Tweet
بسم الله الرحمن الرحيم
ابدا الاول بالحمد لله و قدر الله و ماشاء فعل
من اسبوعين كنت ماشي في طريق صلاح سالم و كلنا نعرف الدوران الي بعد الازهر بارك و مؤدي للقلعه المهم هو فيه انحراف حاد جدا و انا كنت علي اليمين و عربيه تريلا السواق زي ميكون اول مره يعرف الدوران دا كان جاي بسرعه جدا و فوجيء بالدوران دا فخد الملف علي السريع وانا في اليمين بتاعه زنق عليا حاولت افاديه اتخبط مني الجنب اليمين من عند الاطار الامامي و الرفرف و خبطه في الباب الايمين امامي و خدوش في الباب اليمين خلفي و خبطه في الاكصدام الخلفي و اتاكل حته كبيره منه و انا الحمد لله كان عندي الم بسيط في ايدي الشمال و راح علي طول و الحمد لله الكلام دا كان الساعه حوالي 3 بليل نزلت و ناس وقفت و لكن التريلا هرب حتي من غير مينزل يشوف في ايه المهم الناس اطمنت عليا و و واحد غيرلي الكاوتش و فوجئت ان الكاوتش اليمين داخل لجوه بزاويه 45 درجه في حين ان الشمال 0 درجه كلمت النجده حوالي خمس مرات و كل مره يقولولي النجده في السكه و مفيش حد يجي لغايه مبصدفه و لله الحمد عربيه شرطه معديه مفهاش الا العسكري السواق وقف و كلم القسم و كده و الامين جه عاين و عملت محضر و شلت العربيه و ديتها التوكيل علي الونش لان مكنش ممكن تتحرك علي الساعه 8 الصبح كده بعد مخلصت في القسم
ااقرب توكيل ليا كان تويوتا العباسيه و خدو العربيه بص عليها المهندس و طمني و قالي ان مفيش خابطه في اجزاء حساسه زي الشاسيه مثلا حمدت ربنا و قالي انها احتمال تعدي 10000 جنيه قلتلو هيا متامن عليها و الحمد لله
تاني يوم رحت التوكيل بصيت علي العربيه بعد ما كشفو عليها و كان في التالي
- اكصدام امامي عاوز بتغير
- فانوس امامي يمين القاعده اتكسرت مع انه شغال
- الرفرف امامي يمين عاوز يتغير
- مقص امامي يمين
-مساعد امامي يمين
- كاوتش كامل يمين محتاج يتغير لان من الكاحت الفرده كلها باظت
- طبعا سمكره للباب الامامي يمين
- الرفرف الخلفي يمين يتغير
- دهانات لكامل الجانب الايمن و الاكصدامات
الحمد لله علي كل شيء خت المحضر و وديته شركه المهندس للتأمين و بلغتهم علشان يبعتو يعملو مقايسه قلولي هيبعتو خبير لان الحادثه كبيره
المهم تالت يوم بعتو الخبير نزل في المقايسه و خل التوكيل يشتغل ولو ظهرت حاجه تانيه بعد التفتيح في العربيه هيبعت التوكيل مقايسه للتامين سالت مهندس التوكيل تخلص امتي قالي من 3 اسابيع لشهر علشان عندهم زحمه حمدت ربنا و مشيت
دخلت العربيه في الشغل و الحمد لله استلمتها النهارده و كده اعدت في التوكيل حوالي 12 يوم كشفت علي العربيه الحمد لله تمام الدهان كويس جربت العربيه تمام و الحمد لله كنت اشتكيت من ان مكنه رفع الزجاج الامامي يسار بتعمل صوت و المهندس قالي هتتغير في الضمان هيا و الجنب اليمين امامي بردو و كنت بشتكي من ان عند الركن لما برجع ورا و ادوس فرامل بسمع تكه من عند الكاوتش الشمال تكه مع الرجوع للخلف و بتختفي بعد ما ادوس علي الفراملمره او مرتين لكن دا معرفوش يحددو العيب فين لتويوتا العباسيه و لا التجمع الخامس من قبلهم و لكن الشغل الي اتعمل في العربيه الحمد لله كويس و كله تمام و جربت العربيه و كل حاجه تمام و الحمد لله
كان مجموع الفاتوره 17000 جنيه و الحمد لله
انا بقا بتعامل مع المهندس للتامين و الي عندو تجربه معاهم يفدني لان موش عارف حاسس انهم بيلعبو معاي
- اول حاجه يوم الحدثه كلمت الديلر الي عملت معاي الوثيقه و دي كانت تاني سنه ليا معاهم و اول مطالبه ليا المهم قالتي ربنا يسهل ان شاء الله اصل انت مختش رقم العربيه الي خبطتك قلتلها و الله انا كنت بعمل حاثه و الدنيا ليل موش هلتفت لرقم العربيه دا اولا و ثانيا انا مامن تامين شامل العربيه لو اتخبطت و هي وقفه انت ملزمين تصلحوها قالتلي ربنا يسهل
- النهارده و انا بوديلهم الفواتير قولتلهم هتخدو قطع الغيار المستهلكه قلولي لا احنا مبنخدهاش قالتلي احنا هنخصم تمنها كبند مستهلكات ودا حوالي 5% من الفاتوره و دا حسب راي اللجنه بالاضافه الي 10% علشان التصليح في التوكيل قلتلهم اولا دي حاجات متدمره ثانيا لو انتو شيفنها تنفع خدوها انتو قلولي لا احنا موش بناخد قطع غيار قلتلهم و لا انا هبعها في الشارع انا موش هيتخصم مني الا 10% بتاعه التوكيل علي فكره العربيه موديل 2008 قلتلي دا سيستم الشركه المهم قفلنا علي كده
عاوز نصيحه من حد شغال في التامين او اتعامل مع الناس دي قبل كده يقولي اعمل معاهم ايه ولو مدفوش كامل الفاتوره اعمل ايه ؟
و ربنا ينجينا جميعا من اي مصيبه زي كده او غير كده
من اسبوعين كنت ماشي في طريق صلاح سالم و كلنا نعرف الدوران الي بعد الازهر بارك و مؤدي للقلعه المهم هو فيه انحراف حاد جدا و انا كنت علي اليمين و عربيه تريلا السواق زي ميكون اول مره يعرف الدوران دا كان جاي بسرعه جدا و فوجيء بالدوران دا فخد الملف علي السريع وانا في اليمين بتاعه زنق عليا حاولت افاديه اتخبط مني الجنب اليمين من عند الاطار الامامي و الرفرف و خبطه في الباب الايمين امامي و خدوش في الباب اليمين خلفي و خبطه في الاكصدام الخلفي و اتاكل حته كبيره منه و انا الحمد لله كان عندي الم بسيط في ايدي الشمال و راح علي طول و الحمد لله الكلام دا كان الساعه حوالي 3 بليل نزلت و ناس وقفت و لكن التريلا هرب حتي من غير مينزل يشوف في ايه المهم الناس اطمنت عليا و و واحد غيرلي الكاوتش و فوجئت ان الكاوتش اليمين داخل لجوه بزاويه 45 درجه في حين ان الشمال 0 درجه كلمت النجده حوالي خمس مرات و كل مره يقولولي النجده في السكه و مفيش حد يجي لغايه مبصدفه و لله الحمد عربيه شرطه معديه مفهاش الا العسكري السواق وقف و كلم القسم و كده و الامين جه عاين و عملت محضر و شلت العربيه و ديتها التوكيل علي الونش لان مكنش ممكن تتحرك علي الساعه 8 الصبح كده بعد مخلصت في القسم
ااقرب توكيل ليا كان تويوتا العباسيه و خدو العربيه بص عليها المهندس و طمني و قالي ان مفيش خابطه في اجزاء حساسه زي الشاسيه مثلا حمدت ربنا و قالي انها احتمال تعدي 10000 جنيه قلتلو هيا متامن عليها و الحمد لله
تاني يوم رحت التوكيل بصيت علي العربيه بعد ما كشفو عليها و كان في التالي
- اكصدام امامي عاوز بتغير
- فانوس امامي يمين القاعده اتكسرت مع انه شغال
- الرفرف امامي يمين عاوز يتغير
- مقص امامي يمين
-مساعد امامي يمين
- كاوتش كامل يمين محتاج يتغير لان من الكاحت الفرده كلها باظت
- طبعا سمكره للباب الامامي يمين
- الرفرف الخلفي يمين يتغير
- دهانات لكامل الجانب الايمن و الاكصدامات
الحمد لله علي كل شيء خت المحضر و وديته شركه المهندس للتأمين و بلغتهم علشان يبعتو يعملو مقايسه قلولي هيبعتو خبير لان الحادثه كبيره
المهم تالت يوم بعتو الخبير نزل في المقايسه و خل التوكيل يشتغل ولو ظهرت حاجه تانيه بعد التفتيح في العربيه هيبعت التوكيل مقايسه للتامين سالت مهندس التوكيل تخلص امتي قالي من 3 اسابيع لشهر علشان عندهم زحمه حمدت ربنا و مشيت
دخلت العربيه في الشغل و الحمد لله استلمتها النهارده و كده اعدت في التوكيل حوالي 12 يوم كشفت علي العربيه الحمد لله تمام الدهان كويس جربت العربيه تمام و الحمد لله كنت اشتكيت من ان مكنه رفع الزجاج الامامي يسار بتعمل صوت و المهندس قالي هتتغير في الضمان هيا و الجنب اليمين امامي بردو و كنت بشتكي من ان عند الركن لما برجع ورا و ادوس فرامل بسمع تكه من عند الكاوتش الشمال تكه مع الرجوع للخلف و بتختفي بعد ما ادوس علي الفراملمره او مرتين لكن دا معرفوش يحددو العيب فين لتويوتا العباسيه و لا التجمع الخامس من قبلهم و لكن الشغل الي اتعمل في العربيه الحمد لله كويس و كله تمام و جربت العربيه و كل حاجه تمام و الحمد لله
كان مجموع الفاتوره 17000 جنيه و الحمد لله
انا بقا بتعامل مع المهندس للتامين و الي عندو تجربه معاهم يفدني لان موش عارف حاسس انهم بيلعبو معاي
- اول حاجه يوم الحدثه كلمت الديلر الي عملت معاي الوثيقه و دي كانت تاني سنه ليا معاهم و اول مطالبه ليا المهم قالتي ربنا يسهل ان شاء الله اصل انت مختش رقم العربيه الي خبطتك قلتلها و الله انا كنت بعمل حاثه و الدنيا ليل موش هلتفت لرقم العربيه دا اولا و ثانيا انا مامن تامين شامل العربيه لو اتخبطت و هي وقفه انت ملزمين تصلحوها قالتلي ربنا يسهل
- النهارده و انا بوديلهم الفواتير قولتلهم هتخدو قطع الغيار المستهلكه قلولي لا احنا مبنخدهاش قالتلي احنا هنخصم تمنها كبند مستهلكات ودا حوالي 5% من الفاتوره و دا حسب راي اللجنه بالاضافه الي 10% علشان التصليح في التوكيل قلتلهم اولا دي حاجات متدمره ثانيا لو انتو شيفنها تنفع خدوها انتو قلولي لا احنا موش بناخد قطع غيار قلتلهم و لا انا هبعها في الشارع انا موش هيتخصم مني الا 10% بتاعه التوكيل علي فكره العربيه موديل 2008 قلتلي دا سيستم الشركه المهم قفلنا علي كده
عاوز نصيحه من حد شغال في التامين او اتعامل مع الناس دي قبل كده يقولي اعمل معاهم ايه ولو مدفوش كامل الفاتوره اعمل ايه ؟
و ربنا ينجينا جميعا من اي مصيبه زي كده او غير كده
المهم انا لسه شغال في الاجرات لان الموضوع بالنسبه لي في حاجات كتير بس كل الي سالتهم قاللولي لازم تونطلهم كل شويه ومايمنعش لو حبة صوت عالي
Comment