زيت موتور اليارس

[badroo_included]

ما هو نوع زيت الموتور لليارس؟ mobil 1 or mobil xhp؟

[ابوشريف]

الاتنين شغالين

اذا كنت بتعمل كيلومتر كبير فى فتره صغيره استعمل موبيل وان10000 كيلو

اما اذا كنت بتعمل كيلومتر قليل فى فتره كبيره استعمل اكس اتش بى 5000 كيلو

[BLOODY_STONE]

طب معلش يا استاذ ابو شريف .. هما بيفرقوا ايه؟
انا مقدرش احدد انا حعمل كم كتيرة او قليلة بس انا مش بسافر بالعربية ... يبقى احط موبيل وان عادي ولا ايه؟؟

[ابوشريف]

موبيل وان بيعمل 10000 كيلو متر

موبيل اكس اتش بى بيعمل 5000 كيلو

ده الفرق بينهم

انا عن نفسى بفضل النوع الثانى

[tamer273]

متهيألي كده ان Mobile XHP حوالي 3000 كم (مش 5000 كم) وسعره تقريبا 100 جنيه
أما بالنسبة ل Mobile 1 تقريبا لمدة 9000 إلي 10000 كم و سعره بالضبط 235 جنيه
وفيه كمان زيت موتور Toyota في جركن أسود - مرسوم عليه علامة تويوتا (تصنيع شركة تويوتا) ويعمل 11000 إلي 12000 كم وسعره 260 جنيه (بس مش دايما بلاقيه)

أن بأفضل :
1- زيت Toyota طبعا ده لو لقيته و يليه Mobile 1 عشان التكلفة بالنسبة للمسافة معقولة (235 جنيه ل 10000 كم)
2- تتغير فلتر الزيت كل 10000 كم تقريبا .... يعني لو هاتحط XHP هاتضطر تقريبا كل 3 مرات تغير زيت تغير معاهم الفلتر .... وممكن تنسي .... أما بالنسبة ل Mobile 1 كل 10000 كم تغير زيت ومعاه فلتر الزيت بالمرة.

[ahmedyaris]

انا بستعمل موبيل 1 10000كم اخر غيار فات عليه 5000 كم يعنى لسه فاضل 5000كم وانا بشيك على الزيت الصبح بالمقاس شميت ريحة شياط او ريحه غريبه كده مش عارف احددها مع انه لزوجته مش وحشه لسه شغال يعنى يا ترى ايه ده يا معشر اليارس العربيه عامله لحد الان 20000كم بس

[BLOODY_STONE]

متهيألي كده ان mobile xhp حوالي 3000 كم (مش 5000 كم) وسعره تقريبا 100 جنيه
أما بالنسبة ل mobile 1 تقريبا لمدة 9000 إلي 10000 كم و سعره بالضبط 235 جنيه
وفيه كمان زيت موتور toyota في جركن أسود - مرسوم عليه علامة تويوتا (تصنيع شركة تويوتا) ويعمل 11000 إلي 12000 كم وسعره 260 جنيه (بس مش دايما بلاقيه)

أن بأفضل :
1- زيت toyota طبعا ده لو لقيته و يليه mobile 1 عشان التكلفة بالنسبة للمسافة معقولة (235 جنيه ل 10000 كم)
2- تتغير فلتر الزيت كل 10000 كم تقريبا .... يعني لو هاتحط xhp هاتضطر تقريبا كل 3 مرات تغير زيت تغير معاهم الفلتر .... وممكن تنسي .... أما بالنسبة ل mobile 1 كل 10000 كم تغير زيت ومعاه فلتر الزيت بالمرة.

انا عرفت اجيب زيت تويوتا الاصلي هو عمره 5000 كم او 6 شهور بس في ناس بتقولي انه معدني و بلاش منه للعربيات الجديدة ايه رأيكم ؟

[ramy01011]

, الله انا شغال بالزيت بتاع بنزينة الامارات بصراحة معرفش نوعة اية بس بحط منه بقالي 3 سنين و زي الفل

[ahmedyaris]

انا عرفت اجيب زيت تويوتا الاصلي هو عمره 5000 كم او 6 شهور بس في ناس بتقولي انه معدني و بلاش منه للعربيات الجديدة ايه رأيكم ؟

طب ما كل الزيوت معدنيه يا مان ولا ايه ؟ انا معلوماتى ان كلها معدنيه يا ريت حد عارف يأكد او ينفى

[BLOODY_STONE]

لا الموبيل وان و الشيل و الكلام ده زيوت تخليقي fully synthetic

[elmkaneeki]

عندى زيت تيوتا يابانى لو حابب