت البابين يكون موازى للأرض، يعنى لو العربية مرفوعة من ورا مما يودى الى ان العتب عامل زاوية مع الأرض منفرجة للخلف يبقى تروح للحداد "العفشجى"تخليه يفك السوستة الخلفية ويطرقها علشان توطى شوية لحد ما تحقق معادلة عتب يوازى الأرض .... بس كدة (ده طبعا لو كان ارتفاع السيارة من الأمام مظبوط ومناسب ، وده يتحقق بوجود فرق حوالى 5 سم بين العجلة وحز الرفرف الأمامى تقريبا)

الموديل ده علي سوست من الخلف مش مساعدين ويايات علشان كده عاليه من الخلف معرفش بقي امكانية انك تخليها علي مساعدين متاح ولا لا

[waleedss]

لا طبيعي جدا في موديلات 78 و 79

[aymaneissa]

انا كان عندى واحده زى دى زمان وعلى فكره هى عربيه ممتازه بالنسبه الى موديلها مع باقى السيارات نفس الموديل يعنى مش هتندم عليها ابدا عربيه حمالة اسيه وهى اللىخللتنى احب التويوتا كورولا واشتريها دلوقتى زيرو

[cameeron]

على فكرة حضرتك مفروض يتكتب اسمك فى صفحة الشرف فى مدخل شركة تويوتا كاحد اول مالكى العربية

[khaled_sabry]

انت غيرت حاجه قبل كده في العشة اللي في الخلف ؟؟؟؟؟
لو ده كان من زمان وضعها يبقى ده الصح بتاعها واللي بتشوفهم زي التاكسي كده
يبقى هو اللي خفض ارتفاع العربيه من الخلف بأكثر من طريقة

انا رايي لو العربيه مغيرتش فيها حاجه قبل كده مش بتاعتها من الخلف في العفشة وهو ده وضعها

خليها كده وحطيلها جنوط وكاوتش عريض افضل
اما مسألة انك توطي وتعلي دي هتعمل مشاكل في العفشة

فى البدايه طبعا احب اشكر الاعضاء المهتمين بتاريخ سيارات الاحتراق الداخلى (حلوه ده محسسانى انى فى محاضره ... المفروض تسقفولى بعد المقدمه دى )
على العموم طبعا انا مش اول مالك للعربيه ده (انا عمرى كله 28 سنه و هى 31 سنه ) بس هى كانت بتاعت عمى من قبلى و انا سألته ان كان غير حاجه فى العفشه من ورا و هو قالى ما افتكرشى انى غيرت حاجه (طبعا ده عمر .. الواحد حيفتكر ايه و لا ايه كتر خير الدنيا ) على العموم انا حفترض ان مافيش حاجه اتغيرت و بالتالى انا مش حفتح على نفسى فتحه انا مش قدها لأنى ممكن اروح لعفشجى نص لبه و يبوظلى حاجه تانى
بس انا افتكرت حاجه لزيزه .. من سنه كده غيرت الكاوتش القدامانى و الراجل قالى المقاسات اللى عندى دى مابقتشى تتعمل دلوقتى و اللى موجود دلوقتى حاجه قريبه منه
و بالتالى بقى الكاوتشين اللى من قدام مقاساتهم 175/70 R13
و اللى ورا 165/80 R13
تفتكرو الفرق فى المقاسات ده هو اللى عامل الحكاييه دى و لا الفرق غير ملاحظ
و بالنسبه للاخ العزيز aymaneissa انا العربيه زى ماقولت بالظبظ بس فيها عيب واحد بسسسس خانقنى منها
ان شكلها قديييييييييييييييييييييييييييييييم و تحس كده انها موديل خمسينات و زمايلى فى الشغل بيتريقو عليها انت بقى كنت بتعمل ايه ساعتها

[م.محمد علاء]

شوف يا سيدى الفاضل، بالرجوع الى بردية بنى مزار التى ذكرت فيها طقوس رفع الكورولا بواسطة الكاهن سو-ست-رع (متزعلش انا بس بهزر معاك)

يا بشمهندس خالد..إنت ملكش حل والله العظيم

[khaled_sabry]

على فكرة حضرتك مفروض يتكتب اسمك فى صفحة الشرف فى مدخل شركة تويوتا كاحد اول مالكى العربية

و انا موااااااااااااااااافق بس كأحد مالكى اوائل الموديل للدقه بس تفتكر حيودولى فلوس و لا حتى واحده جديده ؟؟ ولا هما اخرهم يكتبو اسمى و خلاص

[cameeron]

و انا موااااااااااااااااافق بس كأحد مالكى اوائل الموديل للدقه بس تفتكر حيودولى فلوس و لا حتى واحده جديده ؟؟ ولا هما اخرهم يكتبو اسمى و خلاص

لا ياباشا مفروض تطالبهم بنسبة من الارباح بتاعة الكورولا عن السنين اللى فاتت دى كلها ده انت من اول مشجعى الصناعة اليابانى ايام ماكانت عاملة زى الصينى دلوقتى و كانت الناس بتقول يابانى ايه اللى اركبه انت من المساهمين المفروض

[aymaneissa]

فى البدايه طبعا احب اشكر الاعضاء المهتمين بتاريخ سيارات الاحتراق الداخلى (حلوه ده محسسانى انى فى محاضره ... المفروض تسقفولى بعد المقدمه دى )
على العموم طبعا انا مش اول مالك للعربيه ده (انا عمرى كله 28 سنه و هى 31 سنه ) بس هى كانت بتاعت عمى من قبلى و انا سألته ان كان غير حاجه فى العفشه من ورا و هو قالى ما افتكرشى انى غيرت حاجه (طبعا ده عمر .. الواحد حيفتكر ايه و لا ايه كتر خير الدنيا ) على العموم انا حفترض ان مافيش حاجه اتغيرت و بالتالى انا مش حفتح على نفسى فتحه انا مش قدها لأنى ممكن اروح لعفشجى نص لبه و يبوظلى حاجه تانى
بس انا افتكرت حاجه لزيزه .. من سنه كده غيرت الكاوتش القدامانى و الراجل قالى المقاسات اللى عندى دى مابقتشى تتعمل دلوقتى و اللى موجود دلوقتى حاجه قريبه منه
و بالتالى بقى الكاوتشين اللى من قدام مقاساتهم 175/70 R13
و اللى ورا 165/80 R13
تفتكرو الفرق فى المقاسات ده هو اللى عامل الحكاييه دى و لا الفرق غير ملاحظ
و بالنسبه للاخ العزيز aymaneissa انا العربيه زى ماقولت بالظبظ بس فيها عيب واحد بسسسس خانقنى منها
ان شكلها قديييييييييييييييييييييييييييييييم و تحس كده انها موديل خمسينات و زمايلى فى الشغل بيتريقو عليها انت بقى كنت بتعمل ايه ساعتها

[aymaneissa]

ولا يهمك ياعم خالد مدام مقتنع بالحاجه ويعنى هيه ولا 128 اللى الناس طالعه بيها السما دىاللى فردة عجله فى عربيتك بيها وبعربيات كتير ناس كتير فكرينها عربيه زى124 وشرحه وان شاء الله تجيب الزيرو بتاعها وتكيدهم كللهم

[khaled_sabry]

ولا يهمك ياعم خالد مدام مقتنع بالحاجه ويعنى هيه ولا 128 اللى الناس طالعه بيها السما دىاللى فردة عجله فى عربيتك بيها وبعربيات كتير ناس كتير فكرينها عربيه زى124 وشرحه وان شاء الله تجيب الزيرو بتاعها وتكيدهم كللهم

شكرا يا باشاااااااااااااااا
اثلجت صدرى
انتا عارف و الله لسه الناهرده الكهربائى قايلى على ان حوار الإحلال بتاع العربيات الموديل قبل 1980 حيطبق على الملاكى كمان ... بس بجد انا صعبان عليا انى افارق العربيه دى حتى لو بواحده زيرو مالم تكن عربيه ماركه محترمه ( كورولا او يارس او بيجو او متسوبيشى او هوندا او ... بس) لكن ماتقوليش ابدلها باسبرانزا او لادا مثلااا حتى لو كانت زيرووووو