كالعاده....حادثة

[bobabensa]

السلام عليكم

القصة كالاتي ...
عندي ياريس2008 ...اسمها طنط دولت بالمناسبة
من ساعة ماجبتها ماشافتش وش الصيانه وده لاني مش عارفه اخد منهم معاد.. مش لاقيه وقت اروح ..اهو سبب وخلاص.المهم اني بوديها المحطة يغيرولها زيت وكلام كده
المهم النهارده عملت بيها حادثة
واحد دخل فيا من ورا على اكتوبر
وللعلم مش غلطتي ..كما اي حد فيكم ممكن يقتنع وده لمجرد ان بنت اللي سايقه
اعتذر وقال ان العربية اتزحلقت وده بسبب ندعتين المطره بتوع الصبح(مش احنا بس اللي مش بنعرف نسوق)
سؤالي للشباب كالاتي
اوديها تتصلح في التوكيل ولا لا
لاني مارحتش التوكيل قبل كده فمعنديش اي فكرة
هي محتاجه يتغير الاكصدام اللي ورا (ده لو كان اسمه حقيقي)
ولا حتبقى غاليه قوي
انا عايزاها ترجع زي الاول
ومرسي ليكم جدا

[محمد محمد]

قدر الله وماشاء فعل.
دايما اللى بيخبط من ورا هو اللى غلطان حتي لو اللى قدام ضرب فرامل فجأء لأن اللى ورا لازم يكون واخد مسافة مناسبة.
بالنسبة للتصليح وديها للتوكيل افضل هيبقي التصليح اغلي شوية من برة بس هتضمني تصليح محترم وتريحي نفسك من وجع الدماغ بتاع الصنايعية وطبعا الفاتورة اللى بتخديها في الأخر بتضمنلك حقك في اي عيوب تظهر بعد كده.

[sas5]

حمدلله على سلامتك.
اود ان اعبر عن قرفى من 90% من السائقين فى مصر فانا اغلب الخبطات التى حدثت فى سياراتى تاتى من الخلف اما اكون واقف او نكون نسير ببط الناس مش مركزه حاجه اصبحت تخرج الانسان عن شعوره.

اليوم ايضا الساعه 11.30 الصبح سمعنا صوت خبطه امام مكتبنا اكتشفنا ان بيه من سواقى الميكروباص الذى لونه اخضر ماشى بسرعه فى المطر وحب يمسك فرامل فالميكروباص اتزحلق
وراحل داخل فى ثلاث سيارات مبهدلها السيارات كانت راكنه على يمين الطريق والشارع واسع ممكن يعدى ثلاث سيارات ودخل فى صناديق بيبسى امام كشك وربنا ستر لو كان هتاك اى شخص على الرصيف لخبطه على الفور.
المهم بعد هذه الخبطه السواق نزل يجرى واختفى خاف من الناس وظهر لما الشرطه حضرت .
والضابط اخذ السائق الى القسم لعمل محضر واعتقد ان سوف يصرفه من القسم لانه لايوجد قتلى !!!!!!!!!!!!!!!!!

[ahmed_khalil]

طب هو حضرتك مأمنه ولا لأ؟؟؟
الكصدام مكسور خالص ولا ممكن يتلحم؟؟؟

[yahiahelaly]

اختلف معاك يا ابو وليد
مش ديما بل وغالبا تصليح التوكيل بلذات في السمكرة بيبقى مش كويس
بلاضافه للمصنعية الغااااااااااااليه جداجداجدا بلمقارنه مع اغلى صنيعي برة
انا رئي يجيب الحاجة اوريجينال حتى لو من التوكيل ويصلح بره عن سمكري كويس ويسئل على واحد في المنتدى يكون كويس عشان يوكن قريب منه ولو معرفش في واحد هنا في الزقازيق ميه ميه والله بجبله عربيات العيلة من دميااااااااااااط

[solycar]

قدر الله وماشاء فعل.
دايما اللى بيخبط من ورا هو اللى غلطان حتي لو اللى قدام ضرب فرامل فجأء لأن اللى ورا لازم يكون واخد مسافة مناسبة.
بالنسبة للتصليح وديها للتوكيل افضل هيبقي التصليح اغلي شوية من برة بس هتضمني تصليح محترم وتريحي نفسك من وجع الدماغ بتاع الصنايعية وطبعا الفاتورة اللى بتخديها في الأخر بتضمنلك حقك في اي عيوب تظهر بعد كده.

مش شرط يا ابو الوليد

كنا مرة مشيين و ماسكين الشمال و فى عربية كانت على اليمين جنبينا بس سبقانا باقل من متر

العربية اللى قدامه وقفت فجاه و كان صعب الفرامل تسعفه راح الباشا دخل شمال قدمنا

مش دى المشكلة ,المشكلة ان العربية اللى كانت قدمنا فى الاول هديت جامد فالباشا اضطر يقف اول مجه قدمنا علطول

فخبطنا فية

الخسائر كانت جامدة فى العربيتن بس فضلنا ساعة نتخانق مين الغلطان

طبعا احنا اللى ورا بس مش غلطانين

[BLOODY_STONE]

لو الخبطة جامدة التوكيل حيغير ... ده عيب توكيل تويوتا .. اخر حاجة يفكروا فيها السمكرة و التصليح ... بس اقلها تضمني ان العربية حترجع زي الاول 100 %
انا كان حصل معايا كده برضه و واحد دخل في الباب اليمين .. مرضيوش يصلحوه (رغم ان مكنة الازاز و السنتر و الكلام ده كله كان سليم) و قالولي حنغير صاج الباب و الاستيكر و الاكرة ...) في حين ان الصنايعية برة قالولي حنصلحها من غير تغيير صاج الباب ... بس مين يضمن شغل الصنايعية؟!

[hdmrdash]

انا كان لى تجربه مع عربيتى النوبيرا اتخبطت من ورا ورحت التوكيل غيروا الكسدام والشنطه ورشوا جزأ من ارفرف
أنا قلت خلاص العربيه رجعت فابريكا
ولما جيت أبيعها ـول واحد شافها قالى دى مغيره شنطه وأكسدام ده شغل توكيل
فنصيحه من العبد لله لو تعرفى حد كويس يعملها أحسن مليون مره من التوكيل ولو مش عارفه أنا بعمل عربيتى التيوتا عند واحد فى الهرم ما شاء الله عليه
أى خدمه

[bobabensa]

طب هو حضرتك مأمنه ولا لأ؟؟؟
الكصدام مكسور خالص ولا ممكن يتلحم؟؟؟

هو التامين لسه خلصان ومجدتتوش لان الشركة اللي امنت فيها مكنتش حلوة ابدا وتعاملهم مش ظريف (مش معايا بس الواحد بيشوف)
بالمناسبة حد يقترح شركة كويسه
اهو نصلح العربيه وبعدين نامن عليها
معنديش فكرة يتصلح ولا يتلحم هو بعكك على جوه وبقى فيه فجوات

[bobabensa]

قدر الله وماشاء فعل.
دايما اللى بيخبط من ورا هو اللى غلطان حتي لو اللى قدام ضرب فرامل فجأء لأن اللى ورا لازم يكون واخد مسافة مناسبة.
بالنسبة للتصليح وديها للتوكيل افضل هيبقي التصليح اغلي شوية من برة بس هتضمني تصليح محترم وتريحي نفسك من وجع الدماغ بتاع الصنايعية وطبعا الفاتورة اللى بتخديها في الأخر بتضمنلك حقك في اي عيوب تظهر بعد كده.

ماذا تعني بكلمة اغلى
يعني برة ادفع 100 عندهم ادفع 10 الاف

[bobabensa]

شكرا جزيلا لردودكم جميعا وبارك الله فيكم
طب هي ممكن تاخد اد ايه في التوكيل
انا ما ينفعش استغنى عنها كتير
كمان فين توكيل تويوتا بتاع العباسيه
وهو انا فعلا لازم اخد معاد ولا اروح بدري وخلاص
معلش تعبتكوا

[BLOODY_STONE]

مش اقل من اسبوع ... عمرها ما تزيد عن كده .. و اهو بالمرة حيغسلوهالك و يعملولها بوليش من برة و جوة عشان الخرابيش الصغيرة

[mohamedhamam]

قدر الله و ما شاء فعل

[tamagogo]

بصفتي خبير حوادث في الياريس اللى راحت توتال لوسس.
انصح بالتصليح في مكان من الاتنين:
1- توكيل تويوتا ابو رواش. الشغل بتاعهم نضيف جدا ولو غيروا الاكصدام مفيش ي حاجه هتبان وهترجع زي ما كانت بالضبط (عن تجربه 4 مرات تقريبا) لكن هما غاليين شويه ومحدش يقدر يخمن السعر لان محدش شاف الهخبطه اثرت في ايه؟ هل اثرت على حاجه في الصاجه اللى ورا الاكصدام (المرايه)؟ وفي جميع الاحوال لا اعتقد انها هتقل عن 1500 في ارخص الاحوال.

2- لو عايزه تصلحيها بره التوكيل فيه ورشه ممتازه وشغلها نضيف تقريبا 80% من مستوى التوكيل وارخص من التوكيل وصاحبها كان عايش في اسبانيا ورجع من فتره. بتديله العربيه ومالكيش دعوه بحاجه ترجعي تاخديها سليه ومجربه قبل كده في عربيات تانيه كانت مقلوبه رجعها مظبوطه.
نمرة تليفون صاحب الورشه 0122496199 اسمه مهندس محمود.


بالنسبه للتامين انا كنت مامن مع اليانز وكانوا كويسين جدا بصراحه.

[Abdo_Eldesokey]

أنا رأيي فيه حل تاني كويس

دوري على اكصدام استيراد بنفس لون العربية ، أكيد هيبقى أرخص من الجديد